লূকনি চকগিবা নাম্মা খাৎথা 4:1 - Garo New Testament

^1-2 যীশু গিসিক রংথালগিবাও গাপ্পে যর্দন চিবিমাওনি রি·য়াংজক। গিসিক রংথালগিবানি রিম্মাংআনা বিয়া সাল সৎব্রিনা দিপ্পাৎ হা·গিসি জওলো রওমে দংজক। উয়া সালরাংও শয়তান মাদ্দুয়ারাংখো ফিন্নিকে বিখো পাপও গালনা হা·ম্মামিং। উয়া সাল সৎব্রিও যীশু মামুংখোবা চা·জামিং; উনি গিম্মিন উয়া সালরাং বাত্তাংওন বিয়া অকখ্রিআনা দাকজক।

লূকনি চকগিবা নাম্মা খাৎথা 4:1 Iomraidhean Croise

মথিনি চকগিবা নাম্মা খাৎথা 3:16

রিপ্পলানি জা·মানো যীশু চিওনি গাখাতমিত্তিংওন বিনি মিকখাংও সিলগা ফ্রাকাংজক। বিয়া কইতর গিত্তা বিনি সাক্কাও ইসলনি গিসিকনি হং·ওনবাখো নিকনা মান·জক।

লূকনি চকগিবা নাম্মা খাৎথা 2:27

উনসালো শিমিয়োন গিসিক রংথালগিবাচা যিহূদীরাংনি থরম নক্কো রি·বাজক। মোশিনি নিয়াম গিত্তা জেখো দাকনা নাংআ উখো দাকনা ইন্নে যীশুনি মা·গিবা ফাগিবা বি·সা যীশুখো রা·এ উয়োনা রি·বাজক।

লূকনি চকগিবা নাম্মা খাৎথা 3:3

উনোন যোহন যর্দন চিবিমানি সামবারাংনি হা·দাম গিম্মিকচা রি·য়াংএ আগানফ্রাকনা হা·বাচেংজক জেদাক্কে মান্দিরাং পাপওনি ক্ষেমা মা·ন্না পাপওনি গিসিক ফি·ল্লা আরো উনি চিন গিত্তা রিপ্পলা।

লূকনি চকগিবা নাম্মা খাৎথা 3:38

কৈনন ইনোশনি দেফান্থি, ইনোশ শেথনি দেফান্থি, শেথ আদমনি দেফান্থি, আদম ইসলনি দেফান্থি।

লূকনি চকগিবা নাম্মা খাৎথা 4:14

জা·মানো যীশু গিসিক রংথালগিবানি বিলও গাপ্পে গালীল হা·দকোনা ফি·ল্লাংজক। যীশুনি খাৎথা উয়া জওল গিম্মিকচানা গিপ্পাংজক।

লূকনি চকগিবা নাম্মা খাৎথা 4:18

“গিত্তেলনি গিসিক আংনি সাক্কাও দংআ, মুয়ানা বিয়ান আংখো বাচ্ছিয়ে রা·জক জেদাক্কে আংআ দিল্লা-চন্নারাংচা নাম্মা খাৎথাখো আগানফ্রাকনা মা·ন্না। বিয়া আংখো জেলো চিপ্পে দনগিবারাংচা জক্কানি খাৎথাখো, মিকগ্রিরাংচা নিকনা মা·ন্নানি খাৎথাখো আগান্না ওয়াত্তেতজক। দক্কা চা·গিবারাংখো, জক্কেৎনা আংখো ওয়াত্তেতজক।

যোহননা 1:32

উনি জা·মানো যোহন ইখো সাক্ষি হন·জক, “আংআ গিসিক রংথালগিবাখো কইতর গিত্তা সালগিওনি হং·ওনবাএ বিনি সাক্কাও দংআখো নিকজক।

যোহননা 3:34

ইসল জেখো ওয়াত্তেতজক বিয়া ইসলনি খাৎথাখোন আগানা, মুয়ানা ইসল বিনা গিসিক রংথালগিবাখো থয়ে হন·জা।

ওয়াত্তেতারাংনা 10:38

না·সং ইখোবা হা·আইয়া, ইসল নাসরতনি যীশুখো গিসিক রংথালগিবাচা আরো বিলচা সংআমিং। ইসল বিমুং দংআনি গিম্মিন বিয়া নাম্মা কামখো দাকনুয়ামিং আরো শয়তাননি জাক্কো দুক মান·গিবারাংখো গিম্মিকখোন নাম্মেতনুয়ামিং।

ওয়াত্তেতারাংনা 8:39

বিসং চিওনি গাখাতমিত্তিংও গিত্তেলনি গিসিক রাং·গিত্তিক ফিলিপখো রা·আংজক। উয়া কাম রিম·গিবা বিখো নিকজাজক। উনোন বিয়া খুসি হং·এ নকচানা রি·য়াংজক।