লূকনি চকগিবা নাম্মা খাৎথা 9:1 - Garo New Testament

¹ উনি জা·মানো যীশু উয়া সাকচিগ্মি জা·রিকগিবারাংখো রিংগামে চিম্মংজক আরো গিম্মিক গিসিক নামগিজাগিবারাংনি সাক্কাও বিলখো হন·জক। বিয়া বিসংনা সাআরাংনিখো নাম্মেতনাবা বিল হন·জক।

লূকনি চকগিবা নাম্মা খাৎথা 9:1 Iomraidhean Croise

মথিনি চকগিবা নাম্মা খাৎথা 16:19

আংআ নাং·না সালগিনি সংনকনি চাবিরাংখো হ·ন্নুয়া, আরো না·আ ইয়া হা·গিলসাকো জেখো খানুয়া সালগিওবা উখো খাএ দন্নুয়া আরো জেখো এংনুয়া উখো সালগিওবা এংএ হ·ন্নুয়া।”

মথিনি চকগিবা নাম্মা খাৎথা 4:24

সিরিয়া হা·সং গিম্মিকচানা বিনি খাৎথা গিপ্পাংজক। জে মান্দিরাং জম্মে-সাএ আরো সা·দিকে-সা·খামে দংআমিং, জেরাংখো গিসিক নামগিজাগিবা মা·ন্নামিং আরো দেকদেকে গিত্থিলগিবারাংখো আরো হা·আন জাদা সিগিবারাংখো মান্দিরাং যীশুচা রিমবাজক। বিয়া বিসংখো নাম্মেতজক।

মথিনি চকগিবা নাম্মা খাৎথা 8:9

আংআ ইখো হা·আইয়া মুয়ানা আংখোবা গিপ্পিননি আগানা গিত্তা রি·না নাংআ আরো সিপাইরাংবা আংনি আগানা গিত্তান রি·য়া। আংআ সাকসাখো ‘রি·য়াংবো’ ইন্নোদে বিয়া রি·য়াংআ, সাকগিপ্পিনখো ‘রি·বাবো’ ইন্নোদে বিয়া রি·বাআ। আংনি নকখলখো ‘ইখো দাকবো’ ইন্নোদে বিয়া উখো দাক্কা।’’

লূকনি চকগিবা নাম্মা খাৎথা 10:1

উনি জা·মানো গিত্তেল যীশু আরোবা সাকসৎস্নি জা·রিকগিবারাংখো বাচ্ছিয়ে রা·এ আগানফ্রাকনা ওয়াত্তেতজক। বিয়া আন·থাং জে সংরাংচা আরো হা·দামরাংচা রি·য়াংনা মিকসংআমিং উয়া হা·দামরাংচা রি·য়াংনা স্খাং জা·রিকগিবারাংখো সাকগ্মি গ্মি দাক্কে ওয়াত্তেতসোজক।

লূকনি চকগিবা নাম্মা খাৎথা 10:19

নিবো, আংআ না·সংনা চিপ্পু আরো মাংখ্রাংরাংনি সাক্কা গিত্তা রামা রি·না বিল হন·জক আরো না·সংনি বোবিল হং·গিবা শয়তাননি বিল গিম্মিকনি সাক্কাওবা বিল হন·জক। মামুংবা না·সংনি নামগিজাখো দাকজানুয়া।

যোহননা 14:12

“আংআ না·সংনা বিবিন আগানিংআ, সাবা আংখো বিবিরা·ওদে আংআ জে কামরাংখো দাক্কা বিয়াবা উরাংখোন দাকনুয়া। আরো আংআ আপফাচা রি·য়াংআ ইন্নে বিয়া ইরাংনা বাত্তেবা দাল·বাতা কামরাংখো দাকনুয়া।

ওয়াত্তেতারাংনা 1:8

ইন্দাকোবা গিসিক রংথালগিবা না·সংনি সাক্কাও রি·বানি জা·মানো না·সং বিলখো মা·ন্নুয়া, আরো যিরূশালেম, যিহূদিয়া গিম্মিকও আরো শমরিয়া হা·দকো আরো হা·গিলসাকনি বন·খামগিবা খি·থিকোনা দিপ্পাৎ না·সং আংনি সাক্ষি হং·নুয়া।”

ওয়াত্তেতারাংনা 3:16

না·সংনি নিকগিবা ইয়া মান্দি জেখো না·সং নিক্কিংআ আরো জেখো না·সং হা·আইয়া, যীশুখো বিবিরা·নি গিম্মিন যীশুনি বিমুংও বিয়া বিলখো মান·দাপজক। যীশুও জে বিবিরা·আ রি·বাআ উয়া বিবিরা·আন না·সং দিমদাকনি মিকখাংও বিখো নামস্রাংএতজক।

ওয়াত্তেতারাংনা 4:30

নাং·নি জাকখো সিল্লেতবো জেদাক্কে নাং·নি রংথালগিবা নকখল যীশুনি বিমুংচা বিসং মান্দিরাংখো নাম্মেতনা মা·ন্না আরো আইয়াও ইনমানগিবা কাম আরো চিননি কামখো দাকনা মা·ন্না।”

ওয়াত্তেতারাংনা 9:34

পিতর বিখো নিক্কে আগানজক, “ঐনিয়, যীশু খ্রীষ্ট নাং·খো নাম্মেতজক। চাখাতবো, নাং·নি থুচাকানিখো দি·থমে রা·বো।” আরো উনোন ঐনিয় চাদেংজক।