গালাতীয়রাংনা 4:5 - Garo New Testament

⁵ জেদাক্কে নিয়ামনি নিং·আও দংগিবা মান্দিরাংখো বিয়া জক্কেৎনা মা·ন্না, আরো ইসলনি দেদ্রাং গিত্তা আনচিংখো রা·চাকনা মা·ন্না।

গালাতীয়রাংনা 4:5 Iomraidhean Croise

মথিনি চকগিবা নাম্মা খাৎথা 20:28

গিসিক রা·বো, মান্দিনি দেফান্থি দাকচাকে হ·ন্নাখো মা·ন্না রি·বাজা ইন্দিবা দাকচাকে হ·ন্নাসা রি·বাআ আরো বাং·বিয়া মান্দিরাংখো পাপওনিখো জক্কেৎনা ইন্নে বিসংনি জাংগিনি ফাল আন·থাংনি জাংগিখো হন·চাকনা রি·বাজক, ইখো গিসিক রা·বো।”

লূকনি চকগিবা নাম্মা খাৎথা 1:68

“ইস্রায়েলনি গিত্তেল ইসলখো মিৎথেলা, মুয়ানা বিয়া আন·থাংনি মান্দিরাংনা গিসিক নাংজক আরো বিসংখো জক্কেৎজক।

যোহননা 1:12

ইন্দিবা বিখো বিবিরা·এ রা·চাকগিবা সাকফ্রাকফ্রাকখোন বিয়া ইসলনি দে হং·খানা বিলখো হন·জক।

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

রোমানরাংনা 10:4

খ্রীষ্টআন নিয়ামরাংখো চু·সকেতি উনি বিলখো দি·গালজক, জেদাক্কে বিখো বিবিরা·গিবারাং ইসলনি রা·চাকাখো মা·ন্না।

রোমানরাংনা 8:14

মুয়ানা জেরাং ইসলনি গিসিকনি রি·দিলাচা রি·য়া বিসংআন ইসলনি দেদ্রাং হং·আ।

রোমানরাংনা 8:15

না·সংদে নকখলনি গিসিকখো মান·জা জেনি হা·সেল খেন্নুয়া; জে না·সংখো দেদ্রাং হং·খানা বিল হন·জক না·সং উয়া ইসলনি গিসিকখো মান·জক। উনি গিম্মিনান ইসলখো আনচিং আপফা ইন্নে রিক্কামা।

রোমানরাংনা 8:19

ইসলনি দেদ্রাং বাসোকো উয়া রাসংও ফারাকনুয়া উনি গিম্মিন থারিগিবা গিম্মিক খা·দংআখো রা·এ নিচাকসোএ দংআ,

রোমানরাংনা 8:23

ইয়াসান হং·জা, ইন্দিবা জে রাসংখো জা·মানো মা·ন্নুয়া উনি স্খাংগিবা বিথি গিত্তা গিসিক রংথালগিবাখো মা·ন্নে আনচিং আন·থাংবা খা·থংও মা·আমিংআ। আরো উয়া সালনা সেংএ দংআ জেনসালো আনচিংখো ইসলনি দেদ্রাং গিত্তা ফারাকনুয়া, আগানস্খাওদে ব·ন্নাংআনি জাকওনিখো আনচিংখো জক্কেৎনুয়া।

রোমানরাংনা 9:4

বিসংদে ইস্রায়েল জাতনি মান্দি। ইসল বিসংখো দেফান্থি হং·আনি বিলখো হন·জক, আন·থাংনি রাসংখো ফিন্নিকজক, বিসংনা খু·রাচাক্কাখো থারিজক, নিয়ামরাংখো হন·জক, বিনা দাকচাকে হ·ন্নানি আরো অলাখিয়ানি চলখো থারিজক আরো বাং·এ মানচান খু·রাচাকজক।

গালাতীয়রাংনা 3:13

নিয়ামখো মানিজানি গিম্মিন জে শাপ আনচিংও দংআমিং, খ্রীষ্ট উয়া শাপখো আন·থাংনি সাক্কাও রা·এ আনচিংখো জক্কেৎজক। রংথালগিবা শাস্ত্রও ইয়া খাৎথা চক্কা দংআ, “জেখো ফাংও খাদিংদিয়া বিয়া শাপ মান·গিবা হং·আ।”

গালাতীয়রাংনা 3:26

খ্রীষ্ট যীশুখো বিবিরা·আচা না·সং গিম্মিকান ইসলনি দেদ্রাং হং·জক,

গালাতীয়রাংনা 4:21

না·সং জেরাং নিয়ামনি নিং·আও দংনা হা·ম্মিংআ, না·সং আংনা দে আগানে নি, নিয়াম জেখো আগানা উখো না·সং খিন্নানা মান·জামা?

গালাতীয়রাংনা 4:7

ইনি গিম্মিন না·সং নকখল হং·জাজক দেসা হং·আ। না·সং দেআন হং·ওদে ইসল জেখো র·ন্না খু·রাচাক্কা উখো না·সং মান·রিকনুয়া।

ইফিষীয়রাংনা 1:7

ইসলনি বন·চাংগিজা খা·সাচাক্কা গিত্তাদে খ্রীষ্টমুং নাংরিমে বিনি হান·চিচা আনচিং জক্কাখো মান·জক, আগানস্খাওদে পাপওনি ক্ষেমা মান·জক।

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

ইব্রীয়রাংনা 1:3

ইসলনি গিম্মিক গুণ উয়া দেফান্থিওন দংআ; দেফান্থিন ইসলনি চু·গিম্মিক বিমাং হং·আ। দেফান্থি বিনি বিল্লাকগিবা খাৎথাচা গিম্মিকখো রি·ম্মে রা·রিকে চালাইয়া। মান্দিনি পাপখো হা·রিকানি জা·মানো দেফান্থি সালগিও চুবাৎগিবা ইসলনি জাক্রাচা আসংজক।

ইব্রীয়রাংনা 9:12

দো·মক আরো মা·সুনি হান·চিখো রা·এ খ্রীষ্ট উয়া রংথালবাৎগিবা নকদ্রিংচা নাপজামিং। বিয়া আন·থাংনি হান·চিখো রা·এ রাং·সাসান উয়ো নাপ্পামিং। ইন্দাকে বিয়া ফাংনাজলনা পাপওনি জক্কানি চলখো দাকজক।

ইব্রীয়রাংনা 9:15

ইসল জেরাংখো রিংগামে ফাংনাজলনি মান·রিকানি বিলখো হ·ন্না খু·রাচাক্কামিং বিসং জেদাক্কে উখো মা·ন্না উনি গিম্মিনান খ্রীষ্ট মিংসা গিত্তাল খু·রাচাক্কানি নাংরিমেতগিবা হং·জক। মান্দি ইয়া মান·রিকানি বিলখো মান·জক, মুয়ানা স্খাংগিবা খু·রাচাক্কা দংমিত্তিংও মান্দি জে পাপরাংখো দাক্কামিং উয়া পাপরাংওনি মান্দিখো জক্কেতানি দাম গিত্তা খ্রীষ্ট জাংগিথাংখো হন·চাকামিং।

পিতর 3:18

খ্রীষ্টবা পাপনি গিম্মিনো রাং·সাসান সিয়ামিং। ইসলচা আনচিংখো রা·আংনা ইন্নে উয়া দোসগ্রি মান্দি পাপ দাকগিবারাংনি গিম্মিন, আগানস্খাওদে আনচিংনি গিম্মিন সিয়ামিং। বে·এনো বিখো দক্কে গাল্লামিং, ইন্দিবা গিসিকচা বিখো থাংচাএতামিং আরো বিয়া বন্দি দংগিবা গিসিকরাংচা রি·য়াংএ আগানফ্রাকামিং।

ফারাকগিবা খাৎথা 14:3

উয়া সিংহাসন আরো উয়া সাকব্রি জাংগিগ্মাংগিবা আরো উয়া মি·আফারাংনি মিকখাংও বিসং মিংসা গিত্তাল গিতখো রিং·ইংআমিং। দারাংবা উয়া গিতখো স্খিনা মান·জাজক; উয়া হাজাল রিৎচাসা সৎব্রিব্রি মান্দিরাং, জেরাংখো হা·গিলসাকনি মান্দিরাংওনিখো ব্রিএ রা·আমিং বিসংসান স্খিনা মান·জক।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।