গালাতীয়রাংনা 3:1 - Garo New Testament

¹ ও হা·আইচাকগিজা গালাতীয়রাং! সা না·সংখো যাদু মনতল দাকজক? যীশু খ্রীষ্টখো চিসলো দাৎখাপামিং ইখো না·সংচা নাম্মেদাক্কেন আগানফ্রাকজক।

গালাতীয়রাংনা 3:1 Iomraidhean Croise

মথিনি চকগিবা নাম্মা খাৎথা 24:24

মুয়ানা উনসালো বাং·এন বু·এ চা·গিবা খ্রীষ্ট আরো বু·এ চা·গিবা আগানসোগিবা রি·বানুয়া আরো দা·ল্লা আইয়াও ইনমানগিবা চিননি কামরাংখো দাকনুয়া জেদাক্কে মা·ন্নোদে ইসলনি বাচ্ছিয়ে দনগিবা মান্দিরাংখোবা বিসং ব্রাংএতনা মা·ন্না।

মথিনি চকগিবা নাম্মা খাৎথা 7:26

আংনি ইয়া খাৎথারাংখো খিন্নাএ উরাংখো মানিজাগিবাদে হান·চেংনি সাক্কাও রিকগিবা সাকসা জাদা মান্দি গিত্তা দাক্কা।

লূকনি চকগিবা নাম্মা খাৎথা 24:25

উনোন যীশু বিসংনা আগানজক, “না·সং মামুংখোন হা·আইজা। না·সংনি গিসিক ইন্দাকফিল্লে গক্কানি গিম্মিন আগানসোগিবারাংনি আগানাখোবা না·সং বিবিরা·জা।

ওয়াত্তেতারাংনা 16:6

গিসিক রংথালগিবা পৌল আরো বিনি রিপ্পেংরাংখো এশিয়া হা·দকো আগানফ্রাকনা হন·জাজক। উনোন বিসং ফরুগিয়া আরো গালাতিয়া হা·দকনি হা·দাম গিম্মিকচা রি·য়াংজক।

ওয়াত্তেতারাংনা 6:7

ইন্দাকে ইসলনি খাৎথা গিপরোরোআংজক, আরো যিরূশালেমো জা·রিকগিবারাং বাং·বারোরোজক আরো খামালরাংনি গিসেপো বাং·এন খ্রীষ্ট থরমও বিবিরা·নিখো মানিয়ে রা·জক।

রোমানরাংনা 10:16

ইন্দিবা গিম্মিকান উয়া নাম্মা খাৎথাখো খিন্নাচাকজা। আগানসোগিবা যিশাইয় আগানজক, “গিত্তেল, চিংনি হন·গিবা নাম্মা খাৎথাখো সা বিবিরা·জক?”

রোমানরাংনা 2:8

ইন্দিবা জেরাং আন·থাংনি হা·সিকা গিত্তা রি·য়া আরো বিবিখো মানিগিজা খ্রাগিজাখো মানিয়া ইসল বিসংনা বিল্লংএন শাস্তি হ·ন্নুয়া।

রোমানরাংনা 6:17

ইন্দিবা ইসলখো মিৎথেলনা, মুয়ানা না·সং পাপনি নকখল হং·আমিং ইন্দাকোবা জেখো না·সংনা স্খিজক খা·থং গিম্মিকচা না·সং উখো মানিজক।

1ম করিন্থীয়রাংনা 11:26

উনি গিম্মিন বিনি রি·বাখুজানা দিপ্পাৎ না·সং ইয়া রুটিখো চা·আ আরো ইয়া রিং·চাক্রাওনিখো রিংআ রিক্ষিতান গিত্তেলনি সিয়ানি খাৎথাখো আগানফ্রাকবো।

1ম করিন্থীয়রাংনা 2:2

না·সংমুং দংমিত্তিংও আংআ যীশু খ্রীষ্টখো, আগানস্খাওদে চিসলো দাৎখাপগিবা যীশু খ্রীষ্টখো হা·আইয়ানি আগ্রে মামুংখোবা হা·আইজানুয়া ইন্নে আংআ থিক দাক্কামিং।

2য় করিন্থীয়রাংনা 10:5

চিংআ মান্দিনি বু·আ খাৎথাখো নাসিয়েতা আরো ইসলখো হা·আইয়ানি রামাও জে চানচিয়ারাং গাং·বিংএ স্খু দি·চাএ চাদেংআ উখো ব·ন্নেতা; আরো গিসিকনি গিম্মিক চানচিয়াখো চিপচাংএ খ্রীষ্টও বাম্মে দন্না।

2য় করিন্থীয়রাংনা 11:3

ইন্দিবা উয়া চিপ্পু বিনি নামগিজা বুদ্ধিচা জেদাক্কে হবাখো থগিয়েতামিং উয়ানদাক্কে খ্রীষ্টনি গিম্মিন স্রংআ আরো রংথালা অলাখিয়াওনিখো সাবা না·সংখোবা থগিয়েতনা দংআ ইন্নে আংআ খেনমানিংআ।

গালাতীয়রাংনা 1:2

আংআ আরো আংমুং দংফাগিবা বিবিরা·গিবা জংআদারাং, চিংআ দিমদাকান গালাতিয়া মন্ডলীরাংনা চক্কিংজক।

গালাতীয়রাংনা 1:6

খ্রীষ্টনি খা·সাচাক্কাও জেআন বিনি আন·থাংনি মান্দি হং·খানা না·সংখো রিক্কামামিং, না·সং ইন্দাকে থেংরিন বিখো ওয়াত্তে দিংথাং দাকগিবা নাম্মা খাৎথাচা না·সংনি গিসিক সকজক ইখো নিক্কে আংআ আইয়াও ইনমানিংজক।

গালাতীয়রাংনা 2:14

ইন্দিবা জেনসালো আংআ নাম্মা খাৎথানি বিবিমুং বিসংনি কাম আপসান হং·গিজাখো নিকজক উনো আংআ দিমদাকনি মিকখাংও পিতরনা আগানজক, “না·আ যিহূদী হং·এবা যিহূদীরাং গিত্তা রি·গিজা গিপ্পিন জাতরাং গিত্তা রি·জক উনো বাদিকে দাক্কে গিপ্পিন জাতরাংখো যিহূদীরাং গিত্তা রি·খানা আগানিংআ?

গালাতীয়রাংনা 3:3

না·সং ইন্দাকেন হা·আইচাকগিজাগিবা হং·আমা? গিসিক রংথালগিবাচা গিত্তাল জাংগি হা·বাচেংএ দা·আও আন·থাংনি খ্রেংআও চু·সকনা হা·ম্মিংআমা?

গালাতীয়রাংনা 4:9

ইন্দিবা দা·আওদে না·সং ইসলখো হা·আইজক; বাত্তেসা ইসলান না·সংখো হা·আইয়া ইন্নে আগানোন থিক হং·নুয়া। ইন্দাকোদে বাদিকে দাক্কে না·সং দা·আবা হা·গিলসাকনি উয়া বিলগ্রি আরো বিথিগ্রি দাকবেওয়ালরাংচা ফিল্লিংজক? দা·আবা না·সং উরাংনি নকখল হং·না হা·ম্মিংআমা?

গালাতীয়রাংনা 5:11

জংআদারাং, দা·আওবা আংআ ইন্দাকে আগানফ্রাকোদে, মান্দিরাং বিগিল রাতনা নাংআ ইন্দাকোদে দা·আওবা মুয়ানা আংখো গিচ্চিয়েতিংজক? ইন্দাকোদে চিসলনি সাক্কাও খ্রীষ্টনি সিয়ানি চাংফেংআ দংজাজক।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

ইফিষীয়রাংনা 5:15

না·সং বাদিকে দাক্কে রি·ইংজক উনি বিদিংও নাম্মেদাক্কে চানচিএ নিবো। বুদ্ধিগ্রি মান্দিরাং গিত্তা রি·গিজা হা·আইগিবারাং গিত্তা রি·বো।

1 তীমথিয় 6:4

বিয়া মামুংখোন হা·আইজা; নিরিয়া আরো জিগ্রিকা জেদাক্কে বিনি গি·সা সাআ গিত্তা হং·আ। ইরাংনি বিথি হং·জক- মিকনেংআ, নিরিয়া, জিআ, ফত্তা,

ইব্রীয়রাংনা 11:8

ইসল জেনসালো অব্রাহামখো রিক্কামামিং উনো বিবিরা·আনি গিম্মিনান বিয়া ইসলনি খাৎথাখো মানিয়ামিং আরো গামজিন গিত্তা জে হা·দামখো বিনি মা·ন্না খাৎথা দংআমিং উয়া হা·দামচা বিয়া রি·য়াংআমিং। উনোবা বিয়া হা·আইখুজামিং বিয়া বাচ্চা রি·য়াংইংআ ইন্দাকোবা বিয়া রি·য়াংনা হং·খাতামিং।

ইব্রীয়রাংনা 5:9

ইন্দাকে জেনসালো বিয়া চু·সকাখো মান·জক উনো বিনি নিং·আও বামগিবা গিম্মিকনা বিয়া ফাংনাজলনা জক্কানি রামা হং·জক।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।

পিতর 4:17

বিচাল হং·আনি সাল সকজক আরো উয়া ইসলনি নকনি মান্দিরাংওনিন হং·বাচেংনুয়া। আরো উয়া বিচালখো আনচিংওনিন দাক্কোদে জেরাং ইসলনি হন·গিবা নাম্মা খাৎথাখো মানিয়ে রা·জাজক বিসংনি অবস্থা মুয়া হং·নুয়া?

২ পিতর 2:18

বিসং সেল·গিজা আরো দাল·বিয়া খু·সুকখো আগানা আরো মান্দিনি পাপ-বেওয়ালনি নামগিজা হা·সিকাখো মিকরাকেতি বিসং ইন্দাকা মান্দিরাংখো ব্রাংআ রামাচা রা·আংআ জেরাং খ্রাগিজাও দংখামগিবা মান্দিরাংওনি হং·খাতে রি·বানি রামাও দংআমিং।

ফারাকগিবা খাৎথা 18:3

মুয়ানা উয়া উনি থিল·লেকানি চুখো গিম্মিক জাতনান রিংনা হন·জক। হা·গিলসাকনি রাজারাং উমিং থিল·লেকজক, আরো হা·গিলসাকনি বাদিংগিবারাং উনি লাগামগ্রি হা·সিকাচা নকমা হং·জক।”

ফারাকগিবা খাৎথা 2:20

ইন্দাকোবা নাং·নি সাক্কাও আংনি ইয়া খাৎথাখো আগানানি দংআ, না·আ ঈষেবল মিংগিবা উয়া মিচিকনি খ্রাগিজা দাক্কাখো চাক্কিংজক। ইয়া ঈষেবল আন·থাংখো আগানসোগিবা ইন্নে আগানা। বিনি স্খিএতাচা বিয়া আংনি নকখলরাংখো ব্রাংএতা জেদাক্কে বিসং থি·ল্লেকা আরো মিত্তে বিমাংনা চিন·গিবা চা·আখো চা·আ।