যোহননা 21:3 - Garo New Testament

³ শিমোন-পিতর বিসংনা আগানজক, “আংআ না·থক রিম·না রি·য়াংআ।” বিসং আগানজক, “চিংআবা নাং·মুং রি·য়াংনুয়া।” উনোন বিসং হং·খাতে রিংও গাদোজক, ইন্দিবা উনি ওয়াল্লোদে মামুংখোবা রিম·না মান·জাজক।

যোহননা 21:3 Iomraidhean Croise

লূকনি চকগিবা নাম্মা খাৎথা 5:5

শিমোন আগানজক, “গিত্তেল, ওয়ালগিম্মিক গাম্মেবা মামুংখোন রিম·না মান·জাজক; ইন্দিবা নাং·নি আগানানা আংআ জালখো গোনুয়া।”

যোহননা 21:4

ওয়াল সেং·বামিত্তিংও যীশু সাগালনি রিক্কামো রি·বাএ চাদেংজক। ইন্দিবা বিয়ান যীশু, ইখো জা·রিকগিবারাং হা·আইনা মান·জাজক।

ওয়াত্তেতারাংনা 18:3

বিসং গিত্তা বিয়াবা তাম্বু থারিয়ানি কামখো দাকনুয়ামিং ইন্নে বিসংমুং দংফাএ কাম দাকনা হা·বাচেংজক।

ওয়াত্তেতারাংনা 20:34

না·সং আন·থাংথাংআন হা·আইয়া, আংনি ইয়া জাক সামগ্মি আংনি আরো আংনি রিপ্পেংরাংনি গিম্মিক নাংআরাংখো হন·জক।

1ম করিন্থীয়রাংনা 3:7

উনি গিম্মিন বিৎচ্রিখো জে গি·আ বা চিখো জে রুআ বিয়াদে মামুংবা হং·জা; ইন্দিবা ইসল, জেআন দা·ল্লেতা, বিয়ান চু·গিম্মিক হং·আ।

1ম করিন্থীয়রাংনা 9:6

বার্ণবা আরো আংখোসান কাম দাক্কে চা·না নাংনুয়ামা?

1 থিষলনীকী 2:9

জংআদারাং, চিংনি গাম্মাখো আরো নেং·আনি খাৎথাখো না·সংনি গিসিক দংবিবিআনখোন। না·সংচা ইসলনি নাম্মা খাৎথাখো আগানফ্রাকও চিংআ ওয়ালসাল গামজক, জেদাক্কে চিংআ না·সং দারাংনি সাক্কাও বোজা হং·না নাংজা।