ফিলিপীয়রাংনা 1:10 - Garo New Testament

^10-11 ইন্দাকোদে নামবিবিয়াখো না·সং হা·আইচাকে বাচ্ছিয়ে রা·না মা·ন্নুয়া। উনোদে না·সং যীশু খ্রীষ্টও খাকখেৎ জাংগিনি বিথিচা চু·সকে খ্রীষ্টনি রি·বানি সালোনা দিপ্পাৎ খাকখেৎ আরো দোসগ্রি দংনা মা·ন্নুয়া, আরো ইনি হা·সেল ইসলনি রাসং আরো মিৎথেলা হং·নুয়া।

ফিলিপীয়রাংনা 1:10 Iomraidhean Croise

মথিনি চকগিবা নাম্মা খাৎথা 16:23

যীশু ফি·ল্লে পিতরনা আগানজক, “আংচানি খাতবো, শয়তান। না·আ আংনি রামাও চাংফেংগিবা। না·আ ইসলনি বিদিংখো চানচিজা ইন্দিবা মান্দিনি বিদিংখোসা চানচিয়া।”

মথিনি চকগিবা নাম্মা খাৎথা 26:33

উনোন পিতর বিনা আগানজক, “নাং·খো রা·এ দিমদাকনি গিসিকো জাব্রাংওবা আংনি গিসিকো জাব্রাংজানুয়া।”

যোহননা 1:47

যীশু নথনেলখো আন·থাংচানা রি·বাখো নিক্কে বিনি গিম্মিনো আগানজক, “হাইওয়া নিবো, ইস্রায়েলনি সাকসা খাকখেৎগিবা মান্দি। বিনি গিসিকো বু·আ দংজা।”

যোহননা 3:20

নামগিজা কামখো দাকগিবা সেং·আখো মিৎচিয়া। বিনি নামগিজা কামরাং ফারাকনুয়া ইন্নে বিয়া সেং·আওনা রি·বাজা।

ওয়াত্তেতারাংনা 24:16

উনি গিম্মিন আংআ ইসল আরো মান্দিরাংচা ফাংনানান আংনি গিসিকখো রংথালে দন্না হা·ম্মা।

রোমানরাংনা 12:2

ইয়া নামগিজা হা·গিলসাকনি রি·য়া-দোআরাংও না·সং আন·থাংথাংখো দা·আ রিপ্পেতাবো, বাত্তেসা ইসলচা না·সংনি গিসিকখো গিত্তাল দাক্কে থারিনা হ·ন্নে চু·গিম্মিক দাক্কে গিত্তাল হং·বো, জেদাক্কে না·সং ইসলনি হা·সিকাখো হা·আইনা মা·ন্না। ইসলনি হা·সিকা নাম্মা, চু·সকগিবা আরো উয়া বিনা খুসি হং·বিয়ানি হং·আ।

রোমানরাংনা 12:9

খা·সাও বু·এ চা·আ দংজাখানা। নামগিজাখো মিৎচিবো; নামগিবাখো রাক্কে রি·ম্মে রা·রিকবো।

রোমানরাংনা 16:17

জংআদারাং, না·সং জে স্খিয়াখো মান·জক উনি ফাংফিল্লে স্খিয়াখো হ·ন্নে জেরাং দল থারিয়া আরো চাংফেংআখো থারিয়া, বিসংখো নিরকনা আংআ না·সংখো মংসংবাত্তে মল·মলিংজক। না·সং বিসংচানি চে·ল্লে দংবো,

রোমানরাংনা 2:18

ইসল মুয়াখো হা·ম্মা উখো না·আ হা·আইয়া আরো নাম্মাখো মানিয়া, মুয়ানা নিয়ামওনি না·আ উয়া স্খিয়াখোন মা·ন্না।

রোমানরাংনা 7:16

দাকনা হা·সিকগিজাখো আংআ দাক্কোন নিয়াম নাম্মা ইন্নে আংআ খু·রাচাক্কা।

রোমানরাংনা 7:22

আংনি খা·থং ইসলনি নিয়ামনা হান·সেংআ;

রোমানরাংনা 8:7

জে গিসিক পাপ-বেওয়ালনি হা·ম্মা গিত্তা দাকনা হা·সিকা, উয়া গিসিকদে ইসলনা চাকজা, মুয়ানা উয়াদে ইসলনি নিয়ামখো মানিনা হাম·জা মানিনাবা মান·জা।

1ম করিন্থীয়রাংনা 1:8

আনচিংনি গিত্তেল যীশু খ্রীষ্টআন বন·খামওনা দিপ্পাৎ না·সংখো খেম·খেম দন্নুয়া, জেনি হা·সেল বিনি রি·বানি সালো না·সং দোসগ্রি দাক্কে দংনুয়া।

1ম করিন্থীয়রাংনা 10:32

জেদাক্কে আংআ গিম্মিক মান্দিখো খুসি দাক্কা না·সংবা উগিত্তান দাকবো; যিহূদী বা যিহূদী হং·গিজা বা ইসলনি মন্ডলীনি মান্দিরাংনি রামাখো দা·আ ফেং·আবো। আংআ আন·থাংনি নাম্মাখো দাকগিজা সাকগিপ্পিনরাংনি নাম্মাখো দাকনা হা·ম্মা জেদাক্কে বিসং পাপওনি জক্কাখো মা·ন্না।

1ম করিন্থীয়রাংনা 8:13

উনি গিম্মিন চা·আনি হা·সেল আংনি জংআদা পাপও গা·আকোদে আংনি জংআদা পাপও গা·আকজাখানা আংআ বে·এন চা·আখোন ওয়াতনুয়া।

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 6:3

খ্রীষ্টনি গিম্মিন চিংআ জে কামখো দাক্কা উখো জিজাখানা ইন্নে চিংআ ইন্দাকগিবা মামুংখোবা দাকজা জেনি হা·সেল দারাংবা গিসিকো চাংফেংআখো মান·জা।

2য় করিন্থীয়রাংনা 8:8

ইখো আংআ গি·য়েতিংজক ইন্দাকেদে হং·জা, ইন্দিবা গিপ্পিনরাংনি গিসিক নাংআনি খাৎথাখো না·সংনা আগানে আংআ পরীক্ষা দাক্কে নিনা হা·ম্মা না·সংনি খা·সা বাসিক খাকখেৎ হং·আ।

গালাতীয়রাংনা 5:11

জংআদারাং, দা·আওবা আংআ ইন্দাকে আগানফ্রাকোদে, মান্দিরাং বিগিল রাতনা নাংআ ইন্দাকোদে দা·আওবা মুয়ানা আংখো গিচ্চিয়েতিংজক? ইন্দাকোদে চিসলনি সাক্কাও খ্রীষ্টনি সিয়ানি চাংফেংআ দংজাজক।

ইফিষীয়রাংনা 4:15

বাত্তেসা আনচিং খা·সানি গিসিকখো রা·এ খ্রীষ্টনি গিম্মিনো বিবিখো আগান্নুয়া আরো গিম্মিক গিত্তা দাল·রোরোএ খ্রীষ্ট গিত্তা হং·নুয়া। বিয়ান বে·এননি স্খুথং।

ইফিষীয়রাংনা 5:10

উনোদে না·সং থিকখেলে নিনা মা·ন্নুয়া বাগিবা কামরাংনা গিত্তেল খুসি হং·আ।

ইফিষীয়রাংনা 6:24

আনচিংনি গিত্তেল যীশু খ্রীষ্টনা জেরাংনি খা·সাআ খেম·খেম দংআ বিসং গিম্মিকনি সাক্কাও ইসলনি খা·সাচাক্কা দংখানা।

ফিলিপীয়রাংনা 1:16

ইয়া মান্দিরাংনি গিসিকো খা·সাআ দংআ ইন্নেন বিসং খ্রীষ্টনি গিম্মিনো আগানফ্রাকা, মুয়ানা বিসং ইখো হা·আইয়া, নাম্মা খাৎথানা চাদেংএ খাৎথা আগান্না ইন্নেন আংখো দনজক।

ফিলিপীয়রাংনা 1:6

আংনি ইন্দাকা বিবিরা·আ দংআ, না·সংনি খা·থংও জেআন নাম্মা কামখো দাকনা হা·বাচেংজক বিয়া খ্রীষ্ট যীশুনি রি·বানি সালোনা দিপ্পাৎ উখো দাক্কে ব·ন্নেতনুয়া।

1 থিষলনীকী 3:13

ইন্দাকোদে বিয়া না·সংনি খা·থংখো খেম·খেমেতনুয়া, জেদাক্কে আনচিংনি গিত্তেল যীশু জেনসালো বিনি গিম্মিক মান্দিরাংখো রিমবাফানুয়া উনো আনচিংনি ফাআ আরো ইসলনি মিকখাংও না·সং খাকখেৎ আরো রংথালবো।

1 থিষলনীকী 5:21

জেআন নাম্মা উখো রি·ম্মে রা·রিকবো,

1 থিষলনীকী 5:23

থম·থমেৎগিবা ইসল আন·থাংআন না·সংখো চু·গিম্মিক দাক্কে রংথালেতখানা, আরো আনচিংনি গিত্তেল যীশু খ্রীষ্টনি রি·বাফিল্লানি সালো না·সংনি বে·এনখো-গিসিকখো দোসগ্রি দাক্কে দনবো।

1 যোহন 4:1

খা·সাগিবা বি·সারাং, না·সং গিম্মিক গিসিকখো দা·আ বিবিরা·আ; বাত্তেসা বিসং ইসলওনি রি·বামা রি·বাজা উখো থিকখেলে নিবো, মুয়ানা হা·গিলসাকো বু·এ চা·গিবা আগানসোগিবারাং বাং·এ হং·খাতজক।

ফারাকগিবা খাৎথা 2:2

আংআ নাং·নি কাম, গাম্মা আরো চাকচিকানি খাৎথাখো হা·আইয়া। আংআ হা·আইয়া না·আ নামগিজা মান্দিরাংখো চাকনা মান·জা, আরো জেরাং ওয়াত্তেতা হং·জাওবা আন·থাংখো ওয়াত্তেতা ইন্নে দাবি দাক্কা বিসংখো রুরাএ নিজক আরো বিসং বু·এ চা·গিবা হং·আ ইখোবা নিকনা মান·জক।