লূকনি চকগিবা নাম্মা খাৎথা 3:11 - Garo New Testament

¹¹ যোহন বিসংনা আগানচাকজক, “সানিবা চলা ফাৎগ্মি দংওদে বিয়া চলাগ্রি দংগিবানা চলা ফাৎসা হন·খানা। চা·আ দংগিবাবা উয়ানদাক্কেন দাকখানা।”

লূকনি চকগিবা নাম্মা খাৎথা 3:11 Iomraidhean Croise

মথিনি চকগিবা নাম্মা খাৎথা 25:40

“রাজা উনো বিসংনা আগানচাকনুয়া, ‘আংআ না·সংনা বিবিন আগানিংআ, আংনি ইয়া জংআদারাংওনি চনবাৎগিবা সাকসানা জেনসালো উখো দাক্কামিং উনো আংনান উখো দাক্কামিং।’

লূকনি চকগিবা নাম্মা খাৎথা 11:41

ইন্দিবা না·সংনি দনচাক্রাও দংগিবাখোন কাঙ্গালরাংনা হ·ন্না গিত্তা হন·বো; নিবো, দিমদাকান না·সংনা রংথালনুয়া।

লূকনি চকগিবা নাম্মা খাৎথা 18:22

ইয়া খাৎথাখো খিন্নাএ যীশু বিনা আগানজক, “দা·আওবা নাং·নি মিংসাখো দাকনা দংখুংআ। নাং·চা দংগিবা গিম্মিকখো ফাল্লে দিল্লা-চন্নারাংনা হন·বো, ইন্দাকোদে না·আ সালগিও গামখো মা·ন্নুয়া। জা·মানো রি·বাএ আংখো জা·রিকফাবো।”

লূকনি চকগিবা নাম্মা খাৎথা 19:8

সক্কেয় উনো চাদেংএ গিত্তেলনা আগানজক, “গিত্তেল, আংআ আংনি গামজিননি ফাকসামসাখো দিল্লা-চন্নারাংনা হ·ন্নেতিংজক আরো সাচাখোবা থগিয়ে রা·মানোদে উনি চাংব্রি বাত্তে হন·ফিল্লিংজক।”

যোহননা 13:29

সাবা চানচিজক, পর্বনা জেখো নাংআ যীশু যিহূদাখো উখো ব্রিএ রা·বানা আগানজক বা দিল্লা-চন্নারাংনা মামুংখো হন·খানা আগানজক, মুয়ানা বিসংনি থাংখানি জেপ যিহূদাচান দংনুয়ামিং।

ওয়াত্তেতারাংনা 10:2

যিহূদী জাত হং·জাওবা বিয়া ইসলনা খা·ফাকগিবামিং আরো বিয়া আরো বিনি নকগিম্মিকান ইসলখো অলাখিনুয়ামিং। বিয়া দিল্লা-চন্নারাংনা থাংখা-পয়সারাংখো বাং·এন হ·ন্নুয়ামিং আরো ইসলচা সালাজ্রিং বি·নুয়ামিং।

ওয়াত্তেতারাংনা 10:31

‘কর্ণীলিয়, ইসল নাং·নি বি·আখো খিন্নাজক আরো দিল্লা-চন্নারাংনা নাং·নি হন·চাকারাংখো বিয়া গিসিকো রা·রিকজক।

ওয়াত্তেতারাংনা 10:4

কর্ণীলিয় খেন্নে উয়া সা·গ্রেচাখো নিএ আগানজক, “আগানবো, গিত্তেল।” সা·গ্রে আগানজক, “নাং·নি বি·আ আরো দিল্লা-চন্নারাংনা নাং·নি হন·চাকারাংনি খাৎথা সালগিওনা সকবাজক আরো ইসল উখো গিসিকো রা·রিকজক।

ইফিষীয়রাংনা 4:28

জেআন চা·উয়া বিয়া আরবা চা·উজাখানা, বাত্তেসা আন·থাংনি জাকচা খাকখেৎ দাক্কে কাম রিম·খানা জেদাক্কে দংগিজারাংনা র·ন্না গিত্তা বিনি মামুং দংআ।

1 তীমথিয় 6:17

জেরাং ইয়া হা·গিলসাকো মা·ন্নে চা·আ বিসংনা ইন্দাকে গি·য়েৎবো জেদাক্কে বিসং গাং·বিংগিজা আরো গামরাংনি সাক্কাও ফাংচাকগিজা ইসলনি সাক্কাও ফাংচাকা। বিয়ান গিম্মিকখো জাকস্রামে আনচিংনা হ·ন্না।

1 তীমথিয় 6:18

মা·ন্নে চা·গিবারাংনা গি·য়েৎবো জেদাক্কে বিসং গিপ্পিননি নাম্মাখো দাক্কা, খাকখেৎ কামও দংআ, জাকস্রামে হ·ন্না আরো বিসংনি গামরাংনি বাকখো গিপ্পিনরাংনাবা হ·ন্না।

ইব্রীয়রাংনা 6:10

ইসল খাকখেৎ বিচাল দাকগিবা হং·আ; ইনি গিম্মিন না·সংনি কামখো আরো বিনি মান্দিরাংনা দাকচাকে হ·ন্নে না·সং বিনা জে খা·সাখো ফিন্নিকজক আরো ফিন্নিকিংজক, উখো বিয়া গুয়ালজানুয়া।

যাকোব 1:27

রান্দি আরো ফাগ্রি-মা·গ্রিরাংখো দুকনি সালো নিরকখিয়া আরো হা·গিলসাকনি নামগিজারাংনিখো আন·থাংখো গ্রো নাংএতগিজা নাম্মে দাক্কে রাক্ষিয়ান আপফা ইসলনি মিক্রোনও খাকখেৎ হং·গিবা আরো বিবিগিবা থরম হং·আ।

যাকোব 2:14

আংনি জংআদারাং, আন·থাংও বিবিরা·আ দংআ ইন্নে সাবা আগানোদে ইন্দিবা কামচা উখো ফিন্নিকজাওদে, উয়ো মুয়া লাভ দংআ? উয়া বিবিরা·আ বিখো পাপনিখো জক্কেৎনা মা·ন্নামা?

1 যোহন 3:17

ইয়া হা·গিলসাকো চা·এ থাংএ দংআনি অবস্থা জেনি দংআ, বিয়া বিনি জংআদানি চা·আ-রিংআনি দংগিজাখো নিক্কেবা মিক্রোন মিকচিপে দন্নোদে বাদিকে দাক্কে বিনি খা·থংও ইসলনা খা·সা দংনা মা·ন্না?

1 যোহন 4:20

জেআন আগানা বিয়া ইসলনা খা·সা ইন্দাকোবা বিনি জংআদাখো মিৎচিয়া বিয়া বু·এ চা·গিবা, মুয়ানা মিক্রোনও নিক্কা জংআদানা জেআন খা·সাজা বিয়া নিকগিজা ইসলনা বাদিকে দাক্কে খা·সানা মা·ন্না?