যাকোব 1:1 - Garo New Testament

¹ আংআ ইসল আরো গিত্তেল যীশু খ্রীষ্টনি নকখল যাকোব, হা·গিলসাকনি দিমদাক হা·দকো বিলদিং বিলদাং দাক্কে দংগিবা যিহূদী জাতনি মা·চং চি·গ্মি মান্দিরাংনা সালাম র·ন্নিংআ।

যাকোব 1:1 Iomraidhean Croise

মথিনি চকগিবা নাম্মা খাৎথা 10:3

থোমা আরো খাজিনা গিলগিবা মথি; আলফেয়নি দে যাকোব আরো থদ্দেয়;

মথিনি চকগিবা নাম্মা খাৎথা 13:55

বিয়ান উয়া বল মিস্ত্রিনি দেফান্থি হং·জামা? বিনি মা·গিবানি বিমুং মরিয়ম হং·জামা? আরো যাকোব, যোষেফ, শিমোন আরো যিহূদা বিনি জংগিবামা?

মথিনি চকগিবা নাম্মা খাৎথা 19:28

যীশু বিসংনা আগানজক, “আংআ না·সংনা বিবিন আগানিংআ, না·সং জেরাং আংখো জা·রিকজক, গিত্তাল দাক্কে থারিয়ানি সময়ও মান্দিনি দেফান্থি রাসংথাংখো রা·এ জেনসালো সিংহাসনও আসংনুয়া উনসালো না·সংবা সিংহাসন চি·গ্মিও আসংনুয়া আরো ইস্রায়েলনি মা·চং চি·গ্মিখো বিচাল দাকনুয়া।

মার্ক 3:18

আন্দ্রিয়, ফিলিপ, বরথলময়, মথি, থোমা, আলফেয়েনি দেফান্থি যাকোব, থদ্দেয়, হা·সংনা খা·ফাকগিবা শিমোন;

লূকনি চকগিবা নাম্মা খাৎথা 22:30

ইনি গিম্মিন আংনি সংনক্কো না·সং আংমুং চা·নুয়া রিংনুয়া আরো সিংহাসনও আসংএ ইস্রায়েলনি মা·চং সাকচিগ্মিখো বিচাল দাকনুয়া।

লূকনি চকগিবা নাম্মা খাৎথা 6:15

মথি আরো থোমা; আলফেয়েনি দেফান্থি যাকোব; শিমোন, জেখো হা·সংনা খা·ফাকগিবা ইন্না;

যোহননা 12:26

সাবা আংনা দাকচাকে হ·ন্না হা·ম্মোদে বিয়া আংনি রামাও রি·খানা। আংআ জেও দংআ আংনা দাকচাকে হন·গিবাবা উয়োন দংনুয়া। সাবা আংনা দাকচাকে হ·ন্নোদে আপফা বিখো মান্দিরা·নুয়া।

যোহননা 7:35

যীশুনি ইন্দাকে আগানানি গিম্মিন যিহূদীরাংনি দাল·বাৎগিবারাং আন·থাংথাংও আগানগ্রিকনা হা·বাচেংজক, “ইয়া মান্দি বাওনা রি·য়াংনুয়া জেনি গিম্মিন চিংআ বিখো সান্দিয়ে মান·জানুয়া? গিপ্পিন জাতরাংও বিলদিং বিলদাং দাক্কে দংগিবা যিহূদীরাংও রি·য়াংএ বিয়া বিসংনা স্খিয়ে হ·ন্নুয়ামা?

ওয়াত্তেতারাংনা 1:13

সংজিলমাওনা সক্কাংএ বিসং আন·থাংথাংনি দংগিবা গাদাং সাক্কানি নকদ্রিংওনা রি·য়াংজক। ইয়া জা·রিকগিবারাং হং·জক পিতর, যোহন, যাকোব আরো আন্দ্রিয়, ফিলিপ আরো থোমা, বর্‌থলময় আরো মথি, আলফেয়নি দেফান্থি যাকোব আরো হা·সংনা খা·ফাকগিবা শিমোন আরো যাকোবনি দেফান্থি যিহূদা।

ওয়াত্তেতারাংনা 12:17

পিতর বিসংখো স্রক দংখানা জাকজিপেতজক আরো জেলোনি গিত্তেল বাদিকে বিখো হং·খাত্তেতি রা·বাজক উখো আগানজক। বন·চতাও বিয়া আগানজক, “ইখো যাকোব আরো সাকগিপ্পিন জংআদারাংনাবা আগানবো।” ইখো আগানে বিয়া হং·খাতে গিপ্পিন হা·দামচানা রি·য়াংজক।

ওয়াত্তেতারাংনা 15:13

বিসংনি খাৎথা আগানা বন·মানো যাকোব আগানজক, “জংআদারাং, খিন্নাবো।

ওয়াত্তেতারাংনা 15:21

ইয়া গি·য়েতারাংখো বিসংনা হ·ন্না নাম্মা, মুয়ানা মোশি জেখো আগানজক উখো স্খাংওনিন আগানফ্রাকিংজক আরো বিনি চকগিবাখো নেং·থাকানি সালরিক্ষিত থম·দাকরামরাংও পড়িয়া হং·ইংজক।”

ওয়াত্তেতারাংনা 15:23

বিসংমুং ইয়া চিঠিখো ওয়াত্তেতজক: আন্তিয়খিয়া, সিরিয়া আরো কিলিকিয়ানি বিবিরা·গিবা গিপ্পিন জাতনি জংআদারাংচা চিংআ ওয়াত্তেতারাং আরো মন্ডলীনি দাল·গিবারাং, আগানস্খাওদে না·সংনি জংআদারাং ইয়া চিঠিখো চক্কিংজক। না·সংনি নামখানা।

ওয়াত্তেতারাংনা 2:5

উয়া সময়ও হা·গিলসাকনি গিপ্পিন গিপ্পিন হা·সংরাংওনি ইসলনা খা·ফাকগিবা যিহূদী মান্দিরাং রি·বাএ যিরূশালেমো দংথকিংআমিং।

ওয়াত্তেতারাংনা 21:18

সালগিপ্পিনো পৌল চিংমুং যাকোবখো নিনা রি·য়াংজক। উয়ো মন্ডলীনি গিম্মিক দাল·গিবারাং দংআমিং।

ওয়াত্তেতারাংনা 23:26

“আংআ, ক্লৌদিয় লুসিয়, দাল·বাৎগিবা শাসন দাকগিবা ফীলিক্সনা ইয়া চিঠিখো চক্কিংজক। আংনি সালামখো রা·বো।

ওয়াত্তেতারাংনা 26:7

চিংনি চি·গ্মি জাতনি মান্দিরাং সালওয়াল গিসিক নাংএ ইসলনা দাকচাকে হ·ন্নে উয়া খু·রাচাক্কানি চু·সকাখো নিকনা খা·দংএ দংআ। দাল·বাৎগিবা রাজা, উয়া খা·দংআনি গিম্মিনান যিহূদীরাং আংখো দোস হ·ন্নিংআ।

ওয়াত্তেতারাংনা 8:1

শৌল উনো স্তিফানখো স·ওতনা দিদিয়েতিংআমিং। উনসালো যিরূশালেমনি খ্রীষ্টান মন্ডলীনি মান্দিরাংখো গিচ্চিয়েতনা হা·বাচেংজক। উনি গিম্মিন ওয়াত্তেতারাংনি আগ্রে গিম্মিক বিবিরা·গিবারাং যিহূদিয়া আরো শমরিয়া হা·দকনি হা·দাম গিম্মিকচা বিলদিং বিলদাং হং·জক।

রোমানরাংনা 1:1

আংআ খ্রীষ্ট যীশুনি নকখল পৌল রোম সংজিলমানি বিবিরা·গিবারাংচা ইয়া চিঠিখো চক্কিংআ। ইসল আংখো বিনি ওয়াত্তেতা হং·না রিক্কামজক আরো বিনি হন·গিবা নাম্মা খাৎথাখো আগানফ্রাকনা বাচ্ছিয়ে রা·জক।

গালাতীয়রাংনা 1:19

উনো গিত্তেলনি জং যাকোবনা আগ্রে ওয়াত্তেতারাংমুং আংআ গ্রংজা।

গালাতীয়রাংনা 2:12

বিবিরা·গিবা যিহূদীরাংনি জে দল গিপ্পিন জাতরাংখো দ্রাএ বিগিল রাতনা হা·ম্মা, বিসংওনি মিত্তামরাং যাকোবচানি রি·বানা স্খাং পিতর গিপ্পিন জাতরাংমুং চা·রিমনুয়ামিং। ইন্দিবা উয়া দলনি মান্দিরাং রি·বাওন বিয়া বিসংনা খেন্নে গিপ্পিন জাতরাংখো ওয়াত্তে আন·থাংখো দিংথাং দাকজক।

গালাতীয়রাংনা 2:9

উয়া দা·ল্লা-রাক্কা মান্দিরাং, আগানস্খাওদে যাকোব, পিতর আরো যোহন ইরাংখো নিক্কে হা·আইনা মা·ন্নামিং, ইসলচাখো আংআ মংসংগিবা খা·সাচাক্কাখো মা·ন্না। বিসংমুং চিংনি নাংরিমাখো ফিন্নিকনা ইন্নে বিসং আংমুং আরো বার্ণবামুং জাক্রা জাকখো মেলিগ্রিকেতজক। চিংআ গিপ্পিন জাতরাংচা রি·য়াংনুয়া আরো বিসং আন·থাং যিহূদীরাংচা রি·য়াংনুয়া ইন্নে বিসং গং·জক।

ফিলিপীয়রাংনা 1:1

তীমথিয় আরো আংআ পৌল- চিংআ খ্রীষ্ট যীশুনি নকখল হং·আ। খ্রীষ্ট যীশুমুং নাংরিমগিবা ইসলনি জে মান্দিরাং ফিলিপী সংজিলমাচা দংআ চিংআ বিসংচা আরো বিসংখো নিরক্ষিগিবারাংচা আরো বিসংনা দাকচাকে রন·গিবারাংচা চক্কিংজক।

2 তীমথিয় 4:21

না·আ নাম্মেদাক্কে খ্রেংবো জেদাক্কে সিন·খারিনা স্খাং ইয়ো রি·বানা মা·ন্না। উবুল, পুদেন্ত, লীন, ক্লৌদিয়া আরো গিম্মিক জংআদারাং নাং·না সালাম হ·ন্নিংজক।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

পিতর 1:1

ইসলনি বাচ্ছিয়ে দনগিবা জে মান্দিরাং পন্ত, গালাতিয়া, কাপ্পাদকিয়া, এশিয়া আরো বিথুনিয়া হা·দকো গিপ্পাংএ হা·সং গিপ্পিননি মান্দি গিত্তা সংদংইংজক, বিসংচা আংআ যীশু খ্রীষ্টনি ওয়াত্তেতা পিতর ইয়া চিঠিখো চক্কিংজক।

২ পিতর 1:1

আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

যিহূদা 1:1

আংআ যীশু খ্রীষ্টনি নকখল আরো যাকোবনি জংআদা যিহূদা। আপফা ইসল জেরাংখো রিক্কামজক আরো খা·সাজক আরো যীশু খ্রীষ্ট জেরাংখো রাক্ষিজক বিসংচা আংআ ইয়া চিঠিখো চক্কিংজক।

ফারাকগিবা খাৎথা 7:4

জা·মানো আংআ উয়া সীলমোহর সু·আ মান্দিরাংনি নম্বলখো খিন্নাজক। ইস্রায়েলরাংনি গিম্মিক মা·চংওনি রিৎচাসা সৎব্রিব্রি হাজাল মান্দিখো সীলমোহর সু·আমিং: