মার্ক 2:2 - Garo New Testament

² উনোন ইন্দাকে মান্দি উনো থম·দাকজক, নক্কোনি দ·গাচিলোনা আরো দ·গাচিলোনি হা·ফালচানাবা হা·দাম চাকজাজক। যীশু মান্দিরাংচা ইসলনি খাৎথাখো আগানফ্রাকিংআমিং।

মার্ক 2:2 Iomraidhean Croise

মথিনি চকগিবা নাম্মা খাৎথা 5:2

উনো বিয়া জা·রিকগিবারাংনা ইন্দাকে আগানফ্রাকনা হা·বাচেংজক:

মার্ক 1:14

যোহনখো জেলো দন্নানি জা·মানো যীশু গালীল হা·দকচা রি·য়াংজক। উয়োনা বিয়া ইসলনি হন·গিবা নাম্মা খাৎথাখো ইন্দাকে আগানফ্রাকনা হা·বাচেংজক,

মার্ক 1:33

সংজিলমানি দিমদাক মান্দিন উনো উয়া নকনি দ·গাচিলোনা রি·বাএ থম·দাকজক।

মার্ক 1:37

জা·মানো বিখো মা·ন্নে বিসং আগানজক, ‘‘গিম্মিকান নাং·খো সান্দিংআ।’’

মার্ক 1:45

ইন্দিবা উয়া মান্দি দিমদাকচা রি·য়াংএ ইয়া খাৎথাখো আগানানি গিম্মিন যীশু মিকখাং ফা·এ দিংথাং সংরাংও নাপনা মান·জাজক। বিখো মান্দিগ্রি মা·সুগ্রি হা·দামও দংনা নাংজক; ইন্দাকোবা দিমদাকচানি মান্দিরাং বিচানা রি·বাথকজক।

মার্ক 2:1

বাং·গিজা সালনি জা·মানো যীশু দা·আবা কফরনাহূমচানা রি·য়াংফিলজক। মান্দিরাং বিখো নক্কোনা দংআখো খিন্নানা মান·জক।

মার্ক 2:13

জা·মানো যীশু দা·আবা গালীল সাগালনি রিক্কামও রি·য়াংজক। আরো বাং·আ মান্দি উনোনা রি·বাজক, আরো যীশু বিসংনা স্খিয়ে হ·ন্না হা·বাচেংজক।

মার্ক 6:34

রিংওনি হং·খাতে যীশু মান্দি বাং·বিয়াখো নিকনা মান·জক। ইয়া মান্দিরাংনা যীশু নাম্মেন খা·সাচাকজক মুয়ানা ইরাংনি অবস্থা রাক্ষুয়ালগ্রি মেষরাং গিত্তা হং·আ। যীশু বিসংনা বাং·আ স্খিয়ানিখো স্খিয়ে হ·ন্না হা·বাচেংজক।

লূকনি চকগিবা নাম্মা খাৎথা 12:1

ইন্দাকমিত্তিংও হাজাল হাজাল মান্দি ইন্দাকফিল্লে থম·দাকানি গিম্মিন বিসং সিকচেপচেপি সাকসা সাকগিপ্পিননি সাক্কাও গা·আকনা নাংজক। উনো যীশু বিনি জা·রিকগিবারাংনা আগানচেংজক, “ফরীশীরাংনি ওয়ানথিনা সিমসাকবো। উয়া ওয়ানথিদে বিসংনি বু·এ চা·আনি হং·আ।

লূকনি চকগিবা নাম্মা খাৎথা 5:17

সালসাও যীশুনি স্খিমিত্তিংও ফরীশীরাং আরো শাস্ত্র স্খিগিবারাং উয়োনা আসংএ দংআমিং। গালীল হা·দকনি গিপ্পিন গিপ্পিন সংরাংওনি আরো যিহূদিয়া হা·দক আরো যিরূশালেম সংজিলমাওনি ইয়ারাং রি·বামিং। জমগিবারাংখো নাম্মেতনা গিত্তেলনি বিল যীশুও দংআমিং।

লূকনি চকগিবা নাম্মা খাৎথা 8:1

উনি জা·মানো যীশু সংরাংও আরো সংজিলমারাংও রি·রোরোএ ইসলনি সংনকনি নাম্মা খাৎথাখো আগানফ্রাকনা হা·বাচেংজক। বিমুং বিনি সাকচিগ্মি জা·রিকগিবা আরো মিত্তাম মিচিকরাংবা দংআমিং। ইয়া মিচিকরাং গিসিক নামগিজারাংওনি জক্কামিং আরো সাআরাংনি নাম্মামিং। ইয়ারাং হং·জক মরিয়ম, জেখো মগ্‌দলীনী মিংআমিং আরো জেওনি সাকস্নি গিসিক নামগিজাগিবারাং হং·খাতামিং;

লূকনি চকগিবা নাম্মা খাৎথা 8:11

“গল্পনি অর্থ ইন্দাকে হং·আ: বিৎচ্রি হং·জক ইসলনি খাৎথা।

ওয়াত্তেতারাংনা 11:19

স্তিফানখো রা·এ বিবিরা·গিবারাংখো গিচ্চিয়েতানি গিম্মিন জেরাং বিলদিং বিলদাং হং·আংআমিং বিসং ফৈনীকিয়া, সাইপ্রাস আরো সিরিয়া হা·সংনি আন্তিয়খিয়াওনা দিপ্পাৎ রি·য়াংএ যিহূদীরাংচাসান ইসলনি খাৎথাখো আগানজক।

ওয়াত্তেতারাংনা 14:25

বিসং পর্গা সংজিলমাও ইসলনি খাৎথাখো আগানফ্রাকে অত্তালিয়াওনা রি·য়াংজক।

ওয়াত্তেতারাংনা 16:6

গিসিক রংথালগিবা পৌল আরো বিনি রিপ্পেংরাংখো এশিয়া হা·দকো আগানফ্রাকনা হন·জাজক। উনোন বিসং ফরুগিয়া আরো গালাতিয়া হা·দকনি হা·দাম গিম্মিকচা রি·য়াংজক।

ওয়াত্তেতারাংনা 8:25

ইনি জা·মানো পিতর আরো যোহন গিত্তেলনি গিম্মিন সাক্ষি হ·ন্নে আরো বিনি খাৎথাখো আগানফ্রাকে যিরূশালেমচানা রি·য়াংফিলজক। রি·য়াংমিত্তিংও বিসং শমরীয়রাংনি বাং·আ সংরাংও নাম্মা খাৎথাখো আগানফ্রাকজক।

রোমানরাংনা 10:8

ইসলনি রা·চাকনা খ্রাগিবা হং·আনি বিদিংও শাস্ত্র আরোবা আগানা, “ইসল জেখো আগানজক উয়া নাং·মুংআন দংআ, আগানস্খাওদে নাং·নি খু·সুকো আরো নাং·নি খা·থংও দংআ।” জে বিবিরা·আনি খাৎথাখো চিংআ আগানফ্রাকিংআ উয়াদে ইসলনি উয়া খাৎথা হং·আ।

2 তীমথিয় 4:2

ইসলনি খাৎথাখো আগানফ্রাকবো; সময় হং·ওবা হং·জাওবা, ফাংনান আগানফ্রাকনা থারিসোএ দংবো; নাম্মেন চাকচিকে স্খিয়েতি মান্দিরাংনি দোসখো ফিন্নিকে হন·বো, বিসংখো সিমসাকেতবো আরো নাম্মাখো আগানবো।