গালাতীয়রাংনা 2:2 - Garo New Testament

² ইসলনি হা·সিকা ফারাকানি জা·মানো আংআ উয়োনা রি·য়াংজক। জে নাম্মা খাৎথাখো গিপ্পিন জাতরাংচা আংআ আগানফ্রাকা উখো আগানজক। মন্ডলীনি দা·ল্লা-রাক্কা মান্দিরাংনা উরাংখো সিউলেন আগানজক, মুয়ানা আংআ ইন্দাকারি গাম্মিংজকখন ইন্নে আংআ খেন্নিংজকমিং।

গালাতীয়রাংনা 2:2 Iomraidhean Croise

মথিনি চকগিবা নাম্মা খাৎথা 10:16

“নিবো, মাৎচা হা·রেকনি গিসেপো মেষরাং গিত্তা আংআ না·সংখো ওয়াত্তেতিংআ। উনি গিম্মিন চিপ্পু গিত্তা সিমসাকবিগিবা আরো কইতর গিত্তা সনথলগিবা হং·বো।

ওয়াত্তেতারাংনা 15:12

উনোন খ্রিমানি গিম্মিকান স্রক দংজক আরো পৌল আরো বার্ণবা গিত্তা ইসল গিপ্পিন জাতরাংও জে আইয়াও ইনমানগিবা কামরাংখো দাক্কামিং উখো বিসংনি খু·সুকচান খিন্নানা হা·বাচেংজক।

ওয়াত্তেতারাংনা 15:2

উনি গিম্মিন পৌল আরো বার্ণবামুং ইয়া মান্দিরাং নাম্মেন ইনগ্রিকজক। জা·মানো ইন্দাকে থিক হং·জক, পৌল আরো বার্ণবা আন্তিয়খিয়ানি মিত্তাম বিবিরা·গিবারাংখো রা·এ যিরূশালেমচানা রি·য়াংনুয়া আরো ওয়াত্তেতারাংমুং আরো মন্ডলীনি দাল·গিবারাংমুং ইনি গিম্মিন খাৎথা আগান্নুয়া।

ওয়াত্তেতারাংনা 15:4

পৌল আরো বার্ণবা যিরূশালেমচানা রি·বাও মন্ডলীনি মান্দিরাং, দাল·গিবারাং আরো ওয়াত্তেতারাং বিসংখো রা·চাকজক। বিসংচা ইসল জেখো দাক্কামিং উয়া গিম্মিকখোন বিসং গিম্মিকনা আগানজক।

ওয়াত্তেতারাংনা 18:9

সালসা ওয়াল্লো গিত্তেল মিকজুমাংচা পৌলনা ইন্দাকে আগানজক, “দা·আ খেন্নাবো, খু·সুক আগানবো, দা·আ স্রক দংআবো;

ওয়াত্তেতারাংনা 23:11

সালগিপ্পিনো ওয়াল্লো গিত্তেল পৌলনি কেচ্চিও চাদেংএ ইনজক, “দা·আ খেন্নাবো, যিরূশালেমো আংনি গিম্মিন নাং·নি সাক্ষি হ·ন্না গিত্তা রোমচাবা নাং·নি সাক্ষি হ·ন্না নাংনুয়া।”

ওয়াত্তেতারাংনা 5:34

ইন্দিবা গমলীয়েল মিংগিবা ফরীশীরাংনি মান্দি সাকসা দাল·বাৎগিবা খ্রিমাও চাদেংজক। বিয়া সাকসা শাস্ত্র স্খিগিবামিং আরো মান্দি গিম্মিকান বিখো মান্দিরা·নুয়ামিং। বিয়া ওয়াত্তেতারাংখো দিক্‌দিক্‌সানা হা·ফালচা রা·আংখানা গি·য়েৎজক।

রোমানরাংনা 9:16

ইন্দাকোদে ইয়া দারাংনি হা·সিকানি সাক্কাও ফাংচাকজা, ইসলনি খা·সাচাক্কাওন ফাংচাকা।

1ম করিন্থীয়রাংনা 1:23

ইন্দিবা আনচিং চিসলো দাৎখাপা মান·গিবা খ্রীষ্টনি খাৎথাখো আগানফ্রাকা। উয়া খাৎথা যিহূদীরাংনা চাংফেংআনি আরো গিপ্পিন জাতরাংনা গক্কানি হং·আ,

1ম করিন্থীয়রাংনা 2:2

না·সংমুং দংমিত্তিংও আংআ যীশু খ্রীষ্টখো, আগানস্খাওদে চিসলো দাৎখাপগিবা যীশু খ্রীষ্টখো হা·আইয়ানি আগ্রে মামুংখোবা হা·আইজানুয়া ইন্নে আংআ থিক দাক্কামিং।

1ম করিন্থীয়রাংনা 9:24

না·সং হা·আইজামা খাত্তে খা·ল্লাও গিম্মিকান খাত্তা ইন্দিবা সাকসাসান বকসিসখো মা·ন্না? না·সং বকসিসখো মা·ন্না গিত্তা খাতবো।

1ম করিন্থীয়রাংনা 9:26

উনি গিম্মিন মিকসংআগ্রি আংআ খাতজা। বাংবাং হা·দামও দক্কে জাকথমে দকগ্রিকগিবা গিত্তা আংআ হং·জা।

2য় করিন্থীয়রাংনা 12:1

আংনি দা·আবা অকখিসা রাসং দাকনা নাংইংজক। ইনি হা·সেল মামুংখো মান·দাপজাওবা জে মিকজুমাংরাংখো গিত্তেল আংনা ফিন্নিকজক আরো জেরাংখো আংনা ফারাকজক উরাংনি গিম্মিন আংআ দা·আও আগান্নুয়া।

গালাতীয়রাংনা 1:12

আংআ মান্দিচাখো উখো মান·জা বা দারাংবা আংনা উখো স্খিজা, বাত্তেসা যীশু খ্রীষ্ট আন·থাংআন আংনা উখো ফারাকামিং।

গালাতীয়রাংনা 1:16

জেদাক্কে আংআ গিপ্পিন জাতরাংচা খ্রীষ্টনি নাম্মা খাৎথাখো আগানফ্রাকা, ইনি গিম্মিন জেনসালো ইসল বিনি হা·সিকা গিত্তা বিনি দেফান্থিখো আংনা ফারাকজক উনো আংআ সাকসা মান্দিমুংবা খু·ফাত্তিজাজক।

গালাতীয়রাংনা 1:6

খ্রীষ্টনি খা·সাচাক্কাও জেআন বিনি আন·থাংনি মান্দি হং·খানা না·সংখো রিক্কামামিং, না·সং ইন্দাকে থেংরিন বিখো ওয়াত্তে দিংথাং দাকগিবা নাম্মা খাৎথাচা না·সংনি গিসিক সকজক ইখো নিক্কে আংআ আইয়াও ইনমানিংজক।

গালাতীয়রাংনা 2:6

মন্ডলীনি মংসংগিবা মান্দিরাং নাম্মা খাৎথানি গিম্মিন গিত্তাল দাক্কে মামুংখোন আংনা আগানজা। বিসং জেবা হং·খানা উনা আংনি মামুংআন হং·জা। ইসল হা·ফালনি মিকখাং-বিমাংখো নিএ বিচাল দাকজা।

গালাতীয়রাংনা 2:9

উয়া দা·ল্লা-রাক্কা মান্দিরাং, আগানস্খাওদে যাকোব, পিতর আরো যোহন ইরাংখো নিক্কে হা·আইনা মা·ন্নামিং, ইসলচাখো আংআ মংসংগিবা খা·সাচাক্কাখো মা·ন্না। বিসংমুং চিংনি নাংরিমাখো ফিন্নিকনা ইন্নে বিসং আংমুং আরো বার্ণবামুং জাক্রা জাকখো মেলিগ্রিকেতজক। চিংআ গিপ্পিন জাতরাংচা রি·য়াংনুয়া আরো বিসং আন·থাং যিহূদীরাংচা রি·য়াংনুয়া ইন্নে বিসং গং·জক।

গালাতীয়রাংনা 5:7

না·সংদে নাম্মেদাক্কেন রি·ইংআমিং; ইন্দাকোদে বিবিখো মানিয়ে দংনা না·সংখো সা চাংফেংজক?

ফিলিপীয়রাংনা 2:29

ইনি গিম্মিন গিত্তেলনি মান্দি গিত্তা চু·গিম্মিক হান·সেংআও বিখো রা·চাকবো, আরো ইন্দাকগিবা মান্দিরাংখো না·সং মান্দিরা·বো।

1 থিষলনীকী 3:5

উনি গিম্মিন জে সময়ও আংআ আরবা চাকনা মান·জাজক উনো বিবিরা·আও না·সং বাদাকা অবস্থাও দংআ উখো হা·আইনা ইন্নেন তীমথিয়খো ওয়াত্তেতামিং। শয়তান না·সংখো মাদ্দুয়েতজকখোন আরো চিংনি গাম্মা ইন্দাকারি হং·জকখোন ইন্নে আংআ খেন্নিংআমিং।

2 তীমথিয় 4:7

খ্রীষ্টনা চাক্কে আংআ সিমাংথাংমাং দাকগ্রিকজক, আংনা থিক দাকগিবা রামানি বন·চতাওনা দিপ্পাৎ খাতজক আরো খ্রীষ্টনি থরমনি বিবিরা·আখো রি·ম্মে রা·রিকজক।

ইব্রীয়রাংনা 12:1

ইন্দাকোদে নিকনা মা·ন্না, ইসলনা বিবিরা·না খ্রাগিবানি সাক্ষি গিত্তা বাং·আ মান্দিরাং আনচিংখো উইলউইলে দংআ। ইনি গিম্মিন হাই, আনচিং গিম্মিক চাংফেংআখো আরো জে পাপ আনচিংখো রিম·চিখাপা উখো চে·ল্লাচা জিত্তেতি মিকখাংনি খাতসুসাও চাকচিকে খাতনা।