যোহননা 11:4 - Garo New Testament

⁴ ইখো খিন্নাএ যীশু আগানজক, “বিনি ইয়া সাআ সিনা হা·সেল হং·জা ইন্দাকোবা ইসলনি রাসংখো ফারাকনাসা হং·আ, জেদাক্কোদে উচা ইসলনি দেফান্থিনি রাসংখো ফারাকনা মা·ন্না।”

যোহননা 11:4 Iomraidhean Croise

যোহননা 10:38

ইন্দিবা দাক্কোদে আংখো বিবিরা·জাওবা আংনি কামরাংখোদে বিবিরা·আবো। উনি গিম্মিন না·সং ইখো হা·আইনা মা·ন্নুয়া, ফাগিবা আংও দংআ আরো আংআ ফাগিবাও দংআ।”

যোহননা 11:40

যীশু মার্থানা আগানজক, “আংআ নাং·না আগানজামা, না·আ বিবিরা·ওদে ইসলনি রাসংখো নিকনা মা·ন্নুয়া?”

যোহননা 12:28

আপফা, নাং·নি রাসংখো ফারাকবো।” সালগিওনি উনোন ইয়া খাৎথাখো খিন্নানা মান·জক, “আংআ আংনি রাসংখো ফারাকজক আরো ফি·ল্লে উখো ফারাকনুয়া।”

যোহননা 17:1

ইয়া খাৎথারাংখো আগানানি জা·মানো যীশু সালগিচাখো নিগোদোএ আগানজক, “আপফা, সাল সকজক। নাং·নি দেফান্থিখো রাসং চাএতবো জেদাক্কে দেফান্থিবা নাং·খো রাসং চাএতনা মা·ন্না।

যোহননা 17:10

আংও দংগিবা গিম্মিকান নাং·নি আরো নাং·ও দংগিবা গিম্মিকান আংনি হং·আ। বিসংনি গিসেপো আংনি রাসং ফারাকজক।

যোহননা 17:5

আপফা, হা·গিলসাক হং·বানা স্খাং নাং·মুং আংআ জে রাসংও দংআমিং উয়া রাসংখো না·আ দা·আবা আংনা হন·বো।

যোহননা 2:11

যীশু গালীল হা·দকনি কান্না সংও স্খাংগিবা চিন গিত্তা ইয়া আইয়াও ইনমানগিবা কামখো দাক্কে আন·থাংনি রাসংখো ফারাকজক। উনি গিম্মিন বিনি জা·রিকগিবারাং বিখো বিবিরা·জক।

যোহননা 5:23

ফাগিবাখো জেদাক্কে দিমদাকান মান্দিরা·আ উয়ানদাক্কে দেফান্থিখোবা মান্দিরা·আ। দেফান্থিখো জে মান্দিরা·জা, বিখো ওয়াত্তেতগিবা উয়া ফাগিবাখোবা বিয়া মান্দিরা·জা।

যোহননা 8:54

যীশু আগানচাকজক, “আংআ আন·থাংআন আন·থাংখো রাসং দাক্কোদে ইন্দিদে উনি মামুং দাম দংজা। আংনি ফাগিবা, জেখো না·সং না·সংনি ইসল ইন্নে আগানা বিয়ান আংখো মান্দিরা·আ।

যোহননা 9:24

জে মান্দি মিকগ্রিমিং দাল·গিবারাং বিখো চাংগ্নিগিবাও রিক্কামে আগানজক, “না·আ বিবিখো আগানে ইসলখো রাসং দাকবো। চিংআদে হা·আইয়া উয়া মান্দি পাপী হং·আ।”

যোহননা 9:3

যীশু আগানচাকজক, “বিয়া আন·থাংবা পাপ দাকখুজা, বিনি মা·আ ফাআবা দাকখুজা। ইসলনি কাম বিও ফারাকখানা গিত্তাসা ইন্দাকে হং·আ।

রোমানরাংনা 11:11

ইন্দাকোদে যিহূদীরাং জা·গিদত্তে ফাংনাজলনা গা·আকজকমা? গা·আকজাস্রাং, বাত্তেসা বিসংনি পাপনি হা·সেলান গিপ্পিন জাতরাং জক্কেতাখো মা·ন্নানি চলখো মান·জক জেদাক্কে যিহূদীরাং উখো মা·ন্না হা·সিকে মিকরাকা।

ফিলিপীয়রাংনা 1:20

আংনি বিবিরা·আ খেম·খেম দংআ, আংআ মামুংনান খ্রাচা·জানুয়া বাত্তেসা আংআ বাং·এ ফা·আনুয়া, স্খাংও আংনি গিসেপো খ্রীষ্টনি রাসং জেদাক্কে ফারাকামিং উয়ানদাক্কে দা·আওবা ফারাকনুয়া-আংআ থাংএবা দং বা সিয়েবা দং;

পিতর 1:21

ইসল বিখো সিয়াওনি থাংচাএতি রাসংখো রন·জক আরো বিওন না·সং ইসলখো বিবিরা·জক; আরো উনি গিম্মিনান না·সংনি বিবিরা·আ আরো খা·দংআ ইসলনি সাক্কাওন দংআ।

পিতর 4:11

সাবা আগানফ্রাকোদে ইন্দাকে আগানফ্রাকখানা জেদাক্কে বিয়া ইসলনি আন·থাংনি খু·সুকখো আগানিংআ। সাবা দাকচাকে হ·ন্নোদে ইসলনি হন·গিবা বিলচা বিয়া দাকচাকে হন·খানা, জেদাক্কে যীশু খ্রীষ্টও গিম্মিক গিত্তা ইসলান রাসংখো মা·ন্না। রাসং আরো বিল ফাংনাজলনা বিনিন হং·আ। আমেন।

পিতর 4:14

খ্রীষ্টনি গিম্মিন না·সং চন্নিকাখো মা·ন্নোদে না·সং ফাত্তিয়াখো মান·গিবা হং·আ, মুয়ানা ইসলনি রাসং গাপগিবা গিসিক না·সংনি সাক্কাও দংআ।