ফিলিপীয়রাংনা 1:28 - Garo New Testament

²⁸ জেরাং না·সংনি বোবিল দাক্কে দংআ বিসংনি মামুংনা না·সং দা·আ খেন্নাবো। ইয়োন নিকনা মা·ন্নুয়া, বিসং ব·ন্নাংইংজক আরো না·সং জক্কাখো মা·ন্না রি·য়াংইংজক; আরো ইয়া জক্কা ইসলচানিন রি·বাআ।

ফিলিপীয়রাংনা 1:28 Iomraidhean Croise

মথিনি চকগিবা নাম্মা খাৎথা 10:28

জেরাং বে·এনখোসান স·ওতনা মা·ন্না ইন্দিবা জাংগিখো স·ওতনা মান·জা বিসংনা দা·আ খেন্নাবো। ইন্দিবা বে·এন আরো জাংগি ইয়া গি·গ্মিখোন নরকচা ব·ন্নেতনা মান·গিবানাসা খেনবো।

মার্ক 3:3

যীশু উয়া জাক সিক্রেপগিবা মান্দিখো আগানজক, ‘‘গিম্মিকনি মিকখাংচানা রি·বাএ চাদেংবো।’’

লূকনি চকগিবা নাম্মা খাৎথা 3:6

মান্দিখো পাপওনি জক্কেৎনা ইন্নে ইসল জেখো দাকজক, গিম্মিক মান্দিরাংআন উখো নিকনা মা·ন্নুয়া।’ ”

যোহননা 16:8

বিয়া রি·বাএ পাপনি গিম্মিন, ইসলনি হা·সিকা গিত্তা রি·য়ানি গিম্মিন আরো ইসলনি বিচালনি গিম্মিন মান্দিরাংখো সিমসাকেতনুয়া।

ওয়াত্তেতারাংনা 28:28

“ইনি গিম্মিন না·সং হা·আইএ রা·রিকবো, ইসল মান্দিখো বাদিকে দাক্কে পাপওনি জক্কেতা উয়া খাৎথাখো গিপ্পিন জাতরাংনা হা·আইএতজক, আরো বিসংআন উয়া খাৎথাখো খিন্নানুয়া।”

রোমানরাংনা 8:17

আনচিং দেদ্রাং হং·এ দংওদে ইসল বিনি দেদ্রাংনা জেখো হ·ন্না খু·রাচাকজক আনচিং উখো মা·ন্নুয়া। খ্রীষ্টন ইসলচাখো উখো মা·ন্নুয়া আরো আনচিংবা বিমুং উখো মা·ন্নুয়া, মুয়ানা আনচিং খ্রীষ্টমুং দুক চাক্কোদে বিমুং রাসংখোবা মা·ন্নুয়া।

1 থিষলনীকী 2:2

না·সং ইখোবা হা·আইয়া, ইনা স্খাং চিংআ ফিলিপী সংজিলমাচা গিচ্চিয়াখো মা·ন্নামিং আরো মান্দিরা·গিজাখোবা মা·ন্নামিং। ইন্দিবা ইন্দাকে চাংফেংআরাং দংওবা আনচিংনি ইসলচানি খেনমানগিজাখো মা·ন্নে বিনি নাম্মা খাৎথাখো চিংআ ফারাকেন না·সংনা আগানামিং।

ইব্রীয়রাংনা 13:6

ইনি গিম্মিন আনচিং খেনমানগিজা আগান্না মান·না, গিত্তেল আংনি দাকচাকগিবা, আংআ খেনজানুয়া; মান্দি আংখো মুয়া দাকনা মান·না?

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।