গালাতীয়রাংনা 4:6 - Garo New Testament

⁶ না·সং দেদ্রাং ইন্নেন ইসল বিনি দেফান্থিনি গিসিকখো না·সংনি খা·থংও দংনা ওয়াত্তেতজক। উয়া গিসিক ইসলখো আব্বা আব্বা, আগানস্খাওদে আপফা ইন্নে রিক্কামা।

গালাতীয়রাংনা 4:6 Iomraidhean Croise

মার্ক 14:36

বিয়া আগানজক, ‘‘আব্বা, আপফা, না·আ গিম্মিকখোন হা·ম্মা। আংচানিখো দুকনি ইয়া রিংচাকানিখো রা·আংবো। ইন্দাকোবা আংনি হা·সিকা গিত্তা হং·জা, ইন্দিবা নাং·নি হা·সিকা গিত্তা হং·খানা।’’

লূকনি চকগিবা নাম্মা খাৎথা 11:13

ইন্দাকোদে না·সং নামগিজা হং·এবা আন·থাংথাংনি দেদ্রাংনা নামনামা জিনিসরাংখো হ·ন্না হা·আইওদে, ইন্দিদে সালগিও দংগিবা ফাচা জেরাং হা·ম্মা, বিসংনা বিয়া গিসিক রংথালগিবাখো হ·ন্নুয়া ইয়াদে খাকখেতান হং·আ!”

লূকনি চকগিবা নাম্মা খাৎথা 11:2

যীশু বিসংনা আগানজক, “না·সংনি বি·মিত্তিংও আগানবো, ‘ও সালগিনি আপফা, নাং·নি বিমুংখো রংথালা ইন্নে ইনথকনা। নাং·নি সংনক হং·বাখানা।

যোহননা 14:16

আংআ আপফাচা হাম·নুয়া, আরো বিয়া না·সংমুং ফাংনাজলনি গিম্মিন দংনা দা·আও সাকসা দাকচাকগিবাখো ওয়াত্তেতনুয়া।

যোহননা 15:26

“জে দাকচাকগিবাখো আংআ আপফাওনি না·সংনা ওয়াত্তেতনুয়া, বিয়া জেনসালো রি·বানুয়া উনসালো বিয়ান আংনি গিম্মিন সাক্ষি হ·ন্নুয়া। বিয়ান আপফাওনি রি·বাগিবা বিবিনি গিসিক হং·আ।

যোহননা 16:7

ইন্দিবা আংআ না·সংনা বিবিন আগানিংআ, আংনি রি·য়াংআন না·সংনা নামবাত্তা, মুয়ানা আংআ রি·য়াংজাওদে উয়া দাকচাকগিবা না·সংচা রি·বাজানুয়া। ইন্দিবা আংআ রি·য়াংওদে বিখো না·সংচা ওয়াত্তেতনুয়া।

যোহননা 3:34

ইসল জেখো ওয়াত্তেতজক বিয়া ইসলনি খাৎথাখোন আগানা, মুয়ানা ইসল বিনা গিসিক রংথালগিবাখো থয়ে হন·জা।

যোহননা 7:39

যীশুখো বিবিরা·এ জেরাং গিসিক রংথালগিবাখো মা·ন্নুয়া উয়া গিসিক রংথালগিবানি গিম্মিন যীশু ইখো আগানজক। গিসিক রংথালগিবাখো উনোবা হন·খুজা মুয়ানা উনোবা যীশু বিনি রাসংখো মান·খুজামিং।

ওয়াত্তেতারাংনা 16:7

জা·মানো মুশিয়াওনা রি·বাএ বিসং বিথুনিয়া হা·দকচা রি·য়াংনা হাম·জক, ইন্দিবা যীশুনি গিসিক বিসংখো রি·য়াংনা হন·জাজক।

রোমানরাংনা 5:5

ইয়া খা·দংআ আনচিংখো খ্রাচা·এতজা, মুয়ানা ইসল বিনি হন·গিবা গিসিক রংথালগিবাচা আনচিংনি খা·থংখো বিনি খা·সাচাক্কাচা গাপ্পেতজক।

রোমানরাংনা 8:9

ইন্দিবা ইসলনি গিসিক না·সংনি খা·থংও দংওদে না·সং পাপ-বেওয়ালনি নিং·আও হং·জা ইন্দিবা গিসিক রংথালগিবানি নিং·আওসা হং·আ। জেনি খা·থংও খ্রীষ্টনি গিসিক দংজা বিয়া খ্রীষ্টনি হং·জা।

1ম করিন্থীয়রাংনা 15:45

শাস্ত্রও ইন্দাকে চক্কা দংআ, “স্খাংগিবা মান্দি আদম জাংগিগ্মাংগিবা হং·জক।” আরো বন·চতগিবা আদম জাংগিখো হন·চাকগিবা গিসিক হং·জক।

2য় করিন্থীয়রাংনা 1:22

আগানস্খাওদে বিনি আন·থাংনি গাম গিত্তা বিয়া চিংখো সীলমোহর সু·এ দনজক; আরো জেরাংখো চিংনা হ·ন্নুয়া উনি স্খাংগিবা বাক গিত্তা বিয়া চিংনি খা·থংও গিসিক রংথালগিবাখো হন·জক।

2য় করিন্থীয়রাংনা 3:17

ইয়া গিত্তেলান গিসিক রংথালগিবা হংআ; আরো জেওন গিত্তেলনি গিসিক উয়োন জাকগিত্তেল হং·আ।

ইফিষীয়রাংনা 1:13

আরো না·সংবা বিবিনি খাৎথাখো, আগানস্খাওদে পাপওনি জক্কাখো মা·ন্নানি নাম্মা খাৎথাখো খিন্নাএ খ্রীষ্টখো বিবিরা·জক। খ্রীষ্টমুং নাংরিমজক ইন্নে ইসল বিনি খু·রাচাকগিবা গিসিক রংথালগিবাচা না·সংখো সীল সু·এ দনজক।

ইফিষীয়রাংনা 2:18

বিচান আপসান গিসিক রংথালগিবাচা ফাগিবাচা রি·য়াংআনি বিল আনচিংনি গিম্মিকনি দংআ।

ইফিষীয়রাংনা 4:30

না·সং ইসলনি গিসিক রংথালগিবাখো দা·আ দুক র·ন্নাবো, জেচা ইসল জক্কানি সালোনা দিপ্পাৎ না·সংখো সিল সু·এ দনজক।

ইফিষীয়রাংনা 6:18

গিসিক রংথালগিবাচা রি·এ গিসিকো ফাংনান বি·বো। ইনি গিম্মিন মিকরাকে দংএ ইসলনি গিম্মিক মান্দিরাংনা ফাংনান বি·আরি দংবো।

ফিলিপীয়রাংনা 1:19

মুয়ানা আংআ হা·আইয়া, আংনি সাক্কাও জেরাং হং·জক উনি বন·চতগিবা বিথি হং·নুয়া আংনি জক্কা; আরো উয়া না·সংনি বি·আচা আরো যীশু খ্রীষ্টনি গিসিকনি দাকচাকাচান হং·নুয়া।

1 থিষলনীকী 4:8

উনি গিম্মিন ইয়া স্খিয়াখো জেআন জেগালা বিয়া মান্দিখো জেগালজা, বাত্তেসা জেআন বিনি গিসিক রংথালগিবাখো না·সংনা হন·জক উয়া ইসলখোন জেগালা।

পিতর 1:11

বিসংনি খা·থংও খ্রীষ্টনি গিসিক স্খাংআন সাক্ষি র·ন্নে আগানামিং, খ্রীষ্টখো দুক চাকনা নাংনুয়া আরো ইনি জা·মানো বিয়া রাসংখো মা·ন্নুয়া। আগানসোগিবারাং হা·আইনা হা·ম্মামিং খ্র্রীষ্টনি উয়া গিসিক বাগিবা সময় আরো বাদাকা অবস্থানি খাৎথাখো বিসংনা আগানিংআমিং।

যিহূদা 1:20

ইন্দিবা খা·সাগিবা রিপ্পেংরাং, না·সং না·সংনি রংথালা বিবিরা·আনি সাক্কাও ফাংচাকে আন·থাংথাংখো থারিয়ে রা·বো আরো গিসিক রংথালগিবাচা রি·দিলাখো মা·ন্নে বি·বো।

ফারাকগিবা খাৎথা 19:10

উনো আংআ উয়া সা·গ্রেনি জা·চকও থুচিকোপে বিখো ইসল চাচাএ মান্দিরা·এ অলাখিজক। ইন্দিবা বিয়া আংনা আগানজক, “ইয়া মুয়াখো দাক্কিংআ? আংআ নাং·নি গিত্তা নকখল হং·ফা। ইসলখোন অলাখিবো। নাং·নি বিবিরা·গিবা জংআদারাং, জেরাং যীশুনি স্খিয়াখো রিম·মে রা·রিকা/মানিয়া, আংআ বিসংনিন সাকসা হং·আ। যীশুনি স্খিয়ান আগানসোগিবারাংনি স্খিয়ানি চং·মত হং·আ।”