লূকনি চকগিবা নাম্মা খাৎথা 3:16 - Garo New Testament

¹⁶ উনোন যোহন বিসং দিমদাকনান আগানজক, “আংআ না·সংখো চিও রিপ্পলেতিংআ, ইন্দিবা আংনা বাত্তে বিল্লাকবাৎগিবা রি·বাংজক। আংআ বিনি জা·খপনি ফিতাখো এংনাবা খ্রাজা। বিয়া গিসিক রংথালগিবাও আরো ওয়া·আলো না·সংখো রিপ্পলেতনুয়া।

লূকনি চকগিবা নাম্মা খাৎথা 3:16 Iomraidhean Croise

মথিনি চকগিবা নাম্মা খাৎথা 3:11

গিসিক ফিল·জক ইন্নে আংআ না·সংখো চিও রিপ্পলেতিংআ, ইন্দিবা আংনি জা·মানচা রি·বাগিবাদে আংনা বিল্লাকবাত্তা। আংআদে বিনি জা·খপখো রিপ্পিএ রা·নাবা খ্রাজা। বিয়া না·সংখো গিসিক রংথালগিবাও আরো ওয়া·আলো রিপ্পলেতনুয়া।

মথিনি চকগিবা নাম্মা খাৎথা 3:12

বিনি জাক্কোন রুয়ান দংআ আরো আন·থাংনি মি মাড়াইগিবা হা·দামখো বিয়া নাম্মেদাক্কেন রংথালেতনুয়া। বিয়া আন·থাংনি মিখো জামও চিম্মংনুয়া, ইন্দিবা বিবুখোদে খিম্মিতনা মান·গিজাগিবা ওয়া·আলো সো·এ গালনুয়া।’’

যোহননা 1:26

যোহন উয়া ফরীশীরাংনা আগানচাকজক, “আংআ চিও রিপ্পলেতিংআ, ইন্দিবা না·সংনি গিসেপো ইন্দাকগিবা সাকসা দংআ জেখো না·সং হা·আইজা।

যোহননা 1:27

বিয়ান উয়া মান্দি আংনি জা·মানো জেনি রি·বানি খাৎথা দংআমিং। আংআ বিনি জা·খপনি ফিতাখো এংনাবা খ্রাজা।”

যোহননা 1:33

আংআ বিখো হা·আইজামিং, ইন্দিবা আংখো চিও রিপ্পলেতনা ওয়াত্তেতগিবান আংনা আগানেতজক, ‘জেনি সাক্কাও গিসিক রংথালগিবাখো হং·ওনবাখো নিকনুয়া, বিয়ান উয়া জেআন গিসিক রংথালগিবাও রিপ্পলেতনুয়া।’

যোহননা 7:38

আংও জে বিবিরা·আ, রংথালগিবা শাস্ত্রনি খাৎথা গিত্তা বিনি খা·থংওনি থাংগিবা চিনি চিবিমা জকনুয়া।”

ওয়াত্তেতারাংনা 1:5

যোহন চিও রিপ্পলেতনুয়ামিং, ইন্দিবা সাল বাং·গিজানি গিসেপো আপফানি উয়া খু·রাচাক্কা গিত্তা গিসিক রংথালগিবাও না·সং রিপ্পলনুয়া।”

ওয়াত্তেতারাংনা 10:44

পিতর উনোবা খাৎথা আগানিংআ, উনো উয়া খাৎথাখো খিন্নাগিবারাংনি সাক্কাও গিসিক রংথালগিবা রি·বাজক।

ওয়াত্তেতারাংনা 2:33

ইসলনি জাক্রাচা আসংআনি রাসংখো বিনাসান হ·ন্না আরো খু·রাচাকগিবা গিসিক রংথালগিবাখো বিয়ান ফাগিবা ইসলচানিখো মা·ন্না; আরো দা·আও না·সং জেখো নিক্কিংআ আরো খিন্নানা মা·ন্নিংআ উখো যীশুন হ·ন্না।

1ম করিন্থীয়রাংনা 12:13

আনচিং যিহূদী বা যিহূদী হং·গিজাগিবা, নকখল বা জাকগিত্তেল হং·গিবা, দিমদাকান আপসান গিসিক রংথালগিবাচা আপসান বে·এনো রিপ্পলজক। আনচিং গিম্মিকান উয়া আপসান গিসিক রংথালগিবাখো মান·জক।