লূকনি চকগিবা নাম্মা খাৎথা 23:2 - Garo New Testament

² বিসং ইখো ইন্নে যীশুখো দোস হন·জক, “ইয়া মান্দি চিংনি জাতখো ব্রাংএতা, ইখো চিংআ নিকনা মা·ন্না। বিয়া দাল·বাৎগিবা রাজানা খাজিনা হ·ন্না বেং·আ আরো বিয়া আন·থাংখো খ্রীষ্ট, সাকসা রাজা ইন্নে আগানা।”

লূকনি চকগিবা নাম্মা খাৎথা 23:2 Iomraidhean Croise

মথিনি চকগিবা নাম্মা খাৎথা 17:27

ইন্দিবা আনচিং খাজিনা গিলগিবারাংখো চন্নিকেতজানা গিত্তা, না·আ সাগালও রি·য়াংএ বড়শী গোবো, আরো স্খাং গাদুগিবা না·থকনি খু·সুকখো এংএ উনি নিং·আও রূপানি থাংখা গং·সাখো মা·ন্নুয়া। উখো রা·আংএ নাং·নি আরো আংনি খাজিনাখো হন·বো।”

মথিনি চকগিবা নাম্মা খাৎথা 22:21

বিসং আগানজক, “রোম-রাজানি।” যীশু বিসংনা আগানজক, “ইন্দাকোদে রাজানিখো রাজানা হন·বো, আরো ইসলনিখো ইসলনা হন·বো।”

মথিনি চকগিবা নাম্মা খাৎথা 27:11

যীশু শাসন দাকগিবা পীলাতনি মিকখাংও চাদেংএ দংআমিং। শাসন দাকগিবা বিখো সিং·জক, “না·আ যিহূদীরাংনি রাজামা?” যীশু আগানচাকজক, “না·আ খাকখেৎখোন আগানজক।”

মার্ক 12:17

যীশু বিসংনা আগানজক, ‘‘বাগিবা রাজানি উখো রাজানা হন·বো, আরো বাগিবা ইসলনি উখো ইসলনা হন·বো।’’ যীশুনি ইয়া খাৎথানা বিসং আইয়াও ইনমানজক।

মার্ক 15:2

উনো পীলাত যীশুখো সিং·জক, ‘‘না·আ যিহূদীরাংনি রাজামা?’’ যীশু আগানচাকজক, ‘‘না·আ বিবিখোন আগানা।’’

লূকনি চকগিবা নাম্মা খাৎথা 23:14

“না·সং ইয়া মান্দিখো, মান্দিরাংখো ব্রাংএতিংআ ইন্নে দোস হ·ন্নে আংচানা রা·বাজক। ইন্দিবা আংআ বিখো না·সংনি মিকখাংওন নাম্মেদাক্কে সিং·এ নিজক। না·সংনি দোস হ·ন্না গিত্তা বিনি মামুং নামগিজাখোন আংআ নিকজাজক।

লূকনি চকগিবা নাম্মা খাৎথা 23:5

ইন্দিবা বিসং জেৎজেতারি ইন্না হা·বাচেংজক, “যিহূদিয়া হা·দক গিম্মিকো স্খিয়ে হ·ন্নে ইয়া মান্দিরাংখো খা·আওনাংএতিংজক। গালীল হা·দকোনি দা·আও ইয়োনা দিপ্পাৎ সকবাজক।”

যোহননা 18:29

উনোন পীলাত হা·ফালও বিসংচা রি·বাএ আগানজক, “ইয়া মান্দিখো না·সং মুয়া দোসখো হ·ন্নে দোসগ্মাং দাক্কিংজক?”

যোহননা 18:30

যিহূদী দাল·বাৎগিবারাং আগানজক, “বিয়া নামগিজা কামখো দাকজাওদে চিংআ নাং·চা বিখো রিমবাজানুয়ামিং।”

যোহননা 19:12

ইয়া খাৎথাখো খিন্নাএ পীলাত যীশুখো ওয়াতনা হাম·জক, ইন্দিবা যিহূদীরাংনি দাল·গিবারাং চ্রিকে আগানজক, “না·আ ইয়া মান্দিখো ওয়াত্তোদে না·আ সম্রাট কৈসরনি রিপ্পেং হং·জা। সাবা আন·থাংখো রাজা ইন্নোদে বিয়া সম্রাট কৈসরনি বোবিল হং·আ।”

ওয়াত্তেতারাংনা 24:13

আংখো বিসং দা·আও জেদাক্কে দোস হ·ন্নিংআ উখো বিসং নাং·চা ফিন্নিকনা মান·জানুয়া।

ওয়াত্তেতারাংনা 24:5

“চিংআ নিকজক ইয়া মান্দি বামগিজাগিবা হং·আ; ফাংনানান বিয়া গোলমালখো দাক্কেতা। হা·গিলসাক গিম্মিকো যিহূদীরাংও বিয়া গোলমাল দাক্কেতা। বিয়া নাসরীয় মিংগিবা থরমনা চাংফেংগিবা দলনি দাল·গিবা হং·আ।

রোমানরাংনা 13:7

জে জেখো মা·ন্নুয়া বিনা উখো হন·বো। খাজিনা গিলগিবানা খাজিনাখো হন·বো; রা·নাপানি খাজিনাখো গিলগিবানা উখো হন·বো; জেনা খেন্না নাংআ বিনা খেনবো; জেখো মান্দিরা·না নাংআ বিখো মান্দিরা·বো।