লূকনি চকগিবা নাম্মা খাৎথা 7:16 - Garo New Testament

¹⁶ ইনি গিম্মিন গিম্মিকনি খা·থং খা·ফাকাও আরো খেন্নাও গাপজক। বিসং ইসলখো রাসং চাএতে আগান্না হা·বাচেংজক, “আনচিংনি গিসেপো সাকসা দাল·গিবা আগানসোগিবা দংআ। ইসল খা·সাচাক্কে বিনি মান্দিরাংচাখো নিএতজক।”

লূকনি চকগিবা নাম্মা খাৎথা 7:16 Iomraidhean Croise

মথিনি চকগিবা নাম্মা খাৎথা 15:31

মান্দিরাং আব্রানি খু·সুক আগানাখো, জাক খোরানি নাম্মাখো, জা·আ খোরানি রামা রি·য়াখো আরো মিকগ্রিনি নিক্কাখো নিক্কে আইয়াও ইনমানজক আরো ইস্রায়েলনি ইসলখো রাসং চাএতজক।

মথিনি চকগিবা নাম্মা খাৎথা 21:11

মান্দিরাং আগানজক, “বিয়া গালীলনি নাসরত সংনি আগানসোগিবা যীশু।”

মথিনি চকগিবা নাম্মা খাৎথা 28:8

উয়া মিচিকরাং খেনজকমিং, ইন্দিবা বিসং নাম্মেন খুসি হং·এ বিকবিক দাক্কে গোপরামওনি রি·য়াংআরিজক আরো যীশুনি জা·রিকগিবারাংনা উখো আগান্না খাত্তাংজক।

মথিনি চকগিবা নাম্মা খাৎথা 9:8

মান্দিরাং উখো নিক্কে খেনজক, আরো ইসল মান্দিনা ইন্দাকগিবা বিলখো হ·ন্না ইন্নে ইসলখো মিৎথেলজক।

লূকনি চকগিবা নাম্মা খাৎথা 1:65

ইখো নিক্কে গিম্মিক নকসুলরাং খেনথকজক, আরো যিদিয়ানি হা·ব্রি জওল গিম্মিকনি মান্দিরাং ইয়ারাংখো আগানরোরোনা হা·বাচেংজক।

লূকনি চকগিবা নাম্মা খাৎথা 1:68

“ইস্রায়েলনি গিত্তেল ইসলখো মিৎথেলা, মুয়ানা বিয়া আন·থাংনি মান্দিরাংনা গিসিক নাংজক আরো বিসংখো জক্কেৎজক।

লূকনি চকগিবা নাম্মা খাৎথা 19:44

বিসং নাং·খো আরো নাং·নি নিং·আও দংগিবা মান্দি গিম্মিকখো রি·ম্মে হা·আও গোস্থাপনুয়া আরো রং·থি গি·সানি সাক্কাও রং·থি গি·সাখো দনজানুয়া, মুয়ানা ইসল জেনসালো নাং·ও গিসিক হ·ন্নামিং উয়া সালখো না·আ হা·আইএ রা·জাজক।”

লূকনি চকগিবা নাম্মা খাৎথা 2:20

সা·গ্রেরাং রাক্ষুয়ালরাংনা জেদাক্কে আগানামিং উয়ানদাক্কেন দিমদাকখো নিক্কে আরো খিন্নাএ বিসং ইসলখো মিৎথেলে আরো রাসং চাএতে ফি·ল্লাংজক।

লূকনি চকগিবা নাম্মা খাৎথা 24:19

যীশু বিসংনা আগানজক, “মুয়া হং·ইংজক?” বিসং আগানজক, “নাসরত সংনি যীশুনি গিম্মিন জেরাং হং·জক। বিয়া আগানসোগিবা হং·আমিং। বিয়া কামও আরো খু·সুকও ইসল আরো গিম্মিক মান্দিনি মিক্রোনও বিল্লাকগিবা হং·আমিং।

লূকনি চকগিবা নাম্মা খাৎথা 5:26

উনি গিম্মিন দিমদাকান আইয়াও ইনমানফিলজক আরো খেনচাকে ইসলখো রাসং চাএতে আগানজক, “দা·আল আনচিং ইয়া বাদাকগিবা আইয়াও ইনমানগিবা কামখো নিকজক!”

লূকনি চকগিবা নাম্মা খাৎথা 5:8

ইখো নিক্কে শিমোন-পিতর যীশুনি মিকখাংও থুচিকপে আগানজক, “গিত্তেল, আংআ পাপী মান্দি; আংওনি রি·য়াংবো।”

লূকনি চকগিবা নাম্মা খাৎথা 7:15

উনি গিম্মিন সিগিবা মান্দি চাখাত্তে আসংজক আরো খু·সুক আগান্না হা·বাচেংজক। যীশু বিখো বিনি মা·গিবাচা হ·ন্নেতজক।

লূকনি চকগিবা নাম্মা খাৎথা 7:39

যীশুখো চা·না আগানগিবা উয়া ফরীশী ইখো নিক্কে গিসিকথাংও ইনজক, “ইয়া মান্দি আগানসোগিবা হং·বিবিওদে হা·আইনা মা·ন্নুয়ামিং, সা আরো বাদাকগিবা মিচিকসা বিনি জা·চকখো দাংথাপেতিংজক; মিচিকসাদে নামজা।”

লূকনি চকগিবা নাম্মা খাৎথা 8:37

উনোন গাদারীয় জওলনি গিম্মিক মান্দিরাং বিসংখো ওয়াত্তে রি·য়াংখানা যীশুখো মল·মলজক, মুয়ানা বিসং নাম্মেন খেনজকমিং। উনো যীশু ফি·ল্লাংনা মিংএ রিংও গাখাতজক।

লূকনি চকগিবা নাম্মা খাৎথা 9:19

জা·রিকগিবারাং আগানজক, “সাবা সাবা আগানা না·আ রিপ্পলেতগিবা যোহন; সাবা সাবা আগানা এলিয়; দা·আবা সাবা সাবা আগানা চেংওনি সাকসা আগানসোগিবা থাংচাফিলজক।”

যোহননা 1:21

উনোন বিসং যোহনচা সিং·জক, “ইন্দিদে সা? না·আ এলিয়মা?” বিয়া আগানজক, “হং·জা, আংআ এলিয় হং·জা।” বিসং আগানজক, “ইন্দিদে না·আ উয়া আগানসোগিবামা?” বিয়া আগানচাকজক, “হং·জা।”

যোহননা 1:25

“না·আ খ্রীষ্ট হং·জাওদে, এলিয় হং·জাওদে বা উয়া আগানসোগিবাবা হং·জাওদে, ইন্দিদে মুয়ানা না·আ রিপ্পলেতিংআ?”

যোহননা 4:19

উনোন উয়া মিচিক যীশুনা আগানজক, “দা·আও আংআ হা·আইনা মান·জক না·আ সাকসা আগানসোগিবা হং·আ।

যোহননা 6:14

যীশুনি ইন্দাকগিবা আইয়াও ইনমানগিবা কামখো নিক্কে মান্দিরাং আগান্না হা·বাচেংজক, “ইয়া বিবিন হা·গিলসাকো রি·বানা আগানগিবা উয়া আগানসোগিবা হং·আ।”

যোহননা 9:17

উনোন বিসং উয়া মান্দিখো দা·আবা সিং·জক, “না·আ বিনি গিম্মিন মুয়াখো আগানিংআ? মুয়ানা বিয়াদে নাং·নি মিক্রোনরাংখো নিক্কেতজক।” উয়া মান্দি ইনজক, “বিয়া সাকসা আগানসোগিবা হং·আ।”

ওয়াত্তেতারাংনা 5:5

ইয়া খাৎথাখো খিন্নারিন অননিয় হা·আও গা·আকে সিজক। ইখো জেরাং খিন্নাজক বিসং গিম্মিকান খেনবিজক।

ওয়াত্তেতারাংনা 7:37

ইয়ান উয়া মোশি জে ইস্রায়েল মান্দিরাংখো আগানামিং, ‘না·সংনি ইসল না·সংনি ইস্রায়েল জংআদারাংনি গিসেপোনিন না·সংনি গিম্মিন আং গিত্তা দাক্কা আগানসোগিবা সাকসাখো চাদেংএতনুয়া।’

গালাতীয়রাংনা 1:24

আরো বিসং আংনি গিম্মিন ইসলনি রাসংখো দাকনা হা·বাচেংজক।