গালাতীয়রাংনা 2:4 - Garo New Testament

⁴ বু·এ চা·গিবা মিত্তাম জংআদারাং সিউল দাক্কে নাপ্পানি গিম্মিন ইয়া খু·সুক হং·খাতামিং। খ্রীষ্ট যীশুও বিবিরা·গিবা গিত্তা চিংনি জাকগিত্তেলনি দোসখো রিম·না ইন্নেন বিসং সিউল নাপ্পামিং জেদাক্কে চিংখো নকখল থারিনা মা·ন্না।

গালাতীয়রাংনা 2:4 Iomraidhean Croise

লূকনি চকগিবা নাম্মা খাৎথা 5:38

গিত্তাল আংগুর বিৎচিখো গিত্তাল বিগিলনি দনচাক্রাওন দন্না নাংআ।

ওয়াত্তেতারাংনা 15:1

যিহূদিয়া হা·দকোনি মিত্তাম মান্দিরাং সিরিয়া হা·সংনি আন্তিয়খিয়াওনা রি·বাজক আরো বিবিরা·গিবা জংআদারাংনা ইন্দাকে স্খিনা হা·বাচেংজক, “মোশিনি নিয়াম গিত্তা না·সংখো বিগিল রাতজাওদে না·সং মামুং দাক্কেবা পাপওনি জকনা মান·জানুয়া।”

ওয়াত্তেতারাংনা 15:24

“চিংআ ইখো খিন্নানা মান·জক, চিংনি গিসেপোনি মিত্তামরাং রি·য়াংএ বাং·আখো আগানে না·সংনি গিসিকখো জাব্রাংএতে সা·দিকেতজক, ইন্দিবা চিংআ বিসংখো ইন্দাকে কাম দাকনা আগানজা।

ওয়াত্তেতারাংনা 20:30

আরো, না·সং আন·থাংথাংনি গিসেপোনি মান্দিরাং চাখাত্তে ইসলনি বিবিখো বু·না হাম·নুয়া জেদাক্কোদে বিবিরা·গিবারাংখো আন·থাংথাংচানা সাল্লাংনা মা·ন্না।

রোমানরাংনা 8:15

না·সংদে নকখলনি গিসিকখো মান·জা জেনি হা·সেল খেন্নুয়া; জে না·সংখো দেদ্রাং হং·খানা বিল হন·জক না·সং উয়া ইসলনি গিসিকখো মান·জক। উনি গিম্মিনান ইসলখো আনচিং আপফা ইন্নে রিক্কামা।

2য় করিন্থীয়রাংনা 11:13

চং·মতদে উয়ানদাকগিবা মান্দিরাং বু·এ চা·গিবা ওয়াত্তেতা আরো থকাই চা·গিবা কাম রিম·গিবা হং·আ। আন·থাংথাংখো খ্রীষ্টনি ওয়াত্তেতা ইন্নে ফিন্নিকনা বিসং আন·থাংথাংখো দিংথাং দাকফিলা।

2য় করিন্থীয়রাংনা 11:17

আংআ দা·আও গিত্তেলনি গি·য়েতা গিত্তা আগানজাংআ, ইন্দিবা আন·থাংনি গিম্মিন রাসং দাকনা রি·য়াংএ জাদা গিত্তান আগানিংআ।

2য় করিন্থীয়রাংনা 11:20

ইয়াসান হং·জা, সাবা না·সংখো নকখল দাক্কোদে, না·সংখো চু·গিম্মিক ব·ন্নেতোদে, না·সংখো জা·গাও গাল্লোদে, না·সংনি নকগিবা হং·ওদে বা না·সংনি নাথেংখো চরাইওদে, না·সং উরাংখোবা চাক্কা।

2য় করিন্থীয়রাংনা 11:26

আংআ হা·সং বাং·এ রোমজক। চি দা·ল্লানি গিম্মিন, রা·সেকে রা·গিবারাংনি গিম্মিন, আন·থাংনি জাতস্খা মান্দিরাংনি গিম্মিন আরো গিপ্পিন জাতরাংনি গিম্মিন আংআ হং·সিয়াও গা·আকজক। ইনাআগ্রে সংজিলমাও, হা·গিসি জওলো, সাগালও আরো বু·এ চা·গিবা জংআদারাংনি গিসেপোবা আংআ হং·সিয়াও গা·আকজক।

2য় করিন্থীয়রাংনা 3:17

ইয়া গিত্তেলান গিসিক রংথালগিবা হংআ; আরো জেওন গিত্তেলনি গিসিক উয়োন জাকগিত্তেল হং·আ।

গালাতীয়রাংনা 1:7

আসলদে উয়া নাম্মা খাৎথান হং·জা। ইন্দাকোবা মিত্তাম মান্দি দংআ জেরাং না·সংখো থম·থমে দংনা রন·জাংআ, আরো খ্রীষ্টনি নাম্মা খাৎথাখো দিংথাংএতনা হা·ম্মিংআ।

গালাতীয়রাংনা 4:25

আরব হা·সংনি সিনাই হা·ব্রিখো হাগার ইন্নে হা·আইয়া। হাগার দা·আওনি যিরূশালেমনি বিমাং গিত্তাবা হং·আ, মুয়ানা যিরূশালেম বিনি দেদ্রাংখো রা·এ নকখল হং·জক।

গালাতীয়রাংনা 4:3

উয়ানদাক্কেন আনচিংবা আনচিংনি চনমিত্তিংও হা·গিলসাকনি বাং·আ দাকবেওয়ালরাংনি নকখল হং·এ দংআমিং।

গালাতীয়রাংনা 5:1

খ্রীষ্ট আনচিংখো জাকগিত্তেল দাকজক জেদাক্কে আনচিং জাকগিত্তেল দংনা মা·ন্না। উনি গিম্মিন না·সং খেম·খেম দংবো, দারাংবা জেদাক্কে না·সংখো দা·আবা নকখল থারিনা মান·জা।

গালাতীয়রাংনা 5:10

না·সংনি গিম্মিনো গিত্তেলনি সাক্কাও আংআ ইন্দাকে বিবিরা·আ, না·সং আরবা দিংথাং চানচিয়াখো রা·চাকজানুয়া। ইন্দিবা জেআন না·সংখো খেম·খেম দংনা রন·জাংআ, বিয়া জেআন হং·খানাবো, বিয়া বিনি শাস্তি মা·ন্নানিখো মা·ন্নুয়া।

2 তীমথিয় 3:6

ইন্দাকা মান্দিরাংনি গিসেপো সাবা সাবা নকরিক্ষিতও নাপ্পে গিসিক নম·বকগিবা মিচিকরাংখো ব্রাংআ রামাচানা রা·আংআ। ইন্দাকা মিচিকরাংনি সাক্কাও পাপ গাপ্পে দংআ; বিসং বাং·আ নামগিজা হা·সিকারাংচা রি·য়া।

যাকোব 1:25

ইন্দিবা মান্দিখো জক্কেৎনা জে চু·সকগিবা নিয়াম দংআ উখো নাম্মে গিসিক নাংএ নিগিবাদে উয়া নিয়ামখো খিন্নারিন গুয়ালগিজা বাত্তেসা উগিত্তা কামখোবা খা·আ। ইন্দাকে বিয়া আন·থাংনি কামরাংনি গিম্মিন ফাৎথিয়াখো মা·ন্না।

পিতর 2:16

জাকগিত্তেল মান্দি গিত্তা জাংগি মিৎথাংবো, ইন্দিবা নামগিজাখো ফিনদাপনা দা·আ উয়া জাকগিত্তেলখো জাকখালাবো। উনা বাত্তে ইসলনি নকখল হং·এ জাংগি মিৎথাংবো।

২ পিতর 2:19

উয়া বু·এ চা·গিবা স্খিগিবারাং উয়া মান্দিরাংনা জাকগিত্তেলখো র·ন্না খু·রাচাক্কোবা, ইন্দিবা আন·থাংথাংদে নামজাস্রাং কামনি নকখল হং·আ; মুয়ানা সাবা মামুংও হামজাওদে বিয়া উনি নকখল হং·আ।

1 যোহন 4:1

খা·সাগিবা বি·সারাং, না·সং গিম্মিক গিসিকখো দা·আ বিবিরা·আ; বাত্তেসা বিসং ইসলওনি রি·বামা রি·বাজা উখো থিকখেলে নিবো, মুয়ানা হা·গিলসাকো বু·এ চা·গিবা আগানসোগিবারাং বাং·এ হং·খাতজক।

যিহূদা 1:4

ইয়াদে নাংআসা, মুয়ানা জে মান্দিরাংনি শাস্তিনি গিম্মিনো স্খাংআন শাস্ত্রও চক্কামিং বিসং না·সংনি গিসেপো স্রক স্রক দাক্কে নাপজক। ইসলনা ইয়া মান্দিরাংনি খা·ফাকা দংজা; আনচিংনি ইসলনি খা·সাচাক্কাখো বিসং নামজাস্রাংনি মিংসা ফা·সিকা ইন্নে চানচিয়া আরো জেআন আনচিংনি সাকসা খাম·খাম নকগিবা আরো গিত্তেল হং·আ উয়া যীশু খ্রীষ্টখো বিসং জিচাকা।