3 ফরীশীরাং আরো গিম্মিক যিহূদীরাং বিসংনি ফাগিৎচামরাংনি দাকবেওয়াল গিত্তা জাকখো জাকসুগিজাদে চা·জানুয়ামিং।
ইন্দাকে না·সং না·সংনি ফাগিৎচামরাংনি দন্নাংগিবা দাকবেওয়ালরাংখো জাকখালে ইসলনি খাৎথাখো জেগালজক। আরো ইন্দাকা বাং·আ কামরাংখোন না·সং দাক্কিংআ।’’
উনি গিম্মিন ফরীশী আরো শাস্ত্র স্খিগিবারাং যীশুখো সিং·জক, ‘‘নাং·নি জা·রিকগিবারাং মুয়ানা আনচিংনি ফাগিৎচামরাংনি হন·গিবা দাকবেওয়ালরাংখো মানিজাংআ? বিসংদে জাকখো জাকসুগিজান চা·আংআ।’’
উয়া ফরীশী চা·না স্খাং থরমনি নিয়াম গিত্তা যীশুনি জাকসুয়াখো নিকজায়ে আইয়াও ইনমানজক।
যিহূদী থরমনি দাকবেওয়াল গিত্তা রংথালখানা ইন্নে উয়া হা·দামও রং·থিনি বাসিং থি·দক দংআমিং। উয়া গিম্মিকওন মুয়ান গ্মি মুয়ান গিত্থাম চি চাকনুয়ামিং।
আংনি আপসান বিলসিনি বাং·আ যিহূদীরাংনা বাত্তেবা আংআ উয়া থরমও বাং·এ বাত্তামিং। ইনা আগ্রে আংনি ফাগিৎচামরাংওনি জে নিয়াম রি·বাজক উনি গিম্মিনোবা আংআ নাম্মেন গিসিক নাংবাতামিং।
না·সং সিমসাকবো, জেদাক্কে দারাংবা মান্দিনি বাংবাং দাক্কামব্রুআ চু·য়াকগিবা চানচিবাত্তানি স্খিয়াচা না·সংখো চিপচাংএ সাল্লে রা·আংনা মান·জা। খ্রীষ্টমুং উয়া স্খিয়া আপসান হং·ফাজা; মান্দিনি দাকবেওয়াল আরো হা·গিলসাকনি বাং·আ বেওয়ালরাংনি সাক্কাওন উয়া ফাংচাকা।
না·সং হা·আইয়া, জাংগিনি রামাও রি·না না·সংনি ফাগিৎচামরাংচাখো মান·গিবা নামগিজা বেওয়ালরাংওনি সোনা বা রূপা গিত্তা দাক্কে চা·ম্মে ব·ন্নাংগিবা মামুং জিনিসচা না·সংখো জক্কেৎজাজক;