যাকোব 2:5 - Garo New Testament

⁵ খিন্নাবো, আংনি খা·সাগিবা জংআদারাং। ইয়া হা·গিলসাকনি মিক্রোনও দিল্লা-চন্না মান্দিরাংখো ইসল বিবিরা·আও মা·ন্নে চা·গিবা হং·না বাচ্ছিয়ে রা·জামা? জেরাং ইসলনা খা·বাকা উরাংখো বিয়া জে সংনকখো র·ন্নুয়া ইন্নে খু·রাচাক্কামিং, উয়া সংনকখো মান·রিকনাবা ইসল বিসংখোন বাচ্ছিয়ে রা·জামা?

যাকোব 2:5 Iomraidhean Croise

মথিনি চকগিবা নাম্মা খাৎথা 11:5

বিনা আগানেবো, মিকগ্রিরাং নিকনা মা·ন্নিংজক, খোরারাং রামা রি·ইংজক, খনচিরিত্তামরাং রংথালিংজক, নাগকরাং খিন্নাংজক, সিগিবারাং থাংচাফিল্লিংজক আরো দিল্লা-চন্না মান্দিরাংচা নাম্মা খাৎথাখো আগানফ্রাক্কিংজক।

মথিনি চকগিবা নাম্মা খাৎথা 25:34

“উনি জা·মানো রাজা আন·থাংনি জাক্রাচা দংগিবা মান্দিরাংনা আগান্নুয়া, ‘না·সং জেরাং আংনি ফানি ফাত্তিয়াখো মান·জক, রি·বাবো। হা·গিলসাক হা·বাচেংওনি না·সংনা দাকসোগিবা সংনকখো মান·রিকবো।

মথিনি চকগিবা নাম্মা খাৎথা 5:3

‘‘গিসিকো আন·থাংথাংখো দিল্লা-চন্না ইন্নে চানচিগিবারাং ফাত্তিয়াখো মান·গিবা হং·আ, মুয়ানা সালগিনি সংনক বিসংনিন।

মার্ক 7:14

উনি জা·মানো যীশু দা·আবা মান্দিরাংখো বিচা রিংগামে আগানজক, ‘‘না·সং গিম্মিকান আংনি খাৎথাখো খিন্নাবো আরো হা·আইবো।

লূকনি চকগিবা নাম্মা খাৎথা 12:21

বন·খামাচাবাক্কা যীশু আগানজক, “জে মান্দি আন·থাংনি গিম্মিন গামজিনরাংখো চিম্মংএনবা ইসলনি মিক্রোনও মা·ন্নে চা·গিবা হং·জা, বিনি অবস্থা উগিত্তান হং·আ।”

লূকনি চকগিবা নাম্মা খাৎথা 12:32

“ও আংনি বাং·গিজা মেষনি দল, দা·আ খেন্নাবো, মুয়ানা না·সংনি ফানি হা·সিকা ইয়ান, বিয়া আন·থাংনি সংনকখো না·সংনা হ·ন্নুয়া।

লূকনি চকগিবা নাম্মা খাৎথা 16:22

“সালসাও উয়া বি·আম্মে চা·গিবা সিজক। উনোন সা·গ্রেরাং রি·বাএ বিখো অব্রাহামচা রিম্মাংজক। জা·মানো সালসাও উয়া নকমা মান্দিবা সিজক আরো বিখো গপজক।

লূকনি চকগিবা নাম্মা খাৎথা 16:25

“ইন্দিবা অব্রাহাম আগানজক, ‘গিসিক রা·এ নিবো, নাং·নি থাংএ দংমিত্তিংও না·আ বাসিক মাহামাহা দাক্কে সালখো রি·য়াংএতজক আরো লাসার বাসিক দুক মান·জক। ইন্দিবা দা·আও ইনো বিয়া থম·থমাখো মা·ন্নিংজক আরো না·আ দুক মা·ন্নিংজক।

লূকনি চকগিবা নাম্মা খাৎথা 22:29

আংনি ফাগিবা জেদাক্কে আংনা শাসন দাকনা বিলখো হন·জক উগিত্তা আংআবা না·সংনা বিলখো হ·ন্নিংজক।

লূকনি চকগিবা নাম্মা খাৎথা 6:20

জা·মানো যীশু জা·রিকগিবারাংচা নিএ আগান্না হা·বাচেংজক, “দিলগিবারাং, না·সং ফাত্তিয়াখো মান·গিবা, মুয়ানা ইসলনি সংনক না·সংনিন।

যোহননা 7:48

দাল·গিবারাংনি আরো ফরীশীরাংনি গিসেপো সাকসাবা বিখো বিবিরা·জাজক।

ওয়াত্তেতারাংনা 7:2

স্তিফান আগানচাকজক, “ও আংনি জংআদারাং আরো ফাগিবারাং, আংনি খাৎথাখো খিন্নাবো। আনচিংনি ফাগিৎচাম অব্রাহাম হারণ সংজিলমাও দংনা স্খাং মেসোপতেমিয়া হা·সংও দংমিত্তিংও রাসংনি ইসল বিনা মিকখাং ফা·এ আগানামিং,

রোমানরাংনা 8:17

আনচিং দেদ্রাং হং·এ দংওদে ইসল বিনি দেদ্রাংনা জেখো হ·ন্না খু·রাচাকজক আনচিং উখো মা·ন্নুয়া। খ্রীষ্টন ইসলচাখো উখো মা·ন্নুয়া আরো আনচিংবা বিমুং উখো মা·ন্নুয়া, মুয়ানা আনচিং খ্রীষ্টমুং দুক চাক্কোদে বিমুং রাসংখোবা মা·ন্নুয়া।

1ম করিন্থীয়রাংনা 2:9

ইন্দিবা রংথালগিবা শাস্ত্রনি খাৎথা গিত্তাদে, “ইসলনা জেরাং খা·সাআ বিসংনা বিয়া জেরাংখো থারিয়ে দনসোজক, উরাংখো দারাংবা মিক্রোনওবা নিকখুজা, নাচিলোবা খিন্নাখুজা আরো গিসিকোবা চানচিখুজা।”

2য় করিন্থীয়রাংনা 4:15

গিম্মিকান না·সংনি নাম্মানান হং·জক, জেদাক্কে ইসলনি জে খা·সাচাক্কাখো বাং·আ মান্দিরাংনা হন·জক উয়া খা·সাচাক্কানা বাং·আরাংএন ইসলখো আরোবা বাং·এ মিৎথেলা আরো ইন্দাকে ইসলনি রাসং হং·আ।

2য় করিন্থীয়রাংনা 6:10

চিংআ দুক বাং·এ মা·ন্নিংজক, ইন্দাকোবা চিংনি খা·থং ফাংনান হান·সেংআও গাপ্পা। চিংআ আন·থাংদে দিল্লা, ইন্দাকোবা চিংআ বাং·আখোন নকমা চায়েতিংজক। চিংনি মামুংআন দংজা, ইন্দাকোবা চিংআ গিম্মিকখোন মান·রিকগিবা হং·আ। ইন্দাকেন চিংআ ফিন্নিকিংজক, চিংআ ইসলনা দাকচাকে হন·গিবা হং·আ।

2য় করিন্থীয়রাংনা 8:9

না·সংদে আনচিংনি গিত্তেল যীশু খ্রীষ্টনি খা·সাচাক্কে হ·ন্নানিখো হা·আইয়া, বিয়া আন·থাং নকমা হং·এবা না·সংনা দিলজক, জেদাক্কে বিনি দিল্লাচা না·সং নকমা চানা মা·ন্না।

ইফিষীয়রাংনা 1:18

আংআ আরোবা বি·না জেদাক্কে না·সংনি খা·থংনি মিক্রোন খুলিয়াংআ, জেদাক্কে বিনি রিক্কামানি গিম্মিন না·সংনি খা·থংও জেগিত্তা খা·দংআ উখো না·সং হা·আইনা মা·ন্না; আরো উমুং ইখোবা হা·আইবো, বিচা বিনি মান্দিরাং বাসিক দা·ল্লা গাম গিত্তা হং·আ আরো আনচিং জেরাং বিবিরা·গিবা হং·আ আনচিংনি খা·থংও বিনি বাসিক দা·ল্লা বিল কাম দাক্কিংআ। ইয়া উয়া আপসান বিলআন হং·আ,

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

2 থিষলনীকীয়রাংনা 1:5

ইরাং গিম্মিকান ইসলনি খাকখেৎ বিচালখো ফিন্নিকানি হং·আ। আরো ইনি মিকসংআ হং·জক, জেদাক্কে না·সংখো ইসলনি সংনকনা খ্রাগিবা দাক্কে চান্না। ইনি গিম্মিনান না·সং ইন্দাকফিল্লে দুক চাক্কিংজক।

1 তীমথিয় 6:18

মা·ন্নে চা·গিবারাংনা গি·য়েৎবো জেদাক্কে বিসং গিপ্পিননি নাম্মাখো দাক্কা, খাকখেৎ কামও দংআ, জাকস্রামে হ·ন্না আরো বিসংনি গামরাংনি বাকখো গিপ্পিনরাংনাবা হ·ন্না।

2 তীমথিয় 4:18

গিত্তেল আংখো গিম্মিক নামগিজা কামওনি রাক্ষিনুয়া আরো নাম্মেদাক্কে থম·থমে বিনি সালগিনি সংনকচা রিম্মাংনুয়া। চাসংওনি চাসংওনা ফাংনাজল বিনি রাসং হং·খানা। আমেন।

2 তীমথিয় 4:8

উনি গিম্মিন আংনা নাম্মা জাংগিনি বকসিসখো দনসোজক। বিচালনি সালো খাকখেৎ বিচাল দাকগিবা গিত্তেল আংনা উয়া বকসিস গিত্তা হাম্মানি মালাখো হ·ন্নুয়া। ইন্দাকোবা বিয়া আংনাসান হ·ন্নুয়া ইন্দাকেদে হং·জা, জেরাং বিনি রি·বাফিল্লানা গিসিক নাংএ নিচাকসোএ দংজক বিসং গিম্মিকনা হ·ন্নুয়া।

ইব্রীয়রাংনা 11:26

বিয়া মিসরনি গামজিননা বাত্তে খ্রীষ্টনা চন্নিকানি দাম বাং·আ ইন্নে চানচিজক, মুয়ানা বিনি মিক্রোন বকসিসচানা দংআমিং।

যাকোব 1:12

রুরানি সালো জে চাকচিকা বিয়ান ফাত্তিয়া মান·গিবা হং·আ, মুয়ানা আন·থাংখো দিমদাক রুরাও হামগিবা দাক্কে ফিন্নিকনা মা·ন্নোদে হাম্মানি মালা গিত্তা বিয়া জাংগিখো মা·ন্নুয়া। জেরাং ইসলনা খা·সাআ বিসংনা বিয়া ইয়া জাংগিখো র·ন্নুয়া ইন্নে খু·রাচাক্কা।

যাকোব 1:16

আংনি খা·সাগিবা জংআদারাং, দা·আ গুয়ালা।

যাকোব 1:19

আংনি খা·সাগিবা জংআদারাং, আংনি ইয়া খাৎথাখো গিসিক রা·বো-না·সং দিমদাকান খিন্নানা গং·রাকগিবা হং·বো, ইন্দিবা থেংরি থেংরি দাক্কে খাৎথা আগান্না বা খা·আওনাংনা দা·আ গং·রাকাবো;

যাকোব 1:9

দিলগিবা জংআদা জে ইসলো বিবিরা·আ বিখো ইসল চুবাত্তাও দন্না ইন্নে বিয়া আন·থাংখো রাসং দাকখানা।

পিতর 1:4

আগানস্খাওদে রি·বাগিবা চাসংও ইন্দাকগিবা গি·সা গামখো মা·ন্নানি খা·দংএতাখো আনচিং মান·জক জেআন মামুং সালোবা বন·জানুয়া, জেও নামগিজা মামুং দংজানুয়া আরো জেআন ফাংনাজলনা গিত্তাল দংনুয়া। ইয়া গাম না·সংনা সালগিও চিম্মংআ দংআ।

২ পিতর 1:11

ইনি গিম্মিন আনচিংনি গিত্তেল আরো জক্কেৎগিবা যীশু খ্রীষ্টনি সংনকও না·সংখো হা·সিকমানচাএ রা·চাকনুয়া।

ফারাকগিবা খাৎথা 2:9

নাং·নি দুক আরো দিল্লানি খাৎথাখো আংআ হা·আইয়া, ইন্দাকোবা না·আ নকমা হং·আ। আন·থাংথাংখো যিহূদী ইন্নে আগানোবা জেরাং যিহূদী হং·জা বাত্তেসা শয়তাননি দলনি মান্দি হং·আ, বিসং নাং·নি সাক্কাও জেখো আগানা উখো আংআ হা·আইয়া।

ফারাকগিবা খাৎথা 21:7

জেআন হামনুয়া বিয়া ইরাংখো মান·রিকগিবা হং·নুয়া। আংআ বিনি ইসল হং·নুয়া আরো বিয়া আংনি দেফান্থি হং·নুয়া।

ফারাকগিবা খাৎথা 3:18

উনি গিম্মিন আংআ নাং·না ইন্দাকে গি·য়েতিংজক- না·আ আংচানিখো ওয়া·আলো সো·এ খাকখেৎ দাকগিবা সোনাখো ব্রিএ রা·বো জেদাক্কে নকমা হং·না মা·ন্না। আংচানিখো গিব্বক বা·রাখো ব্রিএ গানবো জেদাক্কে নাং·নি খমলং হং·আনি খ্রাচা·আখো নিকনা নাংজা। আংচানিখো মিক্রোনও হন·গিবা মলমখো ব্রিএ রা·বো জেদাক্কে না·আ নিকনা মা·ন্না।