লূকনি চকগিবা নাম্মা খাৎথা 12:4 - Garo New Testament

⁴ “আংনি রিপ্পেংরাং, আংআ না·সংনা আগানিংআ, বে·এনখো স·ওতানি আগ্রে জেরাং মামুংখোবা দাকনা মান·জা বিসংনা দা·আ খেন্নাবো।

লূকনি চকগিবা নাম্মা খাৎথা 12:4 Iomraidhean Croise

মথিনি চকগিবা নাম্মা খাৎথা 10:28

জেরাং বে·এনখোসান স·ওতনা মা·ন্না ইন্দিবা জাংগিখো স·ওতনা মান·জা বিসংনা দা·আ খেন্নাবো। ইন্দিবা বে·এন আরো জাংগি ইয়া গি·গ্মিখোন নরকচা ব·ন্নেতনা মান·গিবানাসা খেনবো।

যোহননা 15:13

সাবা রিপ্পেংথাংনি গিম্মিন আন·থাংনি জাংগিখো হন·চাকোদে বিনা বাত্তে বাং·এ খা·সাগিবা সাকসাবা দংজা।

ওয়াত্তেতারাংনা 20:24

ইন্দিবা আংচা আংনি জাংগিনি মামুং দাম দংজা। আংনি গি·সামাংমাং হা·সিকা ইয়ান, জেদাক্কে আংআ বন·খামওনা দিপ্পাৎ খাতনা মা·ন্না, ফি·এ ইন্নোদে গিত্তেল যীশু জে কামখো আংনা হন·জক উখো ব·ন্নেতনা মা·ন্না। উয়া কাম হং·জক ইসলনি খা·সাচাক্কানি নাম্মা খাৎথানি গিম্মিনো সাক্ষি হ·ন্না।

ওয়াত্তেতারাংনা 4:13

পিতর আরো যোহননি খেনমানগিজাখো নিক্কে আরো বিসংখো লেক্ষা-পরা দংগিজাগিবা মান্দি ইন্নে হা·আইনা মা·ন্নে উয়া দাল·গিবারাং আইয়াও ইনমানজক, আরো বিসং যীশুমুং দংআমিং ইখোবা হা·আইনা মান·জক।

ফিলিপীয়রাংনা 1:28

জেরাং না·সংনি বোবিল দাক্কে দংআ বিসংনি মামুংনা না·সং দা·আ খেন্নাবো। ইয়োন নিকনা মা·ন্নুয়া, বিসং ব·ন্নাংইংজক আরো না·সং জক্কাখো মা·ন্না রি·য়াংইংজক; আরো ইয়া জক্কা ইসলচানিন রি·বাআ।

যাকোব 2:23

ইন্দাকে রংথালগিবা শাস্ত্রনি ইয়া খাৎথা চু·সকজক, “অব্রাহাম ইসলখো বিবিরা·আ আরো উনি হা·সেলো ইসল বিখো দোসগ্রি ইন্নে চানজক।” উনি গিম্মিন বিখো ইসলনি রিপ্পেং ইন্নে মিংজক।

পিতর 3:14

ইসলনি হা·সিকা গিত্তা রি·না রি·য়াংএ না·সংখো দুক চাকনাবা নাংওদে না·সং ফাত্তিয়াখো মান·গিবা হং·আ। জেরাং না·সংখো দুক র·ন্না বিসংনা না·সং দা·আ খেন্নাবো বা দুকনি সালো দা·আ জাজ্রেংআবো,

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।