লূকনি চকগিবা নাম্মা খাৎথা 16:2 - Garo New Testament

² উনোন নকমা মান্দি বিখো রিংগামে সিং·জক, ‘নাং·নি গিম্মিনো আংআ ইয়া মুয়াখো খিন্নাংআ? নাং·নি কামনি হিসাবখো হন·বো, মুয়ানা না·আদে দা·আও নকখল দাল·গিবা হং·না মান·জানুয়া।’

লূকনি চকগিবা নাম্মা খাৎথা 16:2 Iomraidhean Croise

মথিনি চকগিবা নাম্মা খাৎথা 12:36

ইন্দিবা আংআ না·সংনা আগানিংআ, মান্দিরাং জে নামগিজা খাৎথারাংখো আগানা, বিচালনি সালো বিসংনি মিংফ্রাকফ্রাক খাৎথানি গিম্মিন হিসাব হ·ন্না নাংনুয়া।

মথিনি চকগিবা নাম্মা খাৎথা 20:8

“হান·থামানি জা·মানো আংগুর বাগাননি নকগিবা আন·থাংনি নকখলখো রিংগামে আগানজক, ‘গামগিবারাংখো রিংগামে জা·মানগিবাওনি স্খাংগিবাওনা দিপ্পাৎ দিমদাকনা মা·ন্নানিখো হন·বো।’

লূকনি চকগিবা নাম্মা খাৎথা 12:20

ইন্দিবা ইসল বিনা আগানজক, ‘ও জাদা, দা·আল ওয়াল্লোন নাং·নি সিনা নাংনুয়া। ইন্দাকোদে নাং·নি চিম্মংগিবা জিনিসরাং সানি হং·নুয়া?’ ”

লূকনি চকগিবা নাম্মা খাৎথা 12:42

গিত্তেল আগানচাকজক, “উয়া বিবিগিবা আরো হা·আইগিবা নকখল সা হং·আ, জেখো বিনি নকগিবা আন·থাংনি নকখলরাংনা নাংআ গিত্তা চা·নিখো সুয়ালে হন·খানা দন্নাংনুয়া?

লূকনি চকগিবা নাম্মা খাৎথা 16:1

যীশু আন·থাংনি জা·রিকগিবারাংনা আগানজক, “বাদিআবা নকমা সাকসা মান্দিনি নকখল দাল·গিবাখো বিনি নকগিবানি গামজিনখো নাসিয়েতিংজক ইন্নে গ্রো নাংএতজক।

লূকনি চকগিবা নাম্মা খাৎথা 16:3

“উনোন উয়া নকখল গিসিকথাংও ইনজক, ‘আংআ দা·আও মুয়াখো দাকনুয়া? আংনি নকগিবাদে কামনিখো আংখো ওয়াত্তেতিংজক। হা·আ বাকনা চো·না আংনি বিল দংজা, দা·আবা বি·এ চা·নাবা খ্রাচা·আ।

রোমানরাংনা 14:12

ইন্দাকোদে নিকনা মা·ন্না, আনচিং গিম্মিকখোন আন·থাংনি গিম্মিন ইসলচা হিসাব হ·ন্না নাংনুয়া।

1ম করিন্থীয়রাংনা 1:11

আংনি জংআদারাং, না·সংনি গিসেপো নিরিয়া-গিসিয়া দংআ ইন্নে ক্লোয়ীনি নকনি মান্দিরাংচা খিন্নাজক।

1ম করিন্থীয়রাংনা 4:2

জেরাংনা ইয়া কামখো হন·জক বিসংখো বিবিরা·না খ্রাগিবা দাক্কে ফিন্নিকনা নাংনুয়া।

1ম করিন্থীয়রাংনা 4:5

উনি গিম্মিন গিত্তেলনি রি·বানা স্খাং, আগানস্খাওদে উয়া থিক দাকগিবা সময়না স্খাং না·সং দা·আ মামুংনি দোসখো রিম·না রি·য়াংআবো। আন্দালাও থুম্মুয়ে দনগিবাখো বিয়ান সেং·আওনা রা·বানুয়া আরো মান্দিনি খা·থংনি থুম্মুয়ে দনগিবা মিকসংআরাংখোবা ফারাকনুয়া। উনিসালো ইসলচাখোন জে জেনি মা·ন্নাগিবা মিৎথেলাখো মা·ন্নুয়া।

2য় করিন্থীয়রাংনা 5:10

মুয়ানা খ্রীষ্টনি বিচালনি মিকখাংও আনচিংনি গিম্মিকখো ফারাকনুয়া, জেদাক্কে আনচিং গিম্মিকান ইয়া বে·এনো দংমিত্তিংও জেখো দাকজক উয়া নামখানা বা নামজাখানা উনা খ্রাএ উনি মা·ন্নানিখো মা·ন্না।

1 তীমথিয় 4:14

মন্ডলীনি দাল·গিবারাং জেনসালো নাং·নি সাক্কাও বিসংনি জাকখো দন্নামিং উনো আগানসোগিবা গিত্তা দাক্কে খু·সুক আগানানি জে মংসংগিবা হ·ন্নানিখো নাং·না হ·ন্নামিং উখো না·আ দা·আ গাল্লে দন্নাবো।

1 তীমথিয় 5:24

সানিবা সানিবা পাপখো ইন্দাকে নাম্মেদাক্কে নিকনা মা·ন্না, উনি বিচাল স্খাংআন হং·আংআ। দা·আবা সানিবা সানিবা পাপখো জা·মানো নিকনা মা·ন্না।

পিতর 4:10

দিংথাং দিংথাং দাক্কে ফারাকা ইসলনি খা·সাচাক্কাখো মা·ন্নে জে মান্দি বিবিরা·না খ্রাগিবা দাক্কে উখো কাম দাক্কেতজক, উয়ানদাকগিবা মান্দি গিত্তা না·সং ইসলচাখো জেগিত্তা হন·চাকাখো মান·জক উখো সাকসা সাকগিপ্পিননা দাকচাকে হ·ন্না ইন্নে জাকখালবো।

পিতর 4:5

ইন্দিবা জেআন থাংগিবা আরো সিগিবা গিম্মিকনি বিচালখো দাকনা ইন্নে থারিয়ে দংসোজক বিচা বিসংনি হিসাব হ·ন্না নাংনুয়া।

ফারাকগিবা খাৎথা 20:12

জা·মানো আংআ নিকজক, দাল·লা-চন্না গিম্মিক সিগিবা মান্দিরাং উয়া সিংহাসননি মিকখাংও চাদেংএ দংআ। উনি জা·মানো মিত্তাম খি·তাপরাংখো এংআ হং·জক। জা·মানো দা·আও মিংসা খি·তাপখো এংআ হং·জক। উয়া হং·জক জাংগিনি খি·তাপ। ইয়া সিগিবা মান্দিরাংনি কামনি গিম্মিনও উয়া খি·তাপরাংও জেদাক্কে লিক্ষিয়া হং·আমিং উয়ানদাক্কে বিসংনি বিচাল হং·জক।