লূকনি চকগিবা নাম্মা খাৎথা 10:2 - Garo New Testament

² বিয়া জা·রিকগিবারাংনা আগানজক, “মিরাংদে বাং·বিবিআন, ইন্দিবা কাম দাকগিবাদে বাং·জা। ইনি গিম্মিন মি রাতনা কাম দাকগিবারাংখো ওয়াত্তেতখানা নকগিবাচা মল·মলবো।

লূকনি চকগিবা নাম্মা খাৎথা 10:2 Iomraidhean Croise

মথিনি চকগিবা নাম্মা খাৎথা 20:1

“সালগিনি সংনক সাকসা নকগিবা গিত্তা হং·আ। সালসাও ফ্রিংও বিয়া গামগিবারাংখো বাগানও কাম রি·ম্মেতনা হা·ফালচা রি·য়াংজক।

মার্ক 13:34

উয়া সাল সকবানুয়া ইন্দাকগিবা মান্দি গিত্তা জে মান্দি আন·থাংনি নকখো দন্নে হা·সং গিপ্পিনচা রি·য়াংজক। নকখো ওয়াত্তে রি·য়াংনা স্খাং নকখলরাংচা বিয়া নকখো রাক্ষিনা দন্নাংজক। নকখল সাকফ্রাক ফ্রাকনা বিয়া কামরাংখো দন্নাংজক আরো দ·গাচিলো দংখামগিবাখো মিকরাকে দংখানা আগানাংজক।

মার্ক 16:15

যীশু উয়া জা·রিকগিবারাংনা আগানজক, ‘‘না·সং হা·গিলসাকনি গিম্মিকচান রি·য়াংবো আরো গিম্মিক মান্দিরাংচা ইসলনি হন·গিবা নাম্মা খাৎথাখো আগানফ্রাকবো।

মার্ক 16:20

জা·মানো জা·রিকগিবারাং গিম্মিকচা রি·য়াংএ আগানফ্রাকনা হা·বাচেংজক। গিত্তেল বিসংমুং দংএ কাম দাকফানা নাংজক আরো বিসংনা বি·ল্লাকগিবা কাম দাকনা বিল হ·ন্নে বিসংনি আগানফ্রাকারাং বিবিরা·আনি হং·আ ইখোন ফিন্নিকজক।

লূকনি চকগিবা নাম্মা খাৎথা 9:1

উনি জা·মানো যীশু উয়া সাকচিগ্মি জা·রিকগিবারাংখো রিংগামে চিম্মংজক আরো গিম্মিক গিসিক নামগিজাগিবারাংনি সাক্কাও বিলখো হন·জক। বিয়া বিসংনা সাআরাংনিখো নাম্মেতনাবা বিল হন·জক।

ওয়াত্তেতারাংনা 11:19

স্তিফানখো রা·এ বিবিরা·গিবারাংখো গিচ্চিয়েতানি গিম্মিন জেরাং বিলদিং বিলদাং হং·আংআমিং বিসং ফৈনীকিয়া, সাইপ্রাস আরো সিরিয়া হা·সংনি আন্তিয়খিয়াওনা দিপ্পাৎ রি·য়াংএ যিহূদীরাংচাসান ইসলনি খাৎথাখো আগানজক।

ওয়াত্তেতারাংনা 13:2

বিসং অকগুমিন দংএ গিত্তেলখো অলাখিমিত্তিংও গিসিক রংথালগিবা বিসংনা আগানজক, “বার্ণবা আরো শৌলখো আংআ জে কামনা রিক্কামা আংনি উয়া কামনি গিম্মিন দা·আও বিসংখো দিংথাং দাকবো।”

ওয়াত্তেতারাংনা 13:4

গিসিক রংথালগিবা বার্ণবা আরো শৌলখো ইন্দাকে ওয়াত্তেতানি জা·মানো উয়া সাকগ্মি সিলুকিয়াওনা রি·য়াংজক। জা·মানো উয়োনি বিসং জাহাসও দাক্কে সাইপ্রাস চিচাংওনা রি·য়াংজক।

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

ওয়াত্তেতারাংনা 22:21

“উনোন গিত্তেল আংনা আগানজক, ‘না·আ রি·য়াংবো, আংআ নাং·খো চে·ল্লাচানা গিপ্পিন জাতরাংচা ওয়াত্তেতনুয়া।’ ”

ওয়াত্তেতারাংনা 8:4

বিলদিং বিলদাং দাক্কে দংগিবা বিবিরা·গিবারাং গিম্মিকচা রি·য়াংএ খ্রীষ্টনি নাম্মা খাৎথাখো আগানফ্রাকনা হা·বাচেংজক।

1ম করিন্থীয়রাংনা 12:28

ইসল মন্ডলীও স্খাং ওয়াত্তেতারাংখো, গ্মিগিবাও আগানসোগিবারাংখো, গিত্থামগিবাও স্খিগিবারাংখো দনজক। জা·মানো ইন্দাকগিবা মান্দিরাংখো দনজক জেরাং আইয়াও ইনমানানি কামখো দাকনা বিল মান·জক, জেরাং জম্মা-সাআরাংখো নাম্মেতনা বিল মান·জক, জেরাং দাকচাকনা বিল মান·জক, জেরাং নিরক্ষিনা বিল মান·জক আরো জেরাং গিপ্পিন গিপ্পিন খু·সুকখো আগান্না বিল মান·জক। গিম্মিকান ওয়াত্তেতারাং হং·আমা?

1ম করিন্থীয়রাংনা 15:10

ইন্দিবা আংআ দা·আও ইসলনি খা·সাচাক্কানান ইন্দাকে হং·জক। আংনি সাক্কাও বিনি উয়া খা·সাচাক্কা বিথিগ্রি হং·জা। আংআ সাকগিপ্পিন ওয়াত্তেতারাংনা বাত্তে বাং·এ কাম দাকজক; আংআসান কাম দাক্কা ইন্দাকেদে হং·জা, বাত্তেসা আংনা ইসলনি জে খা·সাচাক্কা দংআ উয়া খা·সাচাক্কান উখো দাকজক।

2য় করিন্থীয়রাংনা 6:1

ইসলমুং কাম রিম·ফাগিবা হং·এ চিংআ না·সংখো ইন্দাকে মল·মলিংজক, ইসলনি খা·সাচাক্কাখো মান·জক ইন্নে না·সং উখো দা·আ নাসি-নাদা দাক্কেতাবো।

ফিলিপীয়রাংনা 2:21

গিপ্পিনরাং যীশু খ্রীষ্টনি বিদিংও বিমচিপগিজা আন·থাংনাসান বিমচিপা।

ফিলিপীয়রাংনা 2:25

আংআ ইপাফ্রদীতখো না·সংচা ওয়াত্তেতনা নাংআ ইন্নে চানচিজক। বিয়া আংনি বিবিরা·গিবা জংআদা। চিংআ আপসানান কাম দাক্কা আরো খ্রীষ্টনা দাকগ্রিকা। দাকচাকে রন·গিবা গিত্তা আংনি নাংআখো র·ন্না বিখোন না·সং আংচা ওয়াত্তেতামিং।

ফিলিপীয়রাংনা 2:30

খ্রীষ্টনি কামনা বিয়া সিয়ানি মিকখাংগ্রিক হং·আমিং। না·সংনি দংগিজাও আংনা জেখো দাকনা মান·জাজক উখো দাকনা বিয়া বিনি জাংগিখো হন·চাকনাবা হা·ম্মামিং।

কলসীয়রাংনা 1:29

ইখো মিকসংএন ইসলনি জে বিল আংও কাম দাক্কিংআ উয়া বিল গিত্তা আংআ সিমাংথাংমাং গাম্মিংজক।

কলসীয়রাংনা 4:12

ইপাফ্রাবা না·সংনা সালাম হ·ন্নিংআ। বিয়া না·সংনি আন·থাংনি মান্দিরাংওনি সাকসা আরো বিয়া খ্রীষ্ট যীশুনি নকখল হং·আ। বিয়া সালাজ্রিং বি·আচা না·সংনা দাকগ্রিকিংজক জেদাক্কে না·সং চু·সকগিবা হং·এ আরো গিম্মিকো ইসলনি হা·সিকাখো হা·আইএ রাক্কে চাদেংনা মা·ন্না।

1 থিষলনীকী 2:9

জংআদারাং, চিংনি গাম্মাখো আরো নেং·আনি খাৎথাখো না·সংনি গিসিক দংবিবিআনখোন। না·সংচা ইসলনি নাম্মা খাৎথাখো আগানফ্রাকও চিংআ ওয়ালসাল গামজক, জেদাক্কে চিংআ না·সং দারাংনি সাক্কাও বোজা হং·না নাংজা।

1 থিষলনীকী 5:12

জংআদারাং, চিংআ না·সংখো মল·মলা, জেরাং না·সংনি গিসেপো গাম্মিংআ, গিত্তেলনি হং·এ না·সংখো রি·দিলা আরো না·সংনা স্খিয়া বিসংখো মান্দিরা·বো।

2 থিষলনীকীয়রাংনা 3:1

বন·চতাও আগান্না জংআদারাং, চিংনা বি·চাকবো জেদাক্কে গিত্তেলনি খাৎথা না·সংনি গিসেপো থেংরিদাক্কে গিপ্পাংআমিং উয়ানদাক্কেন উয়া গিপ্পাংরিকরিকা আরো রাসং মান·রিকরিকা।

1 তীমথিয় 4:10

ইনি গিম্মিনান আনচিং জাংগিগাল্লে গাম্মিংআ আরো হা·সিকবিএ কাম দাক্কিংআ, মুয়ানা থাংগিবা ইসলনি সাক্কাও আনচিং খা·দংআ। বিয়ান গিম্মিক মান্দিরাংনি জক্কেৎগিবা হং·আ, মংসংদে বিসংনি জেরাং বিখো বিবিরা·আ।

2 তীমথিয় 4:5

ইন্দিবা না·আ আন·থাংখো গিম্মিক অবস্থাওন বাম্মে দনবো, দুকখো চাকবো আরো খ্রীষ্টনি গিম্মিন নাম্মা খাৎথাখো আগানফ্রাকবো, আরো ইসল নাং·না জে কামখো দাকনা হন·জক উখো চু·গিম্মিক দাক্কে দাকবো।

ফিলীমনা 1:1

আংআ পৌল খ্রীষ্ট যীশুও বন্দি হং·জক। আংআ আরো চিংনি বিবিরা·গিবা জং তীমথিয় চিংনি খা·সাগিবা রিপ্পেং আরো কাম রিম·ফাগিবা ফিলীমনচা,

ইব্রীয়রাংনা 3:6

ইন্দিবা খ্রীষ্ট উয়া নকনি দেফান্থি গিত্তা বিবিরা·না খ্রাগিবা হং·আমিং। আনচিংনি খা·দংবিবিয়ানি গিম্মিন গিসিকো জে হান·সেংআ রি·বাআ, উয়ো আনচিং বন·খামাওনা দিপ্পাৎ খেম·খেমে দংওদে নিকনা মা·ন্নুয়া, আনচিংআন ইসলনি নকনি মান্দি হং·আ।

ফারাকগিবা খাৎথা 2:1

“ইফিষ সংজিলমানি মন্ডলীনি সা·গ্রেচা ইয়া খাৎথাখো চকবো- জেআন বিনি জাক্রা জাক্কো রংস্নি আস্কিখো রি·ম্মে সোনানি বলস্নি গাসানি জাংচিও রি·রোরোআ বিয়া ইয়া খাৎথাখো আগানিংজক: