মার্ক 10:2 - Garo New Testament

² ইন্দাকমিত্তিংও মিত্তাম ফরীশীরাং রি·বাএ যীশুখো পরীক্ষা দাক্কে নিনা আগানজক, “মোশিনি নিয়াম গিত্তা জিকখো গালনা খ্রাআমা?’’

মার্ক 10:2 Iomraidhean Croise

মথিনি চকগিবা নাম্মা খাৎথা 15:12

উনো বিনি জা·রিকগিবারাং বিচা রি·বাএ আগানজক, ‘‘ফরীশীরাং নাং·নি ইন্দাকা খাৎথাখো খিন্নাএ আন·থাংখো চন্নিকজক, ইখো না·আ হা·আইয়ামা?’’

মথিনি চকগিবা নাম্মা খাৎথা 16:1

জা·মানো মিত্তাম ফরীশী আরো সদ্দূকীরাং যীশুখো রুরাএ নিনা ইন্নে বিচা রি·বাজক আরো সালগিনি চিনখো ফিন্নিকখানা আগানজক।

মথিনি চকগিবা নাম্মা খাৎথা 19:3

উনো মিত্তাম ফরীশীরাং যীশুখো রুরাএ নিনা ইন্নে বিচা রি·বাএ আগানজক, “মোশিনি নিয়াম গিত্তা মামুং হা·সেলনি গিম্মিন জিকথাংখো গাল্লা খ্রাআমা?”

মথিনি চকগিবা নাম্মা খাৎথা 22:35

বিসংওনি শাস্ত্র স্খিগিবা সাকসা যীশুখো পরীক্ষা দাকনা ইন্নে সিং·জক,

মথিনি চকগিবা নাম্মা খাৎথা 23:13

“বু·এ চা·গিবা শাস্ত্র স্খিগিবা আরো ফরীশীরাং, হং·সিখানা না·সংনা! মান্দিরাংনি মিকখাংও না·সং সালগিনি সংনকনি দ·গাখো চিপচাংএ দন্না। উয়ো আন·থাংথাংবা নাপজা আরো নাপনা হা·সিকগিবারাংখোবা নাপনা হন·জা।

মথিনি চকগিবা নাম্মা খাৎথা 9:34

উনো ফরীশীরাং আগানজক, ‘‘গিসিক নামগিজাগিবারাংনি রাজাও ফাংচাকে বিয়া গিসিক নামগিজাগিবারাংখো হা·রিকা।’’

মার্ক 10:1

জা·মানো যীশু উয়া হা·দামখো ওয়াত্তে যিহূদিয়া হা·দকচা আরো যর্দন চিবিমানি নালসাচা রি·য়াংজক। উনোন ফি·ল্লে মান্দি বাং·বিয়া বিচা রি·বাএ থম·দাকজক। উনো বিয়া আন·থাং দাকবেওয়াল গিত্তা মান্দিরাংনা স্খিনা হা·বাচেংজক।

মার্ক 10:3

যীশু বিসংনা আগানজক, ‘‘মোশি না·সংনা মুয়াখো গি·য়েৎজক?’’

মার্ক 8:11

উনো ফরীশীরাং রি·বাএ যীশুমুং জিগ্রিকনা হা·বাচেংজক আরো বিখো পরীক্ষা দাক্কে নিনা ইন্নে সালগিচানি মিংসা চিনখো ফিন্নিকখানা আগানজক।

মার্ক 8:15

যীশু উনো আগানজক, ‘‘না·সং সিমসাকবো, ফরীশীরাংনি আরো হেরোদনি ওয়ানথিনা সিমসাকে দংবো।’’

লূকনি চকগিবা নাম্মা খাৎথা 11:39

গিত্তেল বিনা আগানজক, “ইন্দাকোদে খিন্নাবো, না·সং আগানস্খাওদে ফরীশীরাং, রাংথাল আরো দিকথেনি হা·ফালচানিখো চি·রংএ দন্নিংআ, ইন্দিবা না·সংনি নিং·আওদে মাদ্দুুয়া আরো নামগিজা গাপ্পা।

লূকনি চকগিবা নাম্মা খাৎথা 16:14

ইয়া খাৎথারাংখো খিন্নাএ ফরীশীরাং যীশুখো খা·দিংস্থেকনা হা·বাচেংজক, মুয়ানা বিসং থাংখাখো নামনিকবাতনুয়ামিং।

লূকনি চকগিবা নাম্মা খাৎথা 5:30

উনো ফরীশীরাং আরো বিসংনি শাস্ত্র স্খিগিবারাং খা·আওনাংএ যীশুনি জা·রিকগিবারাংনা আগানজক, “না·সং খাজিনা গিলগিবা আরো নামগিজা মান্দিরাংমুং মুয়ানা চা·আংআ রিংআ?”

লূকনি চকগিবা নাম্মা খাৎথা 6:7

শাস্ত্র স্খিগিবা আরো ফরীশীরাং যীশুখো গ্রো নাংএতানি চল সান্দিংআমিং। উনি গিম্মিন বিয়া নেং·থাকানি সালো সাকসাখোবা নাম্মেতামা নাম্মেতজা উখো নিনা ইন্নে বিসং যীশুনি সাক্কাও নাম্মেদাক্কে নিরকখিনা হা·বাচেংজক।

লূকনি চকগিবা নাম্মা খাৎথা 7:30

ইন্দিবা ফরীশীরাং আরো শাস্ত্র স্খিগিবারাং যোহনচা রিপ্পলাখো রা·জাএ আন·থাংনি গিম্মিন ইসলনি মিকসংআখো বিসং জেগালামিং)।

যোহননা 11:47

উনোন খামাল দাল·গিবারাং আরো ফরীশীরাং দাল·বাৎগিবা খ্রিমানি মান্দিরাংখো থম·দাক্কেতে আগানজক, “আনচিং দা·আও মুয়াখো দাকনুয়া? ইয়া মান্দিদে বাং·এন আইয়াও ইনমানানি কামরাংখো দাক্কিংজক।

যোহননা 11:57

খামাল দাল·গিবারাং আরো ফরীশীরাং ইন্দাকে গি·য়েৎজক, যীশু বাও দংআ ইখো সাবা হা·আইওদে বিয়া আগানখানা জেদাক্কে বিসং যীশুখো রিম·না মা·ন্না।

যোহননা 7:32

যীশুনি গিম্মিনো মান্দিরাংনি ইন্দাকে আগানগ্রিক্কাখো ফরীশীরাং খিন্নানা মান·জক। উনোন খামাল দাল·গিবারাং আরো ফরীশীরাং যীশুখো রিম·না মিত্তাম নিথিমগিবারাংখো ওয়াত্তেতজক।

যোহননা 7:48

দাল·গিবারাংনি আরো ফরীশীরাংনি গিসেপো সাকসাবা বিখো বিবিরা·জাজক।

যোহননা 8:6

বিসং যীশুখো সিং·ব্রুএ নিনা ইন্নেন ইখো আগানজক, জেদাক্কে বিসং বিখো দোস হ·ন্না গি·সা চল সান্দিয়ে মা·ন্না। উনোন যীশু বামগপ্পে জাকসিচা হা·আও চকনা হা·বাচেংজক।

1ম করিন্থীয়রাংনা 10:9

বিসংনি গিসেপো মিত্তামরাং গিত্তেলখো রুরাএ জেদাক্কে চিপ্পু সু·আনা সিয়ামিং উগিত্তা আনচিং গিত্তেলখো রুরাএ নিজাখান।