ফিলিপীয়রাংনা 1:1 - Garo New Testament

¹ তীমথিয় আরো আংআ পৌল- চিংআ খ্রীষ্ট যীশুনি নকখল হং·আ। খ্রীষ্ট যীশুমুং নাংরিমগিবা ইসলনি জে মান্দিরাং ফিলিপী সংজিলমাচা দংআ চিংআ বিসংচা আরো বিসংখো নিরক্ষিগিবারাংচা আরো বিসংনা দাকচাকে রন·গিবারাংচা চক্কিংজক।

ফিলিপীয়রাংনা 1:1 Iomraidhean Croise

মার্ক 13:34

উয়া সাল সকবানুয়া ইন্দাকগিবা মান্দি গিত্তা জে মান্দি আন·থাংনি নকখো দন্নে হা·সং গিপ্পিনচা রি·য়াংজক। নকখো ওয়াত্তে রি·য়াংনা স্খাং নকখলরাংচা বিয়া নকখো রাক্ষিনা দন্নাংজক। নকখল সাকফ্রাক ফ্রাকনা বিয়া কামরাংখো দন্নাংজক আরো দ·গাচিলো দংখামগিবাখো মিকরাকে দংখানা আগানাংজক।

যোহননা 12:26

সাবা আংনা দাকচাকে হ·ন্না হা·ম্মোদে বিয়া আংনি রামাও রি·খানা। আংআ জেও দংআ আংনা দাকচাকে হন·গিবাবা উয়োন দংনুয়া। সাবা আংনা দাকচাকে হ·ন্নোদে আপফা বিখো মান্দিরা·নুয়া।

ওয়াত্তেতারাংনা 1:20

জা·মানো পিতর আগানজক, “রংথালগিবা শাস্ত্রনি গীতরাং মিংগিবা খি·তাপও চক্কা দংআ, বিনি নক বাংবাং দংখানা; উয়ো সাকসাবা দংজাখানা। আরোবা চক্কা দংআ, বিনি দাল·গিবা কামখো সাকগিপ্পিন রা·আংখানা।

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

ওয়াত্তেতারাংনা 9:13

অননিয় আগানজক, “গিত্তেল, আংআ বাং·আ মান্দিরাংচা ইয়া মান্দিনি গিম্মিন ইন্দাকে খিন্নাজক, যিরূশালেমো বিয়া নাং·নি মান্দিরাংখো বাসিক গিচ্চিয়েতজক।

রোমানরাংনা 1:1

আংআ খ্রীষ্ট যীশুনি নকখল পৌল রোম সংজিলমানি বিবিরা·গিবারাংচা ইয়া চিঠিখো চক্কিংআ। ইসল আংখো বিনি ওয়াত্তেতা হং·না রিক্কামজক আরো বিনি হন·গিবা নাম্মা খাৎথাখো আগানফ্রাকনা বাচ্ছিয়ে রা·জক।

রোমানরাংনা 1:7

রোম সংজিলমাও জে মান্দিরাংখো ইসল খা·সাজক আরো বিনি আন·থাংনি মান্দি হং·না রিক্কামজক বিসং গিম্মিকচান, আগানস্খাওদে না·সংচান আংআ ইয়া চিঠিখো চক্কিংজক। আনচিংনি ফা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

1ম করিন্থীয়রাংনা 16:10

তীমথিয় রি·বাওদে নিবো জেদাক্কে বিয়া না·সংমুং খেনমানগিজা দংনা মা·ন্না, মুয়ানা জেগিত্তা আংআ গিত্তেলনি কামখো দাক্কিংআ বিয়াবা উগিত্তা দাক্কিংআ।

2য় করিন্থীয়রাংনা 1:1

আংআ পৌল ইসলনি হা·সিকাচা খ্রীষ্ট যীশুনি সাকসা ওয়াত্তেতা হং·জক। আংআ আরো আনচিংনি বিবিরা·গিবা জং তীমথিয় করিন্থ সংজিলমানি ইসলনি মন্ডলী আরো আখায়া হা·দকনি ইসলনি গিম্মিক মান্দিরাংনা ইয়া চিঠিখো চক্কিংজক।

গালাতীয়রাংনা 1:10

ইনি গিম্মিন আংআ সাচাখো মিৎথেলা মা·ন্না হা·ম্মা, মান্দিচাখো বা ইসলচাখো? বা মান্দিখো খুসি দাকনা হা·ম্মামা? দা·আওবা আংআ মান্দিখো খুসি দাকনা হা·ম্মোদে আংআ খ্রীষ্টনি নকখল হং·জা।

গালাতীয়রাংনা 3:26

খ্রীষ্ট যীশুখো বিবিরা·আচা না·সং গিম্মিকান ইসলনি দেদ্রাং হং·জক,

গালাতীয়রাংনা 3:28

যিহূদী আরো যিহূদী হং·গিজারাংও, নকখল আরো জাকগিত্তেল হং·গিবারাংও, মিচিক আরো মি·আসারাংও দিংথাংগ্রিকানি মামুং দংজা, মুয়ানা খ্রীষ্ট যীশুমুং নাংরিমে না·সং গিম্মিকান আপসান হং·জক।

ইফিষীয়রাংনা 1:1

আংআ পৌল ইসলনি হা·সিকাও খ্রীষ্ট যীশুনি সাকসা ওয়াত্তেতা হং·আ। ইফিষ সংজিলমাও জেরাং ইসলনি মান্দি হং·আ আরো খ্রীষ্ট যীশুখো বিবিরা·আ বিসংনা আংআ ইয়া চিঠিখো চক্কিংআ।

ইফিষীয়রাংনা 1:15

ইনি গিম্মিন জেনসালো আংআ গিত্তেল যীশুনি সাক্কাও না·সংনি বিবিরা·আখো আরো ইসলনি গিম্মিক মান্দিরাংনা না·সংনি খা·সানি খাৎথাখো খিন্নাজক,

ইফিষীয়রাংনা 6:24

আনচিংনি গিত্তেল যীশু খ্রীষ্টনা জেরাংনি খা·সাআ খেম·খেম দংআ বিসং গিম্মিকনি সাক্কাও ইসলনি খা·সাচাক্কা দংখানা।

ফিলিপীয়রাংনা 2:19

আংআ খা·দংআ, গিত্তেল যীশু নামনিকোদে আংআ তীমথিয়খো থেংরিন না·সংচা ওয়াত্তেতনুয়া, জেদাক্কে না·সংনি খবলখো মা·ন্নে আংআবা খা·দংএতাখো মা·ন্না।

ফিলিপীয়রাংনা 2:5

খ্রীষ্ট যীশুনি জে গিসিক দংআমিং উয়া জেদাক্কে না·সংনি খা·থংওবা দংআ।

ফিলিপীয়রাংনা 3:12

আংআ জেনা খ্রেংইংআ উখো দা·আওন মান·জক বা চু·সকজক ইন্দাকে হং·জা। ইন্দিবা জেনি হা·সেল খ্রীষ্ট যীশু আংখো রি·ম্মামিং উখোন রিম·না আংআ খাত্তিংজক।

ফিলিপীয়রাংনা 3:3

আনচিংআন চং·মত বিগিল রাতগিবা মান্দি, মুয়ানা আনচিং ইসলনি গিসিকচা বিখো অলাখিয়া আরো খ্র্রীষ্ট যীশুখো রা·এ রাসং দাক্কা আরো দাকবেওয়ালরাংনি সাক্কাও ফাংচাকজা।

ফিলিপীয়রাংনা 3:8

চং·মতদে জেনি হা·সেল আংআ ইয়া নামগিজারাংখো মানিয়ে রা·জক আংনি উয়া গিত্তেল খ্রীষ্ট যীশুখো হা·আইয়াও জে গামচাৎগিবা ফাত্তিয়া দংআ, উমুং দংগিবা গিম্মিকখোন আংআ নামজা ইন্নে চানচিয়া। খ্রীষ্টখো জেদাক্কে আংআ মা·ন্না আরো আংখো জেদাক্কে খ্রীষ্টমুং নাংরিমাখো নিক্কা উনি গিম্মিন আংআ উরাংখো চামবাল ইন্নে চানচিয়া। নিয়ামখো মানিয়ানি গিম্মিন আংআ দোসগ্রি হং·আ ইন্দাকেদে হং·জা, ইন্দিবা খ্রীষ্টখো বিবিরা·আনি গিম্মিন ইসল আংখো দোসগ্রি দাক্কে রা·চাকজক। ইয়া দোসগ্রি ইসলচানি রি·বাআ আরো উয়া বিবিরা·আনি সাক্কাও ফাংচাকা।

1 থিষলনীকী 1:1

ফাগিবা ইসল আরো গিত্তেল যীশু খ্রীষ্টমুং নাংরিমগিবা থিষলনীকী মন্ডলীনা সীলবান, তীমথিয় আরো আংআ পৌল ইয়া চিঠিখো চক্কিংজক। আনচিংনি ফাগিবা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

1 থিষলনীকী 2:2

না·সং ইখোবা হা·আইয়া, ইনা স্খাং চিংআ ফিলিপী সংজিলমাচা গিচ্চিয়াখো মা·ন্নামিং আরো মান্দিরা·গিজাখোবা মা·ন্নামিং। ইন্দিবা ইন্দাকে চাংফেংআরাং দংওবা আনচিংনি ইসলচানি খেনমানগিজাখো মা·ন্নে বিনি নাম্মা খাৎথাখো চিংআ ফারাকেন না·সংনা আগানামিং।

2 থিষলনীকীয়রাংনা 1:1

ফাগিবা ইসল আরো গিত্তেল যীশু খ্রীষ্টমুং নাংরিমগিবা থিষলনীকী মন্ডলীনা সীলবান, তীমথিয় আরো আংআ পৌল ইয়া চিঠিখো চক্কিংআ।

1 তীমথিয় 1:2

বিবিরা·গিবা হং·এ আংনি চং·মত বি·সা তীমথিয়চা আংআ ইয়া চিঠিখো চক্কিংজক। আনচিংনি ফাগিবা ইসল আরো আনচিংনি গিত্তেল খ্রীষ্ট যীশু নাং·না খা·সাচাক্কাখো আরো থম·থমাখো হন·খানা।

1 তীমথিয় 3:8

উয়ানদাক্কে দাকচাকে হন·গিবারাংবা জেদাক্কে মান্দিরা·আখো মা·ন্না খ্রাগিবা হং·আ আরো খু·সুক চলসানি মান্দি হং·আ। বিসং জেদাক্কে চুফেকগিবা হং·জা, আরো খ্রাগিজা দাক্কে লাভ দাকনা হা·সিকজা।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

তীতনা 1:7

ইসলচাখো দাকনা নাংআখো মান·গিবা মান্দি গিত্তা উয়া দাল·গিবাখো ইন্দাকে হং·না নাংনুয়া জেদাক্কে দারাংবা বিখো জিনা মান·জা। জেদাক্কে বিয়া গিত্তক গ্রেং রাকগিবা, খা·আওনাংগিবা, চুফেকগিবা হং·জা। অন্যায় দাক্কে মান·দাপাও বিনি গিসিক দংজাখানা;

ফিলীমনা 1:1

আংআ পৌল খ্রীষ্ট যীশুও বন্দি হং·জক। আংআ আরো চিংনি বিবিরা·গিবা জং তীমথিয় চিংনি খা·সাগিবা রিপ্পেং আরো কাম রিম·ফাগিবা ফিলীমনচা,

ইব্রীয়রাংনা 13:23

আংআ না·সংনা হা·আইয়েতনা হাম·মা, আনচিংনি জং তীমথিয় জকজক। বিয়া থেংরি রি·বাওদে বিখো রিম্মে না·সংখো নিনা রি·বানুয়া।

যাকোব 1:1

আংআ ইসল আরো গিত্তেল যীশু খ্রীষ্টনি নকখল যাকোব, হা·গিলসাকনি দিমদাক হা·দকো বিলদিং বিলদাং দাক্কে দংগিবা যিহূদী জাতনি মা·চং চি·গ্মি মান্দিরাংনা সালাম র·ন্নিংআ।

পিতর 2:25

ব্রাংগিবা রামাচা রি·য়াংগিবা মেষ গিত্তা না·সংবা ব্রাংগিবা রামাচানা রি·য়াংআমিং, ইন্দিবা জে রাক্ষুয়াল না·সংনি খা·থংখো নিরকখিয়া না·সং বিচা রি·বাফিলজক।

২ পিতর 1:1

আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

যিহূদা 1:1

আংআ যীশু খ্রীষ্টনি নকখল আরো যাকোবনি জংআদা যিহূদা। আপফা ইসল জেরাংখো রিক্কামজক আরো খা·সাজক আরো যীশু খ্রীষ্ট জেরাংখো রাক্ষিজক বিসংচা আংআ ইয়া চিঠিখো চক্কিংজক।

ফারাকগিবা খাৎথা 1:1

ইয়া খি·তাপও জেরাংখো চক্কা হং·জক উরাংখো যীশু খ্রীষ্টআন ফারাকজক। ইয়া বিদিংরাংখো ইসল খ্রীষ্টচা ফারাকামিং, জেদাক্কে বাং·গিজা সালরাংনি গিসেপোন জেরাং হং·না রি·য়াংইংজক উখো বিয়া বিনি নকখলরাংনা আগানা। খ্রীষ্ট বিনি সা·গ্রেখো ওয়াত্তেতি বিনি নকখল যোহননা ইয়া বিদিংরাংখো আগানামিং।

ফারাকগিবা খাৎথা 1:20

জে বলস্নি সোনানি গাসাখো আরো আংনি জাক্রা জাক্কো জে রংস্নি আস্কিখো না·আ নিকজক উনি নিং·থুয়া অর্থ ইয়ান- উয়া রংস্নি আস্কি হং·জক গি·স্নি মন্ডলীনি সাকস্নি সা·গ্রে আরো বলস্নি গাসা হং·জক উয়া গি·স্নি মন্ডলী।

ফারাকগিবা খাৎথা 19:10

উনো আংআ উয়া সা·গ্রেনি জা·চকও থুচিকোপে বিখো ইসল চাচাএ মান্দিরা·এ অলাখিজক। ইন্দিবা বিয়া আংনা আগানজক, “ইয়া মুয়াখো দাক্কিংআ? আংআ নাং·নি গিত্তা নকখল হং·ফা। ইসলখোন অলাখিবো। নাং·নি বিবিরা·গিবা জংআদারাং, জেরাং যীশুনি স্খিয়াখো রিম·মে রা·রিকা/মানিয়া, আংআ বিসংনিন সাকসা হং·আ। যীশুনি স্খিয়ান আগানসোগিবারাংনি স্খিয়ানি চং·মত হং·আ।”

ফারাকগিবা খাৎথা 2:12

“পর্গাম সংজিলমানি মন্ডলীনি সা·গ্রেচা ইয়া খাৎথাখো চকবো- জে মি·ল্লাম সামগ্মিচা মাত্তা উনি নকগিবা ইয়া খাৎথাখো আগানিংজক:

ফারাকগিবা খাৎথা 2:8

“স্মূর্ণা সংজিলমানি মন্ডলীনি সা·গ্রেচা ইয়া খাৎথাখো চকবো- জেআন স্খাংগিবা আরো বন·চতগিবা, জেআন সিয়ামিং আরো থাংচাজক, বিয়া ইয়া খাৎথাখো আগানিংজক:

ফারাকগিবা খাৎথা 22:9

ইন্দিবা বিয়া আংনা আগানজক, “দনবো, আংআ নাং·নি আরো নাং·নি বিবিরা·গিবা জংআদারাংনি, আগানস্খাওদে আগানসোগিবারাংনি আরো জেরাং ইয়া খি·তাপনি গিম্মিক খাৎথাখো মানিয়া বিসংমিং নকখল হং·ফা। ইসলখোন অলাখিবো।”