লূকনি চকগিবা নাম্মা খাৎথা 8:10 - Garo New Testament

¹⁰ উনো যীশু আগানজক, “ইসলনি সংনকনি নিং·থুয়া খাৎথাখো না·সংনান হা·আইনা হন·জক, ইন্দিবা সাকগিপ্পিনরাংচা আংআ উখো গল্পচা আগানা, জেদাক্কে বিসং নিক্কেবা নিকজা আরো খিন্নাএবা হা·আইজা।

লূকনি চকগিবা নাম্মা খাৎথা 8:10 Iomraidhean Croise

মথিনি চকগিবা নাম্মা খাৎথা 11:25

জা·মানো যীশু আগানজক, ‘‘ও আপফা, না·আ সালগিসাক আরো হা·গিলসাকনি গিত্তেল। আংআ নাং·খো মিৎথেলা মুয়ানা না·আ হা·আইবাৎগিবা আরো বুদ্ধিগ্মাং মান্দিরাংওনি ইরাংখো থুম্মুয়ে দন্না, ইন্দিবা বি·সারাং গিত্তা মান্দিরাংচা ফারাকজক।

মথিনি চকগিবা নাম্মা খাৎথা 16:17

যীশু আগানচাকে বিনা ইনজক, “যোনানি দেফান্থি শিমোন, না·আ ফাত্তিয়া মান·গিবা হং·আ, মুয়ানা নাং·চা ইখো মান্দি সাকসাবা ফারাকজা; সালগিও দংগিবা আংনি ফাআন ইখো ফারাকজক।

মার্ক 4:11

যীশু বিসংনা আগানজক, ‘‘ইসলনি সংনকনি নিং·থুয়া খাৎথাখো না·সংনাসান হা·আইনা হ·ন্না, ইন্দিবা গিপ্পিনরাংনা গল্পচা আগান্না নাংআ,

মার্ক 4:12

জেদাক্কে রংথালগিবা শাস্ত্রনি খাৎথা গিত্তা - ‘বিসং নিক্কেবা নিকনা মান·জা আরো খিন্নাএবা হা·আইনা মান·জা। ইন্দাকজাওদে বিসং ইসলচানা ফিল·নাবা দংআ আরো ক্ষেমা মা·ন্নুয়া।’ ’’

যোহননা 12:40

“ইসল বিসংনি মিক্রোনরাংখো মিকগ্রি দাক্কেতজক আরো খা·থংরাংখো গক্কা দাক্কেতজক, জেদাক্কে বিসং মিক্রোনচা নিকজা আরো খা·থংচা হা·আইজা, আরো নামনা ইন্নে বিচানা রি·বাফিলজা।”

রোমানরাংনা 16:25

যীশু খ্রীষ্টনি গিম্মিন জে নাম্মা খাৎথাখো আংআ আগানফ্রাকা না·সংখো উয়া নাম্মা খাৎথাও খেম·খেম দন্নানি বিল ইসলনি দংআ। বাং·আ চাসংনা দিপ্পাৎ ইসল বিনি সিউল দনগিবা মিকসংআনিখো দারাংনাবা আগানখুজা,

1ম করিন্থীয়রাংনা 12:11

ইয়া গিম্মিক কামরাংখো উয়া আপসান গিসিক রংথালগিবা দাক্কা। বিনি হা·সিকা গিত্তান বিয়া ইয়া হ·ন্নানিরাংখো সাকফ্রাকফ্রাকনা দিংথাং দিংথাং দাক্কে হ·ন্না।

কলসীয়রাংনা 2:2

আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।