গালাতীয়রাংনা 3:10 - Garo New Testament

¹⁰ রংথালগিবা শাস্ত্রও চক্কা দংআ, “উয়া মান্দি শাপ মান·গিবা হং·আ, জেআন নিয়ামও চকগিবা গিম্মিক খাৎথাখো মানিজা।” ইন্দাকোদে নিকনা মা·ন্না, জেরাং নিয়ামখো মানিয়াও ফাংচাকা বিসং গিম্মিকনি সাক্কাও ইয়া শাপ দংআ।

গালাতীয়রাংনা 3:10 Iomraidhean Croise

মথিনি চকগিবা নাম্মা খাৎথা 25:41

“জা·মানো বিয়া জাক্কাসিচা দংগিবা মান্দিরাংনা আগান্নুয়া, ‘ও শাপ মান·গিবা মান্দিরাং, আংচানি না·সং রি·য়াংবো। শয়তান আরো উনি সা·গ্রেরাংনা দাকসোআ ফাংনাজলনি ওয়া·আলোনা রি·য়াংবো।

রোমানরাংনা 4:15

মুয়ানা নিয়ামদে ইসলনি শাস্তিখো রিংগামে রা·বাআ। আরো বিবিখো আগান্না রি·য়াংওদে, জেও নিয়াম দংজা উয়ো নিয়াম মানিগিজানি মামুংআন দংজা।

রোমানরাংনা 6:23

পাপ জেখো মজুরী হ·ন্না উয়াদে সিয়া হং·আ, ইন্দিবা ইসল জেখো হ·ন্না উয়া আনচিংনি গিত্তেল খ্রীষ্ট যীশুও ফাংনাজলনি জাংগি।

রোমানরাংনা 8:7

জে গিসিক পাপ-বেওয়ালনি হা·ম্মা গিত্তা দাকনা হা·সিকা, উয়া গিসিকদে ইসলনা চাকজা, মুয়ানা উয়াদে ইসলনি নিয়ামখো মানিনা হাম·জা মানিনাবা মান·জা।

2য় করিন্থীয়রাংনা 3:7

রং·থিও চকগিবা জে নিয়ামনি হা·সেল সিয়া রি·বাআ উয়া নিয়ামখো হ·ন্নানি সালো ইসলনি রাসং ফারাকামিং। উনি গিম্মিন মোশিনি মিকখাংবা ইসলনি রাসংও থেং·সুয়ামিং। উয়া থেং·সুয়া খা·সিনসিন ব·ন্নাংওবা ইস্রায়েলনি মান্দিরাং মোশিনি মিকখাংচাবাকা নিয়েতনা মান·জাজক।

গালাতীয়রাংনা 2:16

ইন্দিবা চিংআ ইয়া খাৎথাখো হা·আইয়া, নিয়াম মানিয়ানা ইসল মান্দিখো দোসগ্রি ইন্নে রা·চাকজা, বাত্তেসা যীশু খ্রীষ্টখো বিবিরা·আনি গিম্মিনান রা·চাকা। উনি গিম্মিন চিংআবা খ্রীষ্টখো বিবিরা·জক, জেদাক্কে নিয়াম মানিনা হং·জা বাত্তেসা খ্রীষ্টখো বিবিরা·আনি গিম্মিনান দোসগ্রি ইন্নে রা·চাকানি হং·আ; মুয়ানা নিয়াম মানিয়ানি গিম্মিন দারাংখোবা দোসগ্রি ইন্নে রা·চাকজানুয়া।