যোহননা 3:2 - Garo New Testament

² সালসা ওয়াল্লো বিয়া যীশুচা রি·বাএ আগানজক, “স্খিগিবা, চিংআ হা·আইয়া না·আ সাকসা স্খিগিবা গিত্তা ইসলোনি রি·বাজক, মুয়ানা নাং·মুং ইসল দংজাওদে দারাংবা নাং·নি দাকগিবা আইয়াও ইনমানগিবা কামখো দাকনা মান·জা।”

যোহননা 3:2 Iomraidhean Croise

মথিনি চকগিবা নাম্মা খাৎথা 22:16

বিসং হেরোদনি মিত্তাম মান্দিরাংমুং বিসংনি মিত্তাম জা·রিকগিবারাংখো যীশুচা ওয়াত্তেতজক। বিসং যীশুনা আগানজক, “স্খিগিবা, চিংআ হা·আইয়া না·আ সাকসা নামগিবা মান্দি। ইসলনি রামাখো না·আ বিবি দাক্কে স্খিয়ে হন·রংআ। মান্দিরাং মুয়াখো চানচিনুয়া বা চানচিজানুয়া উনা না·আ খেনজা, মুয়ানা না·আ দারাংনি মিকখাংখো নিএ মামুংখো দাকজা।

মথিনি চকগিবা নাম্মা খাৎথা 23:7

বাজালরাংও বিসং সালাম খা·আখো আরো স্খিগিবা ইন্নে মান্দিরাংনি রিক্কামাখো মা·ন্না হা·ম্মা।

মথিনি চকগিবা নাম্মা খাৎথা 23:8

“সাবা না·সংখো স্খিগিবা ইন্নে রিক্কামখানা ইখো দা·আ হা·ম্মাবো, মুয়ানা না·সংনি স্খিগিবা সাকসাসান দংআ, আরো না·সং দিমদাকান জংআদা হং·আ।

মার্ক 12:14

বিসং যীশুচা রি·বাএ আগানজক, ‘‘স্খিগিবা, চিংআ হা·আইয়া না·আ সাকসা বিবিগিবা মান্দি হং·আ, নাং·ও মামুং দাকমিকানি দংজা। মান্দিরাং মুয়াখো চানচিনুয়া বা চানচিজানুয়া উনা না·আ খেনজা, মুয়ানা না·আ দারাংনি মিকখাংখো নিএ মামুং দাকজাংআ। ইন্দিবা না·আ বিবি দাক্কে ইসলনি রামাখো স্খিয়ে হ·ন্না। দা·আও না·আ আগানবো, মোশিনি নিয়াম গিত্তা রোমনি রাজানা খাজিনাখো হ·ন্না খ্রাআমা?

যোহননা 1:38

যীশু হান·ফিলে বিসংনি জা·রিকবাখো নিক্কে আগানজক, “না·সং মুয়াখো সান্দিংআ?” যোহননি জা·রিকগিবারাং সিং·জক, “রব্বি (ফি·ওদে স্খিগিবা), না·আ বানো দংআ?”

যোহননা 10:38

ইন্দিবা দাক্কোদে আংখো বিবিরা·জাওবা আংনি কামরাংখোদে বিবিরা·আবো। উনি গিম্মিন না·সং ইখো হা·আইনা মা·ন্নুয়া, ফাগিবা আংও দংআ আরো আংআ ফাগিবাও দংআ।”

যোহননা 12:37

বিয়া বিসংনি মিকখাংও চিন গিত্তা আইয়াও ইনমানগিবা কামখো বাং·এ দাক্কোবা মান্দিরাং বিখো বিবিরা·জাজক।

যোহননা 14:10

আংআ আপফাও দংআ আরো আপফা আংও দংআ ইন্নে না·আ বিবিরা·জামা? আংনি আগানগিবা খাৎথারাংখো আংআ আন·থাংওনি আগানজা, ইন্দিবা আপফা, জে আংও দংআ, বিয়ান বিনি কামখো দাক্কিংআ।

যোহননা 15:24

জে কামরাংখো দারাংবা দাকখুজা উয়া কামরাংখো বিসংনি গিসেপো আংআ দাকজাওদে বিসংনি দোস হং·জানুয়ামিং। ইন্দিবা দা·আও বিসং আংখো আরো আপফাখো নিকজক আরো মিৎচিবা মিৎচিজক।

যোহননা 2:11

যীশু গালীল হা·দকনি কান্না সংও স্খাংগিবা চিন গিত্তা ইয়া আইয়াও ইনমানগিবা কামখো দাক্কে আন·থাংনি রাসংখো ফারাকজক। উনি গিম্মিন বিনি জা·রিকগিবারাং বিখো বিবিরা·জক।

যোহননা 20:16

যীশু বিখো ইনজক, “মরিয়ম।” উনি গিম্মিন মরিয়ম চাদেংফিলে অরাম খু·সুকচা যীশুখো ইনজক, “রব্বুনি।” ইখো ফি·ওদে ইনি অর্থ হং·আ স্খিগিবা।

যোহননা 3:26

জা·মানো বিসং যোহনচানা রি·বাএ আগানজক, “স্খিগিবা, যর্দননি নালসাচা নাং·মুং দংগিবা আরো জেনি গিম্মিন না·আ সাক্ষি হ·ন্নামিং, নিবো, বিয়া রিপ্পলেতিংজক আরো গিম্মিকান বিচা রি·য়াংইংজক।”

যোহননা 4:31

ইন্দাকমিত্তিংও বিনি জা·রিকগিবারাং বিখো মল·মলে আগানজক, “স্খিগিবা, চা·বো।”

যোহননা 5:36

ইন্দিবা যোহননি সাক্ষিনা বাত্তে দাল·বাৎগিবা সাক্ষি আংচা দংআ, মুয়ানা ফাগিবা আংনা জে কামরাংখো দাকনা হ·ন্না উরাংখোন আংআ দাক্কিংআ। আরো ফাগিবান আংখো ওয়াত্তেতজক ইন্নে উরাং আংনি গিম্মিন সাক্ষি হ·ন্না।

যোহননা 6:2

বাং·বিয়া মান্দি যীশুখো জা·রিকনা হা·বাচেংজক, মুয়ানা সাগিবারাংনি সাক্কাও বিনি দাক্কা আইয়াও ইনমানগিবা কামরাংখো বিসং নিক্কামিং।

যোহননা 7:31

ইন্দাকোবা মান্দিরাংনি গিসেপো বাং·এন যীশুখো বিবিরা·এ আগানজক, “বিয়া বাং·এন আইয়াও ইনমানানি কামখো দাকজক। খ্রীষ্ট রি·বাএ বিনা বাত্তেবা আইয়াও ইনমানগিবা কামখো দাকনুয়ামা?”

যোহননা 9:16

ইনি গিম্মিন ফরীশীরাংওনি মিত্তামরাং আগানজক, “উয়া মান্দি ইসলোনি রি·বাজা, মুয়ানা বিয়া নেং·থাকানি সালখো মানিজা।” সাকগিপ্পিন ফরীশীরাং আগানজক, “পাপী মান্দি হং·ওদে বাদিকে দাক্কে ইন্দাকা বিল্লাকগিবা কামখো দাকনা মা·ন্না?” ইন্দাকেন বিসংনি গিসেপো দিংথাংগ্রিক্কানি হং·জক।

ওয়াত্তেতারাংনা 10:38

না·সং ইখোবা হা·আইয়া, ইসল নাসরতনি যীশুখো গিসিক রংথালগিবাচা আরো বিলচা সংআমিং। ইসল বিমুং দংআনি গিম্মিন বিয়া নাম্মা কামখো দাকনুয়ামিং আরো শয়তাননি জাক্কো দুক মান·গিবারাংখো গিম্মিকখোন নাম্মেতনুয়ামিং।

ওয়াত্তেতারাংনা 2:22

“ইস্রায়েল মান্দিরাং, ইয়া খাৎথাখো খিন্নাবো। নাসরতনি যীশুও ইসল না·সংনি গিসেপো আইয়াও ইনমানগিবা কামরাংখো দাক্কে না·সংচা ইখোন ফিন্নিকামিং, বিয়া যীশুখো ওয়াত্তেতামিং; আরো ইয়া খাৎথাখোদে না·সং হা·আইয়ান।

ফিলিপীয়রাংনা 1:14

ইনা আগ্রে আংনি ইন্দাকে বন্দি হং·এ দংআনি গিম্মিন বাং·আ জংআদারাং গিত্তেলনি সাক্কাও আরোসা বাং·এ ফাংচাকনা স্খিজক আরো উনি গিম্মিনান বিসং খেনচাকগিজা ইসলনি খাৎথাখো আগানফ্রাকনা আরোসা ফাস্রাংজক।