লূকনি চকগিবা নাম্মা খাৎথা 5:2 - Garo New Testament

² ইন্দাকমিত্তিংও বিয়া সাগালনি রিক্কামও রিং গি·গ্মিখো নিকনা মান·জক। না·থক রিম·গিবারাং উয়া রিং গি·গ্মিওনি হং·খাতে বিসংনি জালখো সু·গালিংআমিং।

লূকনি চকগিবা নাম্মা খাৎথা 5:2 Iomraidhean Croise

মথিনি চকগিবা নাম্মা খাৎথা 4:18

যীশু গালীল সাগালনি রিক্কাম গিত্তা রি·য়াংমিত্তিংও শিমোন, জেখো পিতর মিংআ আরো বিনি জংগিবা আন্দ্রিয়খো নিকনা মান·জক। বিসং সাগালো জাল গোংআমিং, মুয়ানা বিসং না·থক রিম·গিবা হং·আমিং।

মথিনি চকগিবা নাম্মা খাৎথা 4:21

উনোনি মিকখাংচাবাক্কা রি·য়াংএ বিয়া যাকোব আরো বিনি জংগিবা যোহন মিংগিবা গিপ্পিন আদাসা সাকগ্মিখো নিকনা মান·জক। বিসং সিবদিয়নি দেফান্থি হং·আমিং। বিসংনি ফাগিবা সিবদিয়মুং রিংও আসংএ বিসং জালখো থারিংআমিং। যীশু উয়া সাকগ্মি আদাসাখোবা রিক্কামজক।

মার্ক 1:16

সালসাও যীশু গালীল সাগালনি রিক্কাম জলজল রি·য়াংআমিং। উয়া সময়ও বিয়া শিমোন আরো শিমোননি জংগিবা আন্দ্রিয়খো সাগালও জাল গোএ দংআখো নিকনা মান·জক। উয়া সাকগ্মি না·থক রিম·গিবামিং।

মার্ক 1:19

উনি অকখিসা চে·ল্লাচানা রি·য়াংআনি জা·মানো যীশু সিবদিয়নি সাকগ্মি দেফান্থি যাকোব আরো যোহনখো নিকনা মান·জক। বিসং আন·থাংথাংনি রিংও আসংএ জালখো থারিংআমিং।

লূকনি চকগিবা নাম্মা খাৎথা 5:1

সালসাও যীশু গিনেষরৎ সাগালনি রিক্কামও চাদেংএ দংআমিং। মান্দিরাং ইসলনি খাৎথাখো খিন্নানা ইন্নে বিখো উইলউইলে সিকচেপচেপিংআমিং।

লূকনি চকগিবা নাম্মা খাৎথা 5:3

উনো যীশু শিমোননি রিংও গাখাতজক আরো বিখো রিক্কামওনি অকখিসা চেল·খালে রিংখো রা·আংখানা আগানজক। জা·মানো রিংও আসংএ বিয়া মান্দিরাংনা স্খিনা হা·বাচেংজক।

যোহননা 1:40

যোহননি আগানাখো খিন্নাএ জে সাকগ্মিগিবা যীশুখো জা·রিকামিং বিসংনি সাকসানি বিমুং আন্দ্রিয়মিং। বিয়া শিমোন-পিতরনি জংগিবা হং·আমিং।