যোহননা 8:9 - Garo New Testament

⁹ ইয়া খাৎথাখো খিন্নাএ উয়া দাল·গিবারাংনি গিসেপো বুদেফাওনি হা·বাচেংএ সাকসা সাকসা দাক্কে গিম্মিক মান্দিন রি·য়াংথকজক। যীশু সাকসানান উয়ো দংজক আরো উয়া মিচিক বিনি মিকখাংও চাদেংএ দংআমিং।

যোহননা 8:9 Iomraidhean Croise

লূকনি চকগিবা নাম্মা খাৎথা 13:17

বিনি ইন্দাকে আগানানি গিম্মিন বিখো জিচাকগিবারাং গিম্মিকান খ্রাচা·আ মান·জক। ইন্দিবা গিপ্পিন মান্দিরাং বিনি ইন্দাকা বিল্লাকা কামরাংখো নিক্কে খুসি হং·বিজক।

যোহননা 8:10

যীশু চাখাত্তে উয়া মিচিকনা আগানজক, “বিসং বাও? নাং·খো সাকসাবা শাস্তি মা·ন্না খ্রাআ ইন্নে চানচিজামা?”

যোহননা 8:12

জা·মানো যীশু দা·আবা মান্দিরাংনা আগানফিলজক, “আংআন হা·গিলসাকনি সেং·আ। আংনি রামাওনা রি·গিবাদে মামুং দাক্কেবা আন্দালাও রি·জানুয়া, ইন্দিবা জাংগিনি সেং·আখো মা·ন্নুয়া।”

যোহননা 8:2

উনি সালসা জা·মানো ফ্রিংও যীশু দা·আবা থরম নক্কোনা রি·য়াংআনি জা·মানো দিমদাক মান্দি বিচা রি·বাজক। উনো যীশু আসংএ বিসংনা স্খিনা হা·বাচেংজক।

যোহননা 8:3

উনোন শাস্ত্র স্খিগিবা আরো ফরীশীরাং সাকসা মিচিকখো যীশুচা রিমবাজক। উয়া মিচিকখো থি·ল্লেকানি গিম্মিন রি·ম্মামিং। শাস্ত্র স্খিগিবারাং আরো ফরীশীরাং উয়া মিচিকখো জাংচিও চাদেংএতে যীশুনা আগানজক, “স্খিগিবা, ইয়া মিচিকখো থি·ল্লেকানা রিম·জক।

যোহননা 8:8

ইনি জা·মানো দা·আবা বিয়া বামগপ্পে হা·আও চকনা হা·বাচেংজক।

রোমানরাংনা 2:15

ইনি হা·সেল নিকনা মা·ন্না, নিয়াম গিত্তা জেখো দাকনা খ্রাআ উয়া বিসংনি খা·থংওন চক্কা দংআ। বিসংনি গিসিকবা উখোন সাক্ষি হ·ন্না। বিসংনি চানচিয়ারাং মিত্তাম সময়ও বিসংখো দোস হ·ন্না, দা·আবা মিত্তাম সময়ও বিসংনা চাক্কা।

রোমানরাংনা 2:22

“দা·আ থি·ল্লেকাবো” ইন্নে না·আ আগানা, ইন্দিবা না·আ আন·থাংআন থি·ল্লেকজাংআমা? না·আদে মিত্তে বিমাংখো মিৎচিয়া, ইন্দিবা না·আ আন·থাংআন মিত্তে বিমাংখো অলাখিগিবা নকচা রি·য়াংএ চা·উজাংআমা?