গালাতীয়রাংনা 4:9 - Garo New Testament

⁹ ইন্দিবা দা·আওদে না·সং ইসলখো হা·আইজক; বাত্তেসা ইসলান না·সংখো হা·আইয়া ইন্নে আগানোন থিক হং·নুয়া। ইন্দাকোদে বাদিকে দাক্কে না·সং দা·আবা হা·গিলসাকনি উয়া বিলগ্রি আরো বিথিগ্রি দাকবেওয়ালরাংচা ফিল্লিংজক? দা·আবা না·সং উরাংনি নকখল হং·না হা·ম্মিংআমা?

গালাতীয়রাংনা 4:9 Iomraidhean Croise

মথিনি চকগিবা নাম্মা খাৎথা 11:27

‘‘দিমদাকখোন আংনি আপফা আংনি জাক্কো হন·জক। ফাগিবানা আগ্রে দেফান্থিখো দারাংবা হা·আইজা আরো দেফান্থিনা আগ্রে ফাগিবাখো সাকসাবা হা·আইজা, আরো দেফান্থি জেচা ফাগিবাখো ফারাকেতনা হা·ম্মা উয়ান বিখো হা·আইনা মা·ন্না।

লূকনি চকগিবা নাম্মা খাৎথা 5:38

গিত্তাল আংগুর বিৎচিখো গিত্তাল বিগিলনি দনচাক্রাওন দন্না নাংআ।

যোহননা 10:14

“আংআন নামগিবা রাক্ষুয়াল। ফাগিবা জেদাক্কে আংখো হা·আইয়া আরো আংআ ফাগিবাখো হা·আইয়া উয়ানদাক্কেন আংআবা আংনি মেষরাংখো হা·আইয়া আরো উরাংবা আংখো হা·আইয়া। আংআ আংনি মেষরাংনা জাংগিথাংখো হন·চাকিংজক।

যোহননা 10:27

আংনি মেষরাং আংনি খু·রাংখো খিন্নাচাক্কা। আংআ উরাংখো হা·আইয়া আরো উরাং আংখো জা·রিকা।

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

রোমানরাংনা 8:29

ইসল জেরাংখো স্খাংআন বাচ্ছিয়ে রা·আমিং বিসংখো বিয়া বিনি দেফান্থি গিত্তা হং·খানা স্খাংআন থারিসোএ দন্নামিং, জেদাক্কে উয়া দেফান্থি বাং·আ জংআদারাংনি গিসেপো দেজাক্রা হং·না মা·ন্না।

রোমানরাংনা 8:3

মান্দিনি পাপ-বেওয়ালনি হা·সেল নিয়াম বিলগ্রি হং·জকমিং, আরো উনি গিম্মিন নিয়াম জেখো দাকনা মান·জাজক ইসল আন·থাং উখো দাকজক। পাপখো হা·রিকেতনা বিয়া আন·থাংনি দোসগ্রি দেফান্থিখো মান্দিনি গিসিকখো হ·ন্নে ওয়াত্তেতজক আরো বিনি দেফান্থিনি সিয়াও পাপখো বিচাল দাক্কে উনি বিলখো হা·রিকজক।

1ম করিন্থীয়রাংনা 13:12

আনচিং দা·আও জেদাক্কে জানিরাও দিম্মেলে নিক্কিংআ, ইন্দিবা উনোদে মিকখাংগ্রিক নিকনা মা·ন্নুয়া। আংনি দা·আও হা·আইগিবা চু·গিম্মিক হং·জা, ইন্দিবা ইসল জেদাক্কে আংখো চু·গিম্মিক দাক্কে হা·আইয়া উনো উয়ানদাক্কে আংআ চু·গিম্মিক দাক্কে হা·আইনা মা·ন্নুয়া।

1ম করিন্থীয়রাংনা 15:34

ইনি গিম্মিন না·সং না·সংনি গিসিকখো মিকরাকেতবো আরো দা·আ পাপ দাক্কাবো। না·সংওনি সাবা সাবা ইসলখো হা·আইয়ান হা·আইজা; আংআ না·সংখো খ্রাচা·এতনা ইখো আগানিংআ।

1ম করিন্থীয়রাংনা 8:3

ইন্দিবা ইসলনা জেআন খা·সাআ বিখো ইসল হা·আইয়া।

2য় করিন্থীয়রাংনা 11:20

ইয়াসান হং·জা, সাবা না·সংখো নকখল দাক্কোদে, না·সংখো চু·গিম্মিক ব·ন্নেতোদে, না·সংখো জা·গাও গাল্লোদে, না·সংনি নকগিবা হং·ওদে বা না·সংনি নাথেংখো চরাইওদে, না·সং উরাংখোবা চাক্কা।

2য় করিন্থীয়রাংনা 4:6

চিংআ ইয়া খাৎথাখো আগানফ্রাকিংজক, মুয়ানা জেআন আগানামিং, “আন্দালাওনি সেং·খানা,” উয়া ইসলান চিংনি খা·থংও চিং·আমিং, জেদাক্কে বিনি রাসংখো হা·আইয়ানি সেং·আ ফারাকা। ইয়া রাসংআন খীষ্টনি মিকখাংও দংআ।

গালাতীয়রাংনা 3:3

না·সং ইন্দাকেন হা·আইচাকগিজাগিবা হং·আমা? গিসিক রংথালগিবাচা গিত্তাল জাংগি হা·বাচেংএ দা·আও আন·থাংনি খ্রেংআও চু·সকনা হা·ম্মিংআমা?

গালাতীয়রাংনা 4:3

উয়ানদাক্কেন আনচিংবা আনচিংনি চনমিত্তিংও হা·গিলসাকনি বাং·আ দাকবেওয়ালরাংনি নকখল হং·এ দংআমিং।

ইফিষীয়রাংনা 1:17

বি·মিত্তিংও আংআ না·সংখো গুয়ালজা। আংআ বি·আ জেদাক্কে আনচিংনি গিত্তেল যীশু খ্রীষ্টনি ইসল, আগানস্খাওদে উয়া রাসংনি ফাগিবা না·সংনা গিসিকনি হা·আইয়ানি বিলখো র·ন্না, জেদাক্কে না·সং বিখো আরোবা নাম্মেদাক্কে হা·আইনা মা·ন্না।

2 তীমথিয় 2:19

ইন্দাকোবা ইসলনি রিকগিবা ফাংচাকানি চাদেংএন দংআ, আরো উনি সাক্কাও সীলমোহর গিত্তা ইয়া খাৎথারাং চক্কা দংআ, “গিত্তেল হা·আইয়া, সারাং বিনি হং·আ,” আরো “জেআন খ্রীষ্টখো গিত্তেল ইন্নে রিক্কামা বিয়া গিম্মিক পাপওনি চে·ল্লাচা রি·য়াংখানা।”

ইব্রীয়রাংনা 7:18

মোশিনি নিয়ামরাং মামুংখোন চু·সকেতনা মান·জা, উনি গিম্মিন স্খাং খামালনি কামনি জে নিয়াম দংআমিং উখো বিলগ্রি আরো কামনা চলিজা ইন্নে গালজক। দা·আও উনি হা·দামও উনা বাত্তে দাল·বাতা মিংসা খা·দংএতাখো হন·জক। উচা আনচিং ইসলচা সকনা মা·ন্না।

২ পিতর 2:20

আনচিংনি গিত্তেল আরো জক্কেৎগিবা যীশু খ্রীষ্টখো নাম্মে হা·আইয়ানি গিম্মিন হা·গিলসাকনি নামগিজাওনি খাত্তাংএবা জেনসালো বিসং দা·আবা উয়া আপসান নামগিজাও গা·আকা উয়ো হামজাজক, উনো বিসংনি অবস্থা স্খাংনি অবস্থানা বাত্তেবা নামজাজক।

1 যোহন 5:20

আনচিং আরোবা হা·আইয়া, ইসলনি দেফান্থি রি·বাএ আনচিংনা হা·আইয়ানি বিলখো হন·জক জেদাক্কে বিবিগিবা ইসলখো আনচিং হা·আইনা মা·ন্না। জেআন বিবিগিবা ইসল আনচিং বিমুং নাংরিমা, আগানস্খাওদে বিনি দেফান্থি যীশু খ্রীষ্টমুং নাংরিমা। বিয়ান চং·মতগিবা ইসল আরো বিয়ান ফাংনাজলনি জাংগি।