মার্ক 4:1 - Garo New Testament

¹ যীশু দা·আবা গালীল সাগালনি রিক্কামও মান্দিরাংনা স্খিনা হা·বাচেংজক। উনো মান্দি বাং·আ থম·দাকানি গিম্মিন বিয়া সাগালও গি·সা রিংও গাখাতে আসংজক আরো দিমদাক মান্দিরাং সাগালনি রিক্কামও চাদেংএ দংজক।

মার্ক 4:1 Iomraidhean Croise

মার্ক 2:13

জা·মানো যীশু দা·আবা গালীল সাগালনি রিক্কামও রি·য়াংজক। আরো বাং·আ মান্দি উনোনা রি·বাজক, আরো যীশু বিসংনা স্খিয়ে হ·ন্না হা·বাচেংজক।

মার্ক 3:7

উনি জা·মানো যীশু বিনি জা·রিকগিবারাংমুং সাগালনি রিক্কামওনা রি·য়াংজক। গালীল হা·দকনি বাং·বিয়া মান্দিরাং বিমুং রি·য়াংফাজক। যীশুনি কাম দাক্কারাংখো খিন্নাএ যিহূদিয়া, যিরূশালেম, ইদোম, যর্দননি নালসাচানি আরো সোর আরো সীদোন সংজিলমানি গিম্মিকচানি বাং·বিয়া মান্দি বিচানা রি·বাজক।

মার্ক 3:9

যীশু বাং·বিয়া মান্দিনি গিম্মিন বিনি সাক্কাও সিকচেপচেপে গা·আকজানা গিত্তা জা·রিকগিবারাংখো আন·থাংনা গি·সা চনখালা রিংখো থারিয়ে দন্না আগানজক।

মার্ক 4:36

উনোন জা·রিকগিবারাং মান্দিরাংখো ওয়াত্তে যীশু জে রিংও দংআমিং উয়া রিংও বিখো রা·এ রি·য়াংজক। দিংথাং রিংরাংবা উনো দংআমিং।

মার্ক 5:2

যীশু রিংওনি হং·খাতবাওন গিসিক নামগিজাগিবা রিম·গিবা মান্দি সাকসা গোপরামওনি হং·খাতে বিনি মিকখাংচানা রি·বাজক।

মার্ক 5:21

যীশু রিংও দাক্কে দা·আবা সাগাল নালসাচানা বাত্তাংজক উনোন বিনি সেফাংও বাং·আ মান্দি রি·বাএ থম·দাকজক। উনোবা বিয়া সাগাল রিক্কামওন দংখুংআমিং।