ইব্রীয়রাংনা 8:3 - Garo New Testament

³ গিম্মিক খামাল দাল·বাৎগিবারাংখো মাৎবুরুংরাংখো বলি হ·ন্না আরো গিপ্পিন জিনিসরাংখো বলি হ·ন্না দন্না, উনি গিম্মিন ইয়া খামাল দাল·বাৎগিবানিবা মামুংখো বলি হ·ন্না নাংআ।

ইব্রীয়রাংনা 8:3 Iomraidhean Croise

যোহননা 6:51

আংআন উয়া জাংগিনি রুটি সালগিওনি হং·ওনবাগিবা। ইয়া রুটিখো চা·গিবা ফাংনাজলনা জাংগিখো মা·ন্নুয়া। আংনি বে·এনআন উয়া রুটি। মান্দি জেদাক্কে জাংগি মা·ন্না উনি গিম্মিন আংআ আংনি ইয়া বে·এনখো হ·ন্নুয়া।”

রোমানরাংনা 4:25

আনচিংনি পাপনি হা·সেল যীশুখো সিয়ানি জাক্কো হ·ন্নামিং আরো আনচিংখো দোসগ্রি ইন্নে রা·চাকনা বিখো সিয়াওনি থাংচাএতামিং।

রোমানরাংনা 5:6

জেনসালো আনচিং বিলগ্রিমিং উনসালো খ্রীষ্ট ইসলনা খা·ফাকগিজা মান্দিনা, আগানস্খাওদে আনচিংনা সিচাকজক। খাকখেৎগিবা মান্দিনা সাকসাবা সিচাকজা ইন্নে আগানোন চলিয়া।

রোমানরাংনা 5:8

ইন্দিবা ইসল আনচিংনা খা·সাআ, উখো খ্রীষ্ট আনচিংনি পাপী দংমিত্তিংওন সিচাকে ফিন্নিকজক।

গালাতীয়রাংনা 2:20

আংখো খ্রীষ্টমুং চিসলো দাৎখাপজক। উনি গিম্মিন দা·আওদে আংআ থাংএ দংজা, খ্রীষ্টআন আংও থাংএ দংআ। দা·আও ইয়া বে·এনো আংআ জে জাংগিখো মিৎথাংএতিংআ উখো ইসলনি দেফান্থিখো বিবিরা·আচান মিৎথাংএতিংজক। বিয়া আংনা খা·সাএ আংনি গিম্মিন আন·থাংখো হন·চাকামিং।

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

ইব্রীয়রাংনা 2:17

উনি গিম্মিন যীশুখো গিম্মিক গিত্তান বিনি জংরাং গিত্তা হং·না নাংজক, জেদাক্কে বিয়া সাকসা খা·সাচাকগিবা আরো বিবিগিবা খামাল দাল·বাৎগিবা গিত্তা ইসলনা দাকচাকে হ·ন্না মা·ন্না। ইখো মিকসংএ ইন্দাকে হং·আ, জেদাক্কে বিয়া আন·থাংনি সিয়াচা মান্দিনি পাপখো হা·রিকে ইসলখো খুসি দাক্কা।

ইব্রীয়রাংনা 3:1

উনি গিম্মিন রংথালগিবা জংআদারাং, না·সং জেরাং সালগিখো মান·রিকগিবা হং·না ইন্নে বিনি রিক্কামাও খু·চাকজক, না·সং যীশুনি গিম্মিনো গিসিক নাংবো। জেখো আনচিং বিবিরা·জক বিয়ান ইসলনি ওয়াত্তেতগিবা উয়া মান্দি আরো উয়া খামাল দাল·বাৎগিবা হং·আ।

ইব্রীয়রাংনা 5:1

মান্দিরাংনা চাকগিবা হং·এ ইসলনা দাকচাকে হ·ন্না ইন্নে সাকফ্রাক খামাল দাল·বাৎগিবাখো মান্দিনি গিসেপোনি বাচ্ছিয়ে রা·আ, জেদাক্কে বিয়া মান্দিনি পাপনি হা·সেল মাৎবুরুংরাংখো বলি হ·ন্না আরো গিপ্পিন জিনিসরাংখোবা বলি হ·ন্না।

ইব্রীয়রাংনা 7:27

গিপ্পিন দাল·বাৎগিবা খামালরাং জেদাক্কে স্খাং আন·থাংনি আরো জা·মানো গিপ্পিননি পাপনি গিম্মিন মাৎবুরুংরাংখো বলি হ·ন্নুয়ামিং, উয়ানদাক্কে ইয়া খামালনি উখো দাকনা নাংজামিং, মুয়ানা বিয়া ফাংনাজলনা ইন্নে রাং·সাসান আন·থাংনি জাংগিখো হন·চাকে উয়া কামখো ব·ন্নেতজক।

ইব্রীয়রাংনা 8:4

ইন্দিবা বিয়া দা·আও ইয়া হা·গিলসাকো দংওদে খামাল হং·না মান·জানুয়ামিং, মুয়ানা ইয়ো নিয়াম গিত্তা বলি হ·ন্নাদে খামাল দংআন।

ইব্রীয়রাংনা 9:14

ইন্দিবা জেআন ফাংনাজলনি গিসিক রংথালগিবা গিত্তা ইসলচা আন·থাংখো খাকখেৎ বলি গিত্তা হন·চাকজক উয়া যীশুনি হান·চি আনচিংনি গিসিকখো বিথিগ্রি কামওনি আরোবা বাসিক বাং·এ রংথালেতনুয়া, জেদাক্কে আনচিং থাংগিবা ইসলনা দাকচাকে হ·ন্না মা·ন্না!