যোহননা 8:2 - Garo New Testament

² উনি সালসা জা·মানো ফ্রিংও যীশু দা·আবা থরম নক্কোনা রি·য়াংআনি জা·মানো দিমদাক মান্দি বিচা রি·বাজক। উনো যীশু আসংএ বিসংনা স্খিনা হা·বাচেংজক।

যোহননা 8:2 Iomraidhean Croise

মথিনি চকগিবা নাম্মা খাৎথা 26:55

জা·মানো যীশু মান্দিরাংনা আগানজক, “আংআ ডাকাতমা, না·সং মি·ল্লাম আরো মাংগতখো রা·এ আংখো রিম·না রি·বাজক? আংআ ফাংনান থরম নক্কো আসংএ স্খিনুয়ামিং, আরো উনোদে না·সং আংখো রিম·জাজক।

লূকনি চকগিবা নাম্মা খাৎথা 21:37

উয়া সময়রাংও সালাজ্রিংআন যীশু থরম নক্কো স্খিয়ে হ·ন্নুয়ামিং, ইন্দিবা ওয়াল্লোদে হা·ফালচা রি·য়াংএ জৈতুন হা·ব্রিওনা দংনুয়ামিং।

লূকনি চকগিবা নাম্মা খাৎথা 21:38

গিম্মিক মান্দিরাং বিনি খাৎথাখো খিন্নাথিমনা থরম নক্কো ফ্রিংওয়ালনি রি·বানুয়ামিং।

লূকনি চকগিবা নাম্মা খাৎথা 4:20

জা·মানো বিয়া খি·তাপখো দা·আবা বি·ল্লে দাকচাকগিবানি জাক্কো হ·ন্নে আসংজক। থম·দাকরামনি গিম্মিক মান্দিরাংনি মিক্রোন বিনি সাক্কাও গা·আকজক।

লূকনি চকগিবা নাম্মা খাৎথা 5:3

উনো যীশু শিমোননি রিংও গাখাতজক আরো বিখো রিক্কামওনি অকখিসা চেল·খালে রিংখো রা·আংখানা আগানজক। জা·মানো রিংও আসংএ বিয়া মান্দিরাংনা স্খিনা হা·বাচেংজক।

যোহননা 4:34

উনোন যীশু বিসংনা আগানজক, “আংখো ওয়াত্তেতগিবানি হা·সিকাখো মানিয়া আরো বিনি কামখো চু·সকেতান আংনি চা·আনি হং·আ।

যোহননা 8:20

থরম নক্কো স্খিমিত্তিংও থাংখা হন·গিবা হা·দামও যীশু ইয়া খাৎথারাংখো আগানজক। ইন্দিবা উনোবা বিনি সাল সকখুজা ইন্নে দারাংবা বিখো রিম·জাজক।

যোহননা 8:3

উনোন শাস্ত্র স্খিগিবা আরো ফরীশীরাং সাকসা মিচিকখো যীশুচা রিমবাজক। উয়া মিচিকখো থি·ল্লেকানি গিম্মিন রি·ম্মামিং। শাস্ত্র স্খিগিবারাং আরো ফরীশীরাং উয়া মিচিকখো জাংচিও চাদেংএতে যীশুনা আগানজক, “স্খিগিবা, ইয়া মিচিকখো থি·ল্লেকানা রিম·জক।

ওয়াত্তেতারাংনা 5:21

বিসং উয়া খাৎথা গিত্তা ফ্রিংওয়ালনি থরম নক্কো নাপ্পে মান্দিরাংনা স্খিনা হা·বাচেংজক। খামাল দাল·বাৎগিবা আরো বিমুং দংফাগিবা সদ্দূকীরাং দাল·বাৎগিবা খ্রিমাও আসংনা ইস্রায়েলনি গিম্মিক মি·আফারাংখো রিক্কামজক। জা·মানো বিসং ওয়াত্তেতারাংখো রিমবাখানা মিত্তাম সিপাইরাংখো ওয়াত্তেতজক,