ইব্রীয়রাংনা 4:2 - Garo New Testament

² ইস্রায়েলরাংচা জেগিত্তা নাম্মা খাৎথাখো আগানফ্রাকামিং উগিত্তা আনচিংচাবা আগানফ্রাকজক। ইন্দিবা উয়া নাম্মা খাৎথাচা ইস্রায়েলরাংনি মামুংআন লাভ হং·জাজক, মুয়ানা বিসং উখো খিন্নাএ বিবিরা·জাজক।

ইব্রীয়রাংনা 4:2 Iomraidhean Croise

ওয়াত্তেতারাংনা 13:46

উনোন পৌল আরো বার্ণবা খেনমানগিজা বিসংনা ইন্দাকে আগানচাকজক, “ইসলনি খাৎথাখো না·সংচা স্খাং আগান্না নাংআমিং, ইন্দিবা না·সং উখো জেগালজক আরো ফাংনাজলনি জাংগিখো মা·ন্না খ্রাগিবা ইন্নে আন·থাংথাংখো চানচিজা উনা গিপ্পিন জাতরাংচা চিংআ ফি·ল্লিংজক।

ওয়াত্তেতারাংনা 3:26

না·সং গিম্মিকখো নামগিজা রামানিখো রা·বাএ ফাত্তিনা গিম্মিনান ইসল বিনি নকখল যীশুখো থারিয়ে স্খাং না·সংচা ওয়াত্তেতামিং।”

রোমানরাংনা 2:25

না·আ নিয়ামখো মানিওদে বিগিল রাত্তা গামচাতানি হং·আ, ইন্দিবা নিয়ামখো মানিজাওদে বিগিল রাত্তোবা ইসলচা না·আ বিগিল রাতগিজা মান্দি গিত্তান হং·আ।

রোমানরাংনা 3:3

বিসংনি গিসেপো মিত্তাম মান্দিরাং বিবিরা·গিজাগিবা হং·জক, ইন্দিবা উনাদে মুয়া হং·আ? বিসং বিবিরা·গিজাগিবা হং·জক ইন্নে ইসলবা বিবিরা·গিজাগিবা হং·নুয়ামা?

1ম করিন্থীয়রাংনা 13:3

আংনি দংগিবারাংখো আংআ দিল্লা-চন্নারাংনা চা·না হ·ন্নোদে, আরোবা বে·এনখোবা সো·খানা হ·ন্নোদে, ইন্দিবা আংও খা·সা দংজাওদে আংনি মামুং লাভআন দংজা।

গালাতীয়রাংনা 3:2

আংআ না·সংচাখোসান হা·আইনা হা·ম্মা, না·সং নিয়ামখো মানিয়ে গিসিক রংথালগিবাখো মা·ন্নামিংমা, নাম্মা খাৎথাখো খিন্নাএ বিবিরা·এ মা·ন্নামিং?

গালাতীয়রাংনা 3:8

রংথালগিবা শাস্ত্রও স্খাংআন চক্কা দংআমিং, বিবিরা·আনি গিম্মিনান গিপ্পিন জাতরাংখো ইসল দোসগ্রি ইন্নে রা·চাকনুয়া। অব্রাহামচা স্খাংআন ইয়া খাৎথাখো আগানে নাম্মা খাৎথাখো আগানামিং, “নাং·ওন গিম্মিক জাতরাং ফাত্তিয়াখো মা·ন্নুয়া।”

গালাতীয়রাংনা 4:13

না·সং ইখো হা·আইয়া, আংআ জম্মামিং ইন্নে আংআ স্খাং না·সংচা নাম্মা খাৎথাখো আগানফ্রাকনা মা·ন্নামিং।

1 থিষলনীকী 1:5

মুয়ানা চিংনি আগানফ্রাকগিবা নাম্মা খাৎথা খু·সুকচাসান না·সংচা রি·বাজা, ইন্দিবা বিলচা, গিসিক রংথালগিবাচা উয়া রি·বামিং। না·সংমুং দংমিত্তিংও না·সংনি নাম্মানা চিংআ বাদিকে দাক্কে রি·য়া-দোআ না·সং উখো হা·আইয়া।

1 থিষলনীকী 2:13

চিংআ ফাংনান ইসলখো মিৎথেলিংআ, মুয়ানা ইসলনি খাৎথাখো চিংচাখো খিন্নাএ না·সং জেনসালো বিবিরা·আমিং উনো না·সং উখো মান্দিনি ইন্নে হং·জা, ইন্দিবা ইসলনি খাৎথা ইন্নেন রা·চাকামিং। আরো বিবিন উয়া ইসলনিন খাৎথা। না·সং জেরাং বিবিরা·জক, না·সংনি খা·থংও উয়া খাৎথান কাম দাক্কিংআ।

1 তীমথিয় 4:8

বে·এনখো অকখিসা নাম্মা, ইন্দিবা ইসলখো অলাখিয়াও গিম্মিক গিত্তান নাম্মা; উনি গিম্মিন দা·আওনি জাংগিনা আরো রি·বাগিবা জাংগিনা খা·দংআ দংআ।

ইব্রীয়রাংনা 11:6

বিবিরা·আনি আগ্র্রে ইসলখো খুসি দাকনা মান·জা, মুয়ানা ইসলচা জেআন রি·য়াংআ, বিনি ইখো বিবিরা·না নাংনুয়া ইসল দংআ আরো জেরাং বিনি হা·সিকা গিত্তা রি·য়া বিসং বিনি জাকনিখো বিসংনি মা·ন্নানিখো মা·ন্না।

ইব্রীয়রাংনা 3:12

জংআদারাং, সিমসাকবো! না·সংনি গিসেপো দারাংনি গিসিক জেদাক্কে নামগিজাগিবা আরো বিবিরা·গিজাগিবা হং·জা। ইন্দাকগিবা গিসিক থাংগিবা ইসলওনি চে·ল্লাচা রি·য়াংআ।

ইব্রীয়রাংনা 4:6

দা·আও ইয়া খাৎথা থিক হং·আ, মিত্তাম মান্দি বিনি হন·গিবা নেং·থাকানি হা·দামচা রি·য়াংনা মা·ন্নুয়া; ইন্দিবা জে ইস্রায়েলরাংনা স্খাং নাম্মা খাৎথাখো আগানফ্রাকামিং বিসংনি বামগিজানি হা·সেলোন বিসং ইসলনি হন·গিবা নেং·থাকানি হা·দামচা রি·য়াংনা মান·জাজক।

যাকোব 1:21

ইনি গিম্মিন না·সংও দংগিবা রংথালগিজা আরো নামগিজাগিবা দিমদাকখোন ওয়াতবো। ইসলনি খাৎথানি জে বিৎচ্রিখো না·সংনি খা·থংও গি·মানজক, উখো গিসিক রিন্নকে রা·চাকবো। পাপনিখো না·সংখো জক্কেতানি বিল ইয়া খাৎথাওন দংআ।

পিতর 1:12

ইন্দিবা ইসল বিসংনা ফিন্নিকে র·ন্নামিং, বিসং জে খাৎথারাংখো আগানিংআমিং উচা বিসং আন·থাংথাংনা দাকচাকগিজা না·সংনান দাকচাকে র·ন্নিংআমিং। সালগিওনি ওয়াত্তেতা গিসিক রংথালগিবানি রি·দিলাচা জেরাং না·সংচা খ্রীষ্টনি বিদিংও নাম্মা খাৎথাখো আগানফ্রাকজক বিসং আগানসোগিবারাংনি উয়া খাৎথারাংখোন না·সংনা হা·আইএতজক। আরোবা, সা·গ্রেরাংবা ইরাংনি বিদিংও হা·আইনা হা·সিকা।