যাকোব 4:1 - Garo New Testament

¹ না·সংনি গিসেপো নিরিয়া গিসিয়া আরো দাকগ্রিক্কারাং বাচ্চানি রি·বাআ? না·সংনি বে·এনো দাকগ্রিকে দংগিবা হা·সিকারাংওনি উরাং রি·বাজামা?

যাকোব 4:1 Iomraidhean Croise

মথিনি চকগিবা নাম্মা খাৎথা 15:19

খা·থংওনিন নামগিজা চানচিয়ারাং, মান্দি স·ওতারাং, থি·ল্লেকারাং, চা·উয়ারাং, বু·এ সাক্ষি হ·ন্নারাং আরো খাল·স্থাপারাং হং·খাতা।

যোহননা 8:44

শয়তানআন না·সংনি ফাগিবা হং·আ আরো না·সং বিনিআন দেদ্রাং হং·আ; উনি গিম্মিন না·সং বিনি হা·সিকাখো চু·সকেতনা হা·ম্মা। শয়তান হা·বাচেংওনিন মান্দি স·ওতগিবা হং·আ। বিয়া মামুং সালোবা বিবিও দংখামজামিং, মুয়ানা বিও বিবি দংজা। বিয়া বু·এ আগানজোকনো আন·থাংওনিন আগানা, মুয়ানা বিয়া বু·এ চা·গিবা আরো গিম্মিক বু·আ বিওনিন আৎচিয়া।

রোমানরাংনা 7:23

ইন্দাকোবা আংআ নিকনা মা·ন্না, মিংসা দিংথাং দাকগিবা নিয়াম আংনি বে·এনো কাম দাক্কিংআ। নামগিবাখো নাম্মা ইন্নেন আংনি গিসিক রা·চাকা, ইন্দিবা দিংথাং দাকগিবা ইয়া নিয়াম আংনি গিসিকনি সাক্কাও দাকগ্রিকিংআ আরো আংখো বন্দি দাক্কে দন্নিংআ। আংও দংগিবা পাপ ইয়া নিয়ামনিন হং·আ।

রোমানরাংনা 7:5

জেনসালো আনচিং পাপ-বেওয়ালনি নিং·আও দংআমিং উনসালো নিয়াম আনচিংনি গিসেপো পাপ দাকনা হা·সিকেতনুয়ামিং আরো উয়া হা·সিকারাং আনচিংনি বে·এনো কাম দাকনুয়ামিং; উনি গিম্মিন আনচিংনি জাংগি সিনা বিথি নাংনুয়ামিং।

রোমানরাংনা 8:7

জে গিসিক পাপ-বেওয়ালনি হা·ম্মা গিত্তা দাকনা হা·সিকা, উয়া গিসিকদে ইসলনা চাকজা, মুয়ানা উয়াদে ইসলনি নিয়ামখো মানিনা হাম·জা মানিনাবা মান·জা।

গালাতীয়রাংনা 5:17

পাপ-বেওয়ালনি হাম·গিবা গিসিক রংথালগিবানি সাক্কাও আরো গিসিক রংথালগিবানি হাম·গিবা পাপ-বেওয়ালনি সাক্কাও হং·আ। পাপ-বেওয়াল আরো গিসিক রংথালগিবা সাকসা সাকগিপ্পিননি সাক্কাও ইন্নে না·সংনি দাকনা হা·ম্মাখো দা·আ দাক্কাবো।

কলসীয়রাংনা 3:5

উনি গিম্মিন না·সংনি পাপ-বেওয়ালও দংগিবারাংখো ব·ন্নেতবো। উয়ো থি·ল্লেকারাং, মারাং নাংআরাং, নামগিজা হা·সিকারাং আরো মাদ্দুয়ারাং দংআ জেখো মিত্তে বিমাংখো অলাখিয়া ইন্নেবা আগান্না মা·ন্না।

2 তীমথিয় 2:23

হং·গিজা-নাংগিজা, গক্কা জিগ্রিকাও দা·আ দংফাবো, মুয়ানা না·আদে হা·আইয়া উরাং নিরিয়া-গিসিয়াখো থারিয়া।

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

তীতনা 3:9

জাদা গিত্তা জিগ্রিকা, মা·চং চান্না, নিরিয়া-গিসিয়া আরো নিয়ামরাংখো রা·এ জিগ্রিকাওনি না·আ চে·ল্লাচা দংবো, মুয়ানা ইরাংখো দাক্কে মামুং হং·জানুয়া; ইরাং গিম্মিকান বু·আরি-সু·আরি হং·আ।

যাকোব 1:14

মান্দিনি গিসিকনি হা·সিকান মান্দিখো পাপচানা সাল্লাংআ আরো জা·গাওনা গাল্লা।

যাকোব 4:3

না·সং হা·ম্মেবা মান·জাংজক, মুয়ানা না·সং না·সংনি হা·সিকারাং গিত্তা দাকনা ইন্নে নামগিজারাংখো মিকসংএ হা·ম্মে দংআ।

পিতর 1:14

ইসলনি নিং·আও বাম্মে দংগিবা বি·সা গিত্তা না·সং না·সংনি স্খাংনি নামগিজা হা·সিকা গিত্তা জাংগিখো দা·আ মিৎথাংআবো; উনোদে না·সং ইসলখো হা·আইজামিং।

পিতর 2:11

খা·সাগিবা রিপ্পেংরাং, ইয়া হা·গিলসাকো না·সং হা·সং গিপ্পিননি মান্দি হং·আ আরো হা·সং গিপ্পিনো বাং·গিজা সালনা সংদংগিবা ইন্নে আংআ না·সংখো মংসংবাত্তে মল·মলিংআ, না·সং পাপ-বেওয়ালনি হা·সিকারাংওনি চে·ল্লে দংবো,

২ পিতর 2:18

বিসং সেল·গিজা আরো দাল·বিয়া খু·সুকখো আগানা আরো মান্দিনি পাপ-বেওয়ালনি নামগিজা হা·সিকাখো মিকরাকেতি বিসং ইন্দাকা মান্দিরাংখো ব্রাংআ রামাচা রা·আংআ জেরাং খ্রাগিজাও দংখামগিবা মান্দিরাংওনি হং·খাতে রি·বানি রামাও দংআমিং।

২ পিতর 3:3

স্খাং ইয়া খাৎথাখো গিসিক রা·বো, নাম্মা বিদিংখো রা·এ জেরাং খা·দিংস্থেকনা নামনিকা বিসং বন·খামওনা রি·বাএ খা·দিংস্থেকনুয়ান। বিসং আন·থাংনি হা·সিকা গিত্তান রি·নুয়া,