যোহননা 1:10 - Garo New Testament

¹⁰ বিয়া হা·গিলসাকোন দংআমিং আরো হা·গিলসাক বিচান হং·আমিং, ইন্দিবা হা·গিলসাকনি মান্দিরাং বিখো হা·আইজাজক।

যোহননা 1:10 Iomraidhean Croise

মথিনি চকগিবা নাম্মা খাৎথা 11:27

‘‘দিমদাকখোন আংনি আপফা আংনি জাক্কো হন·জক। ফাগিবানা আগ্রে দেফান্থিখো দারাংবা হা·আইজা আরো দেফান্থিনা আগ্রে ফাগিবাখো সাকসাবা হা·আইজা, আরো দেফান্থি জেচা ফাগিবাখো ফারাকেতনা হা·ম্মা উয়ান বিখো হা·আইনা মা·ন্না।

যোহননা 1:11

বিয়া সংথাংও রি·বাজক, ইন্দিবা বিনি আন·থাংনি মান্দিরাংআন বিখো রা·চাকজাজক।

যোহননা 1:18

দারাংবা ইসলখো মামুং সালোবা নিকখুজা। বিমুং দংফাগিবা উয়া সাকসা খাম·খাম দেফান্থি, জে আন·থাংআন ইসল হং·আ, বিয়ান বিখো ফারাকজক।

যোহননা 1:3

উয়া খাৎথাচা গিম্মিকখো দাক্কা হং·আমিং, আরো দাকগিবারাংনি গিসেপো মিংসাবা বিনি আগ্রে হং·জা।

যোহননা 1:5

উয়া সেং·আ আন্দালাও থেং·সুয়া ইন্দিবা আন্দালা সেং·আখো হামজাজক।

যোহননা 17:25

খাকখেৎস্রাংগিবা আপফা, হা·গিলসাকনি মান্দিরাং নাং·খো হা·আইজা ইন্দিবা আংআ নাং·খো হা·আইয়া। আরো না·আন আংখো ওয়াত্তেতজক ইন্নে ইরাং হা·আইনা মান·জক।

যোহননা 5:17

উনোন বিয়া উয়া দাল·গিবারাংনা আগানজক, “আংনি ফা ফাংনান কাম দাক্কিংআ আরো আংআবা দাক্কিংআ।”

ওয়াত্তেতারাংনা 14:17

ইন্দিবা বিয়া ফাংনান আন·থাংনি গিম্মিন সাক্ষি হন·জক। বিয়া সিলগাওনি মিকখা ওয়াএতে আরো নাংআ গিত্তা মিবিথিরাংখো হ·ন্নে বিনি খা·সাচাক্কাখো না·সংনা ফিন্নিকজক। বিয়া চা·আনিরাংখো বাং·এ হ·ন্নে না·সংনি গিসিকখো হান·সেংএতজক।”

1ম করিন্থীয়রাংনা 1:21

ইসল বিনি আন·থাংনি হা·আইয়াও থিক দাকজক ইন্নেন হা·গিলসাক বিনি আন·থাংনি হা·আইয়াচা ইসলখো হা·আইনা মান·জা। ইনি গিম্মিন নাম্মা খাৎথানি গক্কাচা পাপওনি বিবিরা·গিবারাংখো জক্কেতাখো ইসল নাম্মা ইন্নে চানচিজক।

1ম করিন্থীয়রাংনা 2:8

ইয়া চাসংনি দাল·গিবারাংও সাকসাবা উখো হা·আইজাজক; হা·আইওদে উয়া রাসং গাপগিবা গিত্তেলখো চিসলো দাৎখাপজানুয়ামিং।

1ম করিন্থীয়রাংনা 8:6

ইন্দাকোবা আনচিংনাদে ইসল সাকসাসান দংআ। বিয়ান ফাগিবা; বিচানিন গিম্মিক রি·বাআ আরো বিনি গিম্মিনান আনচিং থাংএ দংআ। আরো গিত্তেলবা আনচিংনি সাকসাসান দংআ, বিয়ান যীশু খ্রীষ্ট। বিচান গিম্মিক রি·বাআ আরো বিচান আনচিং থাংএ দংআ।

কলসীয়রাংনা 1:16

মুয়ানা সিলগাও আরো হা·গিলসাকো, জেখো নিক্কা আরো জেখো নিকজা, গিম্মিক বিনি জাকচা থারিয়া হং·জক। সালগিসাকো জেরাংনি জাক্কো সংনকখো মান·রিকা, গিত্তেল দাক্কা, শাসন আরো বিল দংআ বিসং গিম্মিকখো বিনি জাকচা বিনি গিম্মিনান থারিয়া হং·জক।

ইব্রীয়রাংনা 11:3

বিবিরা·আচান আনচিং হা·আইনা মা·ন্না, ইসলনি খু·সুকচা ইয়া হা·গিলসাক হং·আমিং। উনি গিম্মিনো হা·আইনা মা·ন্না, জেখো আনচিং নিকনা মা·ন্না উয়া মামুং নিকগিবা জিনিসওনি হং·জা।

1 যোহন 3:1

নিবো, আপফা ইসল আনচিংনা বাসিক খা·সাআ! বিয়া আনচিংখো বিনি দেদ্রাং ইন্নে রিক্কামা, আরো চং·মতদে আনচিং উয়ান। ইনি গিম্মিন হা·গিলসাক আনচিংখো হা·আইজা, মুয়ানা হা·গিলসাক ইসলখোবা হা·আইজাজক।