যাকোব 4:4 - Garo New Testament

⁴ বিবিরা·গিজাগিবা মান্দিরাং! হা·গিলসাকনি রিপ্পেং হং·আদে ইসলনি বোবিল হং·আ, ইখো না·সং হা·আইজামা? উনি গিম্মিন জে মান্দি হা·গিলসাকনি রিপ্পেং হং·না হা·সিকা বিয়াদে আন·থাংখো ইসলনি বোবিল দাক্কে থারিয়ে রা·আ।

যাকোব 4:4 Iomraidhean Croise

মথিনি চকগিবা নাম্মা খাৎথা 12:39

যীশু বিসংনা আগানজক, ‘‘ইয়া চাসংনি নামগিজাগিবা আরো বিবিরা·গিজাগিবা মান্দিরাং চিনখো হা·ম্মা, ইন্দিবা যোনা আগানসোগিবানি চিননা আগ্রে বিসংনা মামুং চিনখোন ফিন্নিকজানুয়া।

মথিনি চকগিবা নাম্মা খাৎথা 16:4

ইয়া চাসংনি নামগিজা আরো থি·ল্লেকগিবা মান্দিরাং চিনখো সান্দিয়া, ইন্দিবা যোনানি চিননি আগ্রে বিসংনা মামুং চিনখোন ফিন্নিকজানুয়া।’’ উনি জা·মানো যীশু বিসংখো ওয়াত্তে রি·য়াংজক।

মথিনি চকগিবা নাম্মা খাৎথা 6:24

‘‘দারাংবা নকগিবা সাকগ্মিনি নকখল হং·না মান·জা, মুয়ানা বিয়া সাকসাখো মিৎচিনুয়া আরো সাকগিপ্পিনখো খা·সানুয়া। বিয়া সাকসাখো নামনিকনুয়া আরো সাকগিপ্পিনখো চন্নিকনুয়া। না·সং ইসলনি আরো গামজিননি নকখল হং·না মান·জা।

লূকনি চকগিবা নাম্মা খাৎথা 19:27

আংনি বোবিলরাং জেরাং আংনি রাজা হং·আখো হাম·জা, বিসংখো ইনোনা রিমবাবো আরো আংনি মিকখাংও স·ওতে গালবো।’ ”

যোহননা 15:19

না·সং ইয়া হা·গিলসাকনি হং·ওদে মান্দিরাং বিসংনি আন·থাংনি মান্দি ইন্নে না·সংনা খা·সানুয়ামিং। ইন্দিবা না·সং ইয়া হা·গিলসাকনি হং·জা, বাত্তেসা আংআ হা·গিলসাকনিখো না·সংখো বাচ্ছিয়ে রা·জক ইন্নে হা·গিলসাকনি মান্দিরাং না·সংনা মিৎচিয়া।

যোহননা 17:14

নাং·নি আগানগিবাখোন আংআ বিসংনা আগানজক। হা·গিলসাকনি মান্দিরাং বিসংনা মিৎচিজক, মুয়ানা আংআ জেদাক্কে হা·গিলসাকনি হং·জা উয়ানদাক্কে বিসংবা ইয়া হা·গিলসাকনি হং·জা।

যোহননা 7:7

হা·গিলসাকনি মান্দিরাং না·সংখো মিৎচিনা মান·জা ইন্দিবা আংখোন মিৎচিয়া, মুয়ানা বিসংনি গিম্মিক কামআন নামজা ইন্নে আংআ বিসংনি গিম্মিন সাক্ষি হ·ন্না।

রোমানরাংনা 5:10

আনচিং ইসলনি বোবিল দংমিত্তিংও বিনি দেফান্থিনি সিয়াওন বিমুং আনচিং নাংরিমজক। ইন্দাকে নাংরিমজক ইন্নে খ্রীষ্টনি সিচাকানা আনচিং পাপওনি জক্কাখো মান·বিবিনুয়া।

রোমানরাংনা 8:7

জে গিসিক পাপ-বেওয়ালনি হা·ম্মা গিত্তা দাকনা হা·সিকা, উয়া গিসিকদে ইসলনা চাকজা, মুয়ানা উয়াদে ইসলনি নিয়ামখো মানিনা হাম·জা মানিনাবা মান·জা।

1ম করিন্থীয়রাংনা 1:20

ইন্দিবা হা·আইগিবা মান্দি বাও? স্খিয়াখো মান·গিবা মান্দিবা বাও? আরো জিগ্রিকানি বিল দংআ ইয়া চাসংনি ইন্দাকগিবা মান্দিবা বাও? ইয়া হা·গিলসাকনি হা·আইয়া জাদানিসান হং·আ ইসল উখো ফিন্নিকখুজামা?

1ম করিন্থীয়রাংনা 1:21

ইসল বিনি আন·থাংনি হা·আইয়াও থিক দাকজক ইন্নেন হা·গিলসাক বিনি আন·থাংনি হা·আইয়াচা ইসলখো হা·আইনা মান·জা। ইনি গিম্মিন নাম্মা খাৎথানি গক্কাচা পাপওনি বিবিরা·গিবারাংখো জক্কেতাখো ইসল নাম্মা ইন্নে চানচিজক।

গালাতীয়রাংনা 1:10

ইনি গিম্মিন আংআ সাচাখো মিৎথেলা মা·ন্না হা·ম্মা, মান্দিচাখো বা ইসলচাখো? বা মান্দিখো খুসি দাকনা হা·ম্মামা? দা·আওবা আংআ মান্দিখো খুসি দাকনা হা·ম্মোদে আংআ খ্রীষ্টনি নকখল হং·জা।

যাকোব 1:27

রান্দি আরো ফাগ্রি-মা·গ্রিরাংখো দুকনি সালো নিরকখিয়া আরো হা·গিলসাকনি নামগিজারাংনিখো আন·থাংখো গ্রো নাংএতগিজা নাম্মে দাক্কে রাক্ষিয়ান আপফা ইসলনি মিক্রোনও খাকখেৎ হং·গিবা আরো বিবিগিবা থরম হং·আ।