মার্ক 1:2 - Garo New Testament

² আগানসোগিবা যিশাইয়নি খি·তাপও ইসলনি আগানগিবা ইয়া খাৎথা চক্কা দংআ: নিবো, নাং·না স্খাং আংআ আন·থাংনি সাগ্রেখো ওয়াত্তেতিংআ। বিয়া নাং·না রামাখো থারিসোনুয়া।

মার্ক 1:2 Iomraidhean Croise

মথিনি চকগিবা নাম্মা খাৎথা 11:10

যোহনআন উয়া মান্দি জেনি গিম্মিন শাস্ত্রও চক্কা দংআ: নিবো, আংআ নাং·না স্খাং আন·থাংনি সা·গ্রেখো ওয়াত্তেতিংআ। বিয়া নাং·না স্খাং রি·য়াংএ নাং·নি রামাখো থারিসনুয়া।

মথিনি চকগিবা নাম্মা খাৎথা 2:5

বিসং বিনা আগানজক, ‘‘যিহূদিয়ানি বৈৎলেহম সংও বিয়া আৎচিনুয়া, মুয়ানা আগানসোগিবা ইয়া খাৎথাখো চক্কে দন্না:

মথিনি চকগিবা নাম্মা খাৎথা 26:24

মান্দিনি দেফান্থিনি গিম্মিন রংথালগিবা শাস্ত্রও জেদাক্কে চক্কা দংআ উয়ানদাক্কেন বিয়া সিনুয়া, ইন্দিবা দা·নাং উয়া মান্দি, মান্দিনি দেফান্থিখো জে মান্দি বোবিলরাংনি জাক্কো রি·ম্মে হ·ন্না! ইনাবাত্তে উয়া মান্দি আৎচিজাওন বিনা নামনুয়ামিং।”

মথিনি চকগিবা নাম্মা খাৎথা 26:31

জা·মানো যীশু আন·থাংনি জা·রিকগিবারাংনা আগানজক, “দা·আল ওয়ালো আংখো রা·এ না·সংনি গিম্মিকনি গিসিকো জাব্রাংনুয়া। রংথালগিবা শাস্ত্রও চক্কা দংআ, ‘আংআ রাক্ষুয়ালখো স·ওতে গালনুয়া, উনোন মেষরাং বিলদিংবিলদাং হং·নুয়া।’

লূকনি চকগিবা নাম্মা খাৎথা 1:70

স্খাংওন ইয়া খাৎথাখো বিয়া আন·থাংনি রংথালগিবা আগানসোগিবারাংনি খু·সুকচা আগানামিং।

লূকনি চকগিবা নাম্মা খাৎথা 1:76

আংনি বি·সা, নাং·খো চুবাৎগিবা ইসলনি আগানসোগিবা ইন্নুয়া, মুয়ানা বিনি রামাখো থারিসোনা না·আ বিনা স্খাং স্খাং রি·সনুয়া।

লূকনি চকগিবা নাম্মা খাৎথা 18:31

যীশু বিনি সাকচিগ্মি জা·রিকগিবারাংখো হা·দাম সামসাচা রিংগামে আগানজক, “নিবো, চিংআ যিরূশালেমচানা রি·য়াংআ। মান্দিনি দেফান্থিনি গিম্মিনো আগানসোগিবারাং জেখো চক্কে দন্নাংজক উয়া গিম্মিকান চু·সকনুয়া।