ফিলিপীয়রাংনা 1:19 - Garo New Testament

¹⁹ মুয়ানা আংআ হা·আইয়া, আংনি সাক্কাও জেরাং হং·জক উনি বন·চতগিবা বিথি হং·নুয়া আংনি জক্কা; আরো উয়া না·সংনি বি·আচা আরো যীশু খ্রীষ্টনি গিসিকনি দাকচাকাচান হং·নুয়া।

ফিলিপীয়রাংনা 1:19 Iomraidhean Croise

ওয়াত্তেতারাংনা 16:7

জা·মানো মুশিয়াওনা রি·বাএ বিসং বিথুনিয়া হা·দকচা রি·য়াংনা হাম·জক, ইন্দিবা যীশুনি গিসিক বিসংখো রি·য়াংনা হন·জাজক।

রোমানরাংনা 8:28

আনচিং হা·আইয়া ইসলনা জেরাং খা·ফাকা, আগানস্খাওদে ইসল আন·থাংনি মিকসংআ গিত্তা জেরাংখো রিক্কামজক বিসংনি নাম্মানা গিম্মিকান আপসান দাক্কে কাম দাক্কিংজক।

রোমানরাংনা 8:9

ইন্দিবা ইসলনি গিসিক না·সংনি খা·থংও দংওদে না·সং পাপ-বেওয়ালনি নিং·আও হং·জা ইন্দিবা গিসিক রংথালগিবানি নিং·আওসা হং·আ। জেনি খা·থংও খ্রীষ্টনি গিসিক দংজা বিয়া খ্রীষ্টনি হং·জা।

1ম করিন্থীয়রাংনা 4:17

আরো ইনি গিম্মিনান আংআ তীমথিয়খো না·সংচা ওয়াত্তেতিংজক। বিবিরা·গিবা গিত্তা বিয়া আংনি খা·সাগিবা আরো বিবিগিবা দে হং·আ। যীশুমুং নাংরিমে আংনি স্খিয়া আরো কাম বাদিকে দাক্কা, বিয়া উখো না·সংনা গিসিক রা·এতনুয়া। গিম্মিক হা·দামনি গিম্মিক মন্ডলীনা আংআ ইরাংনি বিদিংও আপসানখোন স্খিয়ে হ·ন্না।

2য় করিন্থীয়রাংনা 1:11

আরো না·সংবা চিংনা বি·এ দাকচাকবো। ইন্দাকোদে বাং·আরাংনি বি·আনি হা·সেল জে ফাত্তিয়াখো চিংআ মা·ন্নুয়া উনি গিম্মিন চিংনা বাং·আরাংএন ইসলখো মিৎথেলনুয়া।

গালাতীয়রাংনা 3:5

মুয়ানা ইসল গিসিক রংথালগিবাখো না·সংনা র·ন্না আরো না·সংনি গিসেপো ইন্দাকফিল্লে আইয়াও ইনমানগিবা কামখো দাক্কা উখো চানচিয়ে নিবো। নিয়ামখো না·সং মানিয়া ইন্নেন বিয়া ইরাংখো দাক্কামা, নাম্মা খাৎথাখো খিন্নাএ বিবিরা·জক ইন্নে দাক্কা?

গালাতীয়রাংনা 4:6

না·সং দেদ্রাং ইন্নেন ইসল বিনি দেফান্থিনি গিসিকখো না·সংনি খা·থংও দংনা ওয়াত্তেতজক। উয়া গিসিক ইসলখো আব্বা আব্বা, আগানস্খাওদে আপফা ইন্নে রিক্কামা।

ফিলিপীয়রাংনা 1:18

ইন্দিবা উনি হা·সেল মুয়া হং·আ? চং·মত খাৎথা হং·জক, ইনি গিম্মিন জেদাক্কেন হং·খানা খ্রীষ্টখো আগানফ্রাকা হং·ইংজক- উয়া দাকমিকনা মিকসংএন হং·খানা আরো নাম্মাখো মিকসংএন হং·খানা; আরো উনান আংআ খুসি হং·আ। আংনি ইয়া হান·সেংআ মামুং সালোবা বন·জানুয়া,

পিতর 1:11

বিসংনি খা·থংও খ্রীষ্টনি গিসিক স্খাংআন সাক্ষি র·ন্নে আগানামিং, খ্রীষ্টখো দুক চাকনা নাংনুয়া আরো ইনি জা·মানো বিয়া রাসংখো মা·ন্নুয়া। আগানসোগিবারাং হা·আইনা হা·ম্মামিং খ্র্রীষ্টনি উয়া গিসিক বাগিবা সময় আরো বাদাকা অবস্থানি খাৎথাখো বিসংনা আগানিংআমিং।