লূকনি চকগিবা নাম্মা খাৎথা 9:3 - Garo New Testament

³ বিয়া বিসংনা আগানজক, “না·সং রামানা গল·দিক, দকরা, রুটি বা থাংখা মামুংখোবা দা·আ রা·আবো, আরো ফাৎগ্মি দাক্কে চলাবা দা·আ রা·আংআবো।

লূকনি চকগিবা নাম্মা খাৎথা 9:3 Iomraidhean Croise

মার্ক 6:7

জা·মানো বিয়া বিখো জা·রিকগিবা উয়া সাকচিগ্মিখো রিক্কামজক আরো আগানফ্রাকনা সাকগ্মি দাক্কে ওয়াত্তেতজক। বিয়া গিসিক নামগিজাগিবারাংনি সাক্কাও বিসংনা বিলখো হন·জক।

লূকনি চকগিবা নাম্মা খাৎথা 12:22

উনি জা·মানো যীশু বিনি জা·রিকগিবারাংনা আগানজক, “ইনি গিম্মিন আংআ না·সংনা আগানিংআ, মুয়াখো চা·নুয়া ইন্নে জাংগি থাংআনিনা বা মুয়াখো গান্নুয়া-চিন্নুয়া ইন্নে বে·এননা দা·আ জাজ্রেংআবো।

লূকনি চকগিবা নাম্মা খাৎথা 12:28

দা·আলো হা·বাও জে সামচেংরাং দংআ আরো আম্বুনো উখো চুদাপও গাল্লেতনুয়া, ইসল উরাংখো ইন্দাকে থারিওদে বিবিরা·ব্রিগিজাগিবা মান্দিরাং, বিয়া না·সংখো থারিনুয়া ইয়া বাসিক বিবিন!

লূকনি চকগিবা নাম্মা খাৎথা 22:35

জা·মানো যীশু বিনি জা·রিকগিবারাংনা আগানজক, “জেনসালো না·সংখো আংআ থাংখানি জেপ, দকরা আরো জা·খপ গ্রি ওয়াত্তেতামিং উনো না·সং মামুংনা দিল্লামিংমা?” জা·রিকগিবারাং আগানজক, “হং·জা, মামুংনাবা দিলজামিং।”

লূকনি চকগিবা নাম্মা খাৎথা 3:11

যোহন বিসংনা আগানচাকজক, “সানিবা চলা ফাৎগ্মি দংওদে বিয়া চলাগ্রি দংগিবানা চলা ফাৎসা হন·খানা। চা·আ দংগিবাবা উয়ানদাক্কেন দাকখানা।”

লূকনি চকগিবা নাম্মা খাৎথা 5:29

জা·মানো লেবি নকথাংও যীশুনা চা·নিখো হন·জক। বিসংমুং বাং·আ খাজিনা গিলগিবা আরো গিপ্পিন মান্দিরাং চা·না আসংজক।

লূকনি চকগিবা নাম্মা খাৎথা 9:4

না·সং জে নক্কো নাপনুয়া উয়া সংখো ওয়াত্তে রি·য়াংজা দিপ্পাৎ উয়া নক্কোন দংবো।

2 তীমথিয় 2:4

দাকগ্রিকনা রি·য়াংএ দারাংবা আন·থাংখো সংসালো দনজা, জেদাক্কোদে সিপাই গিত্তা জেআন বিখো রা·জক বিখো বিয়া খুসি দাকনা মা·ন্না।