যাকোব 1:2 - Garo New Testament

² আংনি জংআদারাং, না·সং জেনসালো গিপ্পিন গিপ্পিন রুরাও গা·আকা উনো উখো নাম্মেন খুসি হং·আনি হা·সেল ইন্নে চানচিয়া,

যাকোব 1:2 Iomraidhean Croise

ওয়াত্তেতারাংনা 5:41

যীশুনি বিমুংনা ওয়াত্তেতারাং চন্নিকাখো মা·ন্না খ্রাগিবা হং·আনি গিম্মিন বিসং হান·সেংবিএ দাল·বাৎগিবা খ্রিমাওনি রি·য়াংজক।

রোমানরাংনা 5:3

ইয়াসান হং·জা, দুকরাংও দংএবা আনচিং খুসি হং·ইংআ, মুয়ানা চাকচিকা দুকনি বিথি হং·আ ইন্নে আনচিং হা·আইয়া,

ফিলিপীয়রাংনা 1:29

না·সংনা খা·সাচাকজক জেদাক্কে খ্রীষ্টখোসান না·সং বিবিরা·আ ইন্দাকে হং·জা, উনি গিম্মিন দুকখোবা চাকনা মা·ন্না।

ফিলিপীয়রাংনা 2:17

জে বিবিরা·আনি বলিচা না·সং ইসলখো অলাখিয়া উনি সাক্কাও আংনি হান·চিখো বলি গিত্তা রুদাপোবা খুসি হং·আ আরো না·সংমুং হান·সেংআ।

ফিলিপীয়রাংনা 2:18

না·সংনিবা উয়ানদাক্কেন আংমুং খুসি হং·ফানা আরো হান·সেংনা নাংআ।

কলসীয়রাংনা 1:24

না·সংনা আংআ জে দুকখো চাক্কিংজক উয়ো আংআ হান·সেংআখোন মা·ন্নিংজক। খ্রীষ্টনি বে·এননা, আগানস্খাওদে মন্ডলীনা বিনি দা·আওবা জে দুক চাকনা দংখুংআ উখো আংআ আংনি বে·এনোন চু·সকেতিংজক।

ইব্রীয়রাংনা 10:34

আরো জেরাং জেলচানা রি·য়াংআমিং বিসংনি দুকনা দুক মান·ফামিং। না·সংনি জিনিসরাংখো রা·সেকাখো না·সং হান·সেংএন মানিয়ে রা·আমিং, মুয়ানা না·সং হা·আইয়ামিং আরোবা নামবাতা আরো বন·চাংগিজা গাম না·সংনা দংআ।

যাকোব 1:12

রুরানি সালো জে চাকচিকা বিয়ান ফাত্তিয়া মান·গিবা হং·আ, মুয়ানা আন·থাংখো দিমদাক রুরাও হামগিবা দাক্কে ফিন্নিকনা মা·ন্নোদে হাম্মানি মালা গিত্তা বিয়া জাংগিখো মা·ন্নুয়া। জেরাং ইসলনা খা·সাআ বিসংনা বিয়া ইয়া জাংগিখো র·ন্নুয়া ইন্নে খু·রাচাক্কা।

যাকোব 1:16

আংনি খা·সাগিবা জংআদারাং, দা·আ গুয়ালা।

যাকোব 1:19

আংনি খা·সাগিবা জংআদারাং, আংনি ইয়া খাৎথাখো গিসিক রা·বো-না·সং দিমদাকান খিন্নানা গং·রাকগিবা হং·বো, ইন্দিবা থেংরি থেংরি দাক্কে খাৎথা আগান্না বা খা·আওনাংনা দা·আ গং·রাকাবো;

যাকোব 5:11

জেরাং চাকচিকে সেংসোজক বিসংখো আনচিং ফাত্তিয়া মান·গিবা ইন্না। না·সং ইয়োবনি চাকচিকানি খাৎথাখো খিন্নাজক আরো গিত্তেলনি কামরাংনি বন·চতগিবা বিথিরাং নাম্মা উখোবা নিকজক। গিত্তেল নাম্মেন খা·সাবিয়া আরো খা·সাচাক্কা।

২ পিতর 2:9

ইরাংওনি ইখো নিকনা মা·ন্না, জেরাং গিত্তেলখো অলাখিয়া বিসংখো বিয়া রুরাওনি জক্কেৎনা হা·আইয়া। ইনাআগ্রেবা জেরাং অলাখিগিবা হং·জা, মংসংদাক্কে জেরাং বিসংনি পাপ-বেওয়ালনি নামগিজা হা·সিকা গিত্তা রি·য়া আরো শাসনখো চন্নিকা বিয়া বিসংনা শাস্তি মান·খানা বিচালনি সালোনা দিপ্পাৎ দন্নাবা হা·আইয়া। ইয়া বু·এ চা·গিবা স্খিগিবারাং নাম্মেন খেনগিজাগিবা হং·আ। বিসং আন·থাংনি হা·সিকা গিত্তা রি·য়া আরো সালগিসাকনি রাসংখো মান·গিবারাংনি সাক্কাও চন্নিকানি খাৎথাখো আগান্না খেনজা;

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।