ফিলিপীয়রাংনা 1:14 - Garo New Testament

¹⁴ ইনা আগ্রে আংনি ইন্দাকে বন্দি হং·এ দংআনি গিম্মিন বাং·আ জংআদারাং গিত্তেলনি সাক্কাও আরোসা বাং·এ ফাংচাকনা স্খিজক আরো উনি গিম্মিনান বিসং খেনচাকগিজা ইসলনি খাৎথাখো আগানফ্রাকনা আরোসা ফাস্রাংজক।

ফিলিপীয়রাংনা 1:14 Iomraidhean Croise

মার্ক 3:3

যীশু উয়া জাক সিক্রেপগিবা মান্দিখো আগানজক, ‘‘গিম্মিকনি মিকখাংচানা রি·বাএ চাদেংবো।’’

2য় করিন্থীয়রাংনা 3:12

চিংনি ইন্দাকে খা·দংআ দংআ ইন্নেন চিংআ ফি·ফ্রাকে খাৎথা আগানা।

2য় করিন্থীয়রাংনা 7:4

না·সংখো আংআ বিবিরা·বিয়া আরো না·সংনি গিম্মিন আংআ রাসং দাকবিংজক। চিংনি গিম্মিক দুকরাংনি গিসেপো আংনি খুসি গাপসুয়াকিংজক আরো আংআ বাং·এ খা·নাম্মেতাখো মান·জক।

ইফিষীয়রাংনা 3:13

ইনি গিম্মিন আংআ মল·মলিংআ, না·সংনা আংআ দুকরাংখো চাক্কিংজক ইন্নে না·সং দা·আ খেনমানাবো, মুয়ানা না·সংনি রাসংনান উরাং হং·ইংজক।

ফিলিপীয়রাংনা 1:20

আংনি বিবিরা·আ খেম·খেম দংআ, আংআ মামুংনান খ্রাচা·জানুয়া বাত্তেসা আংআ বাং·এ ফা·আনুয়া, স্খাংও আংনি গিসেপো খ্রীষ্টনি রাসং জেদাক্কে ফারাকামিং উয়ানদাক্কে দা·আওবা ফারাকনুয়া-আংআ থাংএবা দং বা সিয়েবা দং;

ফিলিপীয়রাংনা 1:7

না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

ফিলিপীয়রাংনা 4:1

আংনি জংআদারাং, আংআ না·সংনা খা·সাআ আরো না·সংখো নিনা হা·ম্মা। না·সংআন আংনি হান·সেংআ, আংনি হাম্মানি মালা হং·আ। না·সং গিত্তেলমুং নাংরিমে খেম·খেম দংবো।

কলসীয়রাংনা 4:4

জেগিত্তা থাল্লে ইয়া বিদিংখো আংনি আগান্না নাংআ, বি·বো জেদাক্কে আংআ উগিত্তান আগান্না মা·ন্না।

কলসীয়রাংনা 4:7

চিংনি খা·সাগিবা জং আরো বিবিরা·না খ্রাগিবা দাকচাকে হন·গিবা আরো চিংমুং গিত্তেলনি কামখো রিম·ফাগিবা তুুখিক আংনি গিম্মিক খবলখো না·সংনা হ·ন্নুয়া।

1 থিষলনীকী 2:2

না·সং ইখোবা হা·আইয়া, ইনা স্খাং চিংআ ফিলিপী সংজিলমাচা গিচ্চিয়াখো মা·ন্নামিং আরো মান্দিরা·গিজাখোবা মা·ন্নামিং। ইন্দিবা ইন্দাকে চাংফেংআরাং দংওবা আনচিংনি ইসলচানি খেনমানগিজাখো মা·ন্নে বিনি নাম্মা খাৎথাখো চিংআ ফারাকেন না·সংনা আগানামিং।

2 তীমথিয় 2:9

আরো ইয়া নাম্মা খাৎথাখো আগানফ্রাকনান আংআ দুকখো চাক্কিংআ; আরোবা, দোসগ্মাং গিত্তা আংখো খাবা খাজক। ইন্দিবা ইসলনি খাৎথাখোদে খাখুজা।