লূকনি চকগিবা নাম্মা খাৎথা 2:9 - Garo New Testament

⁹ উনোন রাং·গিত্তিক গিত্তেলনি সা·গ্রে সাকসা বিসংনি মিকখাংও রি·বাজক। উনো গিত্তেলনি রাসংখো বিসংনি সামব্রিও থেং·সুএ নিকজক। উনি গিম্মিন নিরিকগিবারাং নাম্মেন খেনবিজক।

লূকনি চকগিবা নাম্মা খাৎথা 2:9 Iomraidhean Croise

মথিনি চকগিবা নাম্মা খাৎথা 1:20

যোষেফ ইরাংখো চানচিমিত্তিংও গিত্তেলনি সা·গ্রে জুমাংচা বিনা মিকখাং ফা·এ আগানজক, ‘‘ও দায়ূদনি দেফান্থি যোষেফ, মরিয়মখো খিমনা দা·আ খেন্নাবো, মুয়ানা বিনি অক্কো খেগিবা, গিসিক রংথালগিবানি বিলচান হং·আ। বিনি সাকসা দেফান্থি হং·নুয়া।

লূকনি চকগিবা নাম্মা খাৎথা 1:28

সা·গ্রে মরিয়মচা রি·বাএ বিখো সালাম হ·ন্নে আগানজক, “গিত্তেল নাং·মুং দংআ আরো নাং·না বাং·এ ফাত্তিজক।”

লূকনি চকগিবা নাম্মা খাৎথা 2:8

বৈৎলেহমনি সেফাংও নিরিকগিবারাং হা·বাও দংএ ওয়াল্লো বিসংনি মেষরাংখো নিথিমিংআমিং।

লূকনি চকগিবা নাম্মা খাৎথা 24:4

উনি গিম্মিন বিসংনি আইয়াও ইনমানে চানচিমিত্তিংওন মিকখা রিপরাপা গিত্তা চিং·চেতা বা·রাখো গানগিবা মান্দি সাকগ্মি বিসংনি কেচ্চিও রি·বাএ চাদেংজক।

যোহননা 12:41

যিশাইয় যীশুনি রাসংখো নিক্কামিং ইন্নে বিনি গিম্মিন ইয়া খাৎথাখো আগানামিং।

ওয়াত্তেতারাংনা 12:7

উনো রাং·গিত্তিক গিত্তেলনি সা·গ্রে সাকসা উয়ো রি·বাএ চাদেংজক। উনি গিম্মিন জেলনি উয়া নক সেং·আও থেং·সুজক। সা·গ্রে পিতরনি বে·এনো রাক্কে সুদ্দকে বিখো চামিসাএ আগানজক, “থেংরি চাখাতবো।” উনি হা·সেল পিতরনি জাক সামগ্মিওনি জেংজুল গো·ওকাংজক।

ওয়াত্তেতারাংনা 27:23

আংআ জেনি মান্দি হং·আ আরো আংআ জেনা দাকচাকে হ·ন্না উয়া ইসলনি সা·গ্রে সাকসা মিজাও ওয়াল্লো আংনি সেফাংও চাদেংএ আগানজক,

ওয়াত্তেতারাংনা 5:19

ইন্দিবা ওয়াল্লো গিত্তেলনি সা·গ্রে সাকসা জেলনি দ·গারাংখো এংএ বিসংখো হা·ফালচা রিমবাএ আগানজক,

2য় করিন্থীয়রাংনা 3:18

ইনি গিম্মিন আনচিং জেরাং খ্রীষ্টমুং নাংরিমজক, আনচিং গিম্মিকান মিকখাং ফিনদাপগিজা জানিরাও বিমাংখো নিআ গিত্তা গিত্তেলনি রাসংখো নিক্কেন আন·থাংথাংবা রাসংও দাল·রোরোবাএ দিংথাং হং·ফিলে বিগিত্তান হং·ইংজক। গিত্তেলনি, আগানস্খাওদে গিসিক রংথালগিবানি বিলচান ইন্দাকে হং·আ।

2য় করিন্থীয়রাংনা 4:6

চিংআ ইয়া খাৎথাখো আগানফ্রাকিংজক, মুয়ানা জেআন আগানামিং, “আন্দালাওনি সেং·খানা,” উয়া ইসলান চিংনি খা·থংও চিং·আমিং, জেদাক্কে বিনি রাসংখো হা·আইয়ানি সেং·আ ফারাকা। ইয়া রাসংআন খীষ্টনি মিকখাংও দংআ।

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।

ইব্রীয়রাংনা 12:21

জেখো নিক্কামিং উয়া ইন্দাকা খেনজাগকানি হং·আমিং, মোশি আগানামিং, “আংআ খেন্নে থিল·থিলিংজক।”

ফারাকগিবা খাৎথা 18:1

উনি জা·মানো আংআ দা·আও সাকসা সা·গ্রেখো সালগিওনি হং·খাতে রি·বাখো নিকজক। বিনি দাল·গিবা বিল দংআমিং আরো হা·গিলসাক বিনি রাসংও থেং·সুজক।

ফারাকগিবা খাৎথা 20:11

জা·মানো আংআ গি·সা দাল·বিয়া গিব্বক সিংহাসন আরো উনি সাক্কাও সাকসাখো আসংএ দংআখো নিকজক। উনি মিকখাংওনি হা·গিলসাক আরো সিলগা গিম্মাজক, বিসংনি হা·দাম আর মামিংচাবা দংজাজক।