লূকনি চকগিবা নাম্মা খাৎথা 3:3 - Garo New Testament

³ উনোন যোহন যর্দন চিবিমানি সামবারাংনি হা·দাম গিম্মিকচা রি·য়াংএ আগানফ্রাকনা হা·বাচেংজক জেদাক্কে মান্দিরাং পাপওনি ক্ষেমা মা·ন্না পাপওনি গিসিক ফি·ল্লা আরো উনি চিন গিত্তা রিপ্পলা।

লূকনি চকগিবা নাম্মা খাৎথা 3:3 Iomraidhean Croise

মথিনি চকগিবা নাম্মা খাৎথা 3:11

গিসিক ফিল·জক ইন্নে আংআ না·সংখো চিও রিপ্পলেতিংআ, ইন্দিবা আংনি জা·মানচা রি·বাগিবাদে আংনা বিল্লাকবাত্তা। আংআদে বিনি জা·খপখো রিপ্পিএ রা·নাবা খ্রাজা। বিয়া না·সংখো গিসিক রংথালগিবাও আরো ওয়া·আলো রিপ্পলেতনুয়া।

লূকনি চকগিবা নাম্মা খাৎথা 1:16

ইস্রায়েলরাংনি বাং·আখোন বিয়া বিসংনি গিত্তেল ইসলওনা ফি·ল্লে রা·বানুয়া।

লূকনি চকগিবা নাম্মা খাৎথা 1:77

না·আ বিনি মান্দিরাংনা আগানবো, বাদিকে দাক্কে আনচিংনি ইসলনি খা·সাচাক্কানি গিম্মিন পাপওনি ক্ষেমা মা·ন্নে পাপওনি জকনা মা·ন্না। বিনি খা·সাচাকবিয়ানি গিম্মিন সালগিওনি গি·সা নাগিবা সাল আনচিংনি সাক্কাও হং·ওনবানুয়া,

লূকনি চকগিবা নাম্মা খাৎথা 4:1

যীশু গিসিক রংথালগিবাও গাপ্পে যর্দন চিবিমাওনি রি·য়াংজক। গিসিক রংথালগিবানি রিম্মাংআনা বিয়া সাল সৎব্রিনা দিপ্পাৎ হা·গিসি জওলো রওমে দংজক। উয়া সালরাংও শয়তান মাদ্দুয়ারাংখো ফিন্নিকে বিখো পাপও গালনা হা·ম্মামিং। উয়া সাল সৎব্রিও যীশু মামুংখোবা চা·জামিং; উনি গিম্মিন উয়া সালরাং বাত্তাংওন বিয়া অকখ্রিআনা দাকজক।

যোহননা 1:28

যর্দন চিবিমানি নালসাচা বৈথনিয়া সংও জেও যোহন রিপ্পলেতিংআমিং উনো ইরাং হং·আমিং।

যোহননা 3:26

জা·মানো বিসং যোহনচানা রি·বাএ আগানজক, “স্খিগিবা, যর্দননি নালসাচা নাং·মুং দংগিবা আরো জেনি গিম্মিন না·আ সাক্ষি হ·ন্নামিং, নিবো, বিয়া রিপ্পলেতিংজক আরো গিম্মিকান বিচা রি·য়াংইংজক।”

ওয়াত্তেতারাংনা 13:24

যীশুনি রি·বানা স্খাং ইস্রায়েলনি গিম্মিক মান্দিরাংচা যোহন ইয়া খাৎথাখো আগানফ্রাকামিং, পাপওনি গিসিক ফি·ল্লে মান্দিরাংনি রিপ্পলনা নাংআ।

ওয়াত্তেতারাংনা 19:4

পৌল আগানজক, “পাপওনি গিসিক ফি·ল্লে রিপ্পলগিবান যোহননি রিপ্পলা হং·আ। যোহন মান্দিরাংনা আগানামিং, বিনি জা·মানো জেআন রি·বাংজক বিখো আগানস্খাওদে যীশুখো বিবিরা·না নাংনুয়া।”

ওয়াত্তেতারাংনা 22:16

দা·আও না·আ মুয়ানা হারিমিংআ? চাখাত্তে রিপ্পলবো আরো পাপওনি জক্কাখো মা·ন্না যীশুখো রিংগামে নাং·নি গিম্মিক পাপরাংখো সু·গালবো।’