গালাতীয়রাংনা 1:7 - Garo New Testament

⁷ আসলদে উয়া নাম্মা খাৎথান হং·জা। ইন্দাকোবা মিত্তাম মান্দি দংআ জেরাং না·সংখো থম·থমে দংনা রন·জাংআ, আরো খ্রীষ্টনি নাম্মা খাৎথাখো দিংথাংএতনা হা·ম্মিংআ।

গালাতীয়রাংনা 1:7 Iomraidhean Croise

মথিনি চকগিবা নাম্মা খাৎথা 24:24

মুয়ানা উনসালো বাং·এন বু·এ চা·গিবা খ্রীষ্ট আরো বু·এ চা·গিবা আগানসোগিবা রি·বানুয়া আরো দা·ল্লা আইয়াও ইনমানগিবা চিননি কামরাংখো দাকনুয়া জেদাক্কে মা·ন্নোদে ইসলনি বাচ্ছিয়ে দনগিবা মান্দিরাংখোবা বিসং ব্রাংএতনা মা·ন্না।

ওয়াত্তেতারাংনা 13:10

“না·আ শয়তাননি দে আরো নামগিবারাংনি বোবিল হং·আ। নাং·ও দাক্কামব্রুআনি আরো থগিয়ানি দংআ। গিত্তেলনি স্রংগিবা রামাখো গংগিয়েতাখো না·আ মামুং সালোবা দনজানাজকমা?

ওয়াত্তেতারাংনা 15:24

“চিংআ ইখো খিন্নানা মান·জক, চিংনি গিসেপোনি মিত্তামরাং রি·য়াংএ বাং·আখো আগানে না·সংনি গিসিকখো জাব্রাংএতে সা·দিকেতজক, ইন্দিবা চিংআ বিসংখো ইন্দাকে কাম দাকনা আগানজা।

ওয়াত্তেতারাংনা 20:30

আরো, না·সং আন·থাংথাংনি গিসেপোনি মান্দিরাং চাখাত্তে ইসলনি বিবিখো বু·না হাম·নুয়া জেদাক্কোদে বিবিরা·গিবারাংখো আন·থাংথাংচানা সাল্লাংনা মা·ন্না।

2য় করিন্থীয়রাংনা 11:13

চং·মতদে উয়ানদাকগিবা মান্দিরাং বু·এ চা·গিবা ওয়াত্তেতা আরো থকাই চা·গিবা কাম রিম·গিবা হং·আ। আন·থাংথাংখো খ্রীষ্টনি ওয়াত্তেতা ইন্নে ফিন্নিকনা বিসং আন·থাংথাংখো দিংথাং দাকফিলা।

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 4:2

মান্দিরাং থুম্মুয়ে খ্রাচা·আনি জে কামরাংখো দাক্কা চিংআ উরাংখো রেকথেক দাকজা। চিংআ কামরাংও বু·আনি মামুংখো দাকজা, ইসলনি খাৎথাও মামুং বু·আনিখো দনজা। বাত্তেসা চিংআ ইসলনি বিবিখো ফারাকে বিনি মিকখাংওন মান্দি গিম্মিকনি গিসিকচা আন·থাংথাংখো রা·চাকনা খ্রাগিবা দাক্কে ফিন্নিকা।

গালাতীয়রাংনা 1:6

খ্রীষ্টনি খা·সাচাক্কাও জেআন বিনি আন·থাংনি মান্দি হং·খানা না·সংখো রিক্কামামিং, না·সং ইন্দাকে থেংরিন বিখো ওয়াত্তে দিংথাং দাকগিবা নাম্মা খাৎথাচা না·সংনি গিসিক সকজক ইখো নিক্কে আংআ আইয়াও ইনমানিংজক।

গালাতীয়রাংনা 2:4

বু·এ চা·গিবা মিত্তাম জংআদারাং সিউল দাক্কে নাপ্পানি গিম্মিন ইয়া খু·সুক হং·খাতামিং। খ্রীষ্ট যীশুও বিবিরা·গিবা গিত্তা চিংনি জাকগিত্তেলনি দোসখো রিম·না ইন্নেন বিসং সিউল নাপ্পামিং জেদাক্কে চিংখো নকখল থারিনা মা·ন্না।

গালাতীয়রাংনা 4:17

উয়া সাকগিপ্পিন মান্দিরাং না·সংনি গিম্মিন খা·দংজক, ইন্দিবা উয়াদে নাম্মাখো মিকসংএ হং·জা। বিসং আংচানিখো না·সংখো ফি·ল্লেতনা হা·ম্মা, জেদাক্কে না·সং বিসংনা খা·দংআ।

গালাতীয়রাংনা 5:10

না·সংনি গিম্মিনো গিত্তেলনি সাক্কাও আংআ ইন্দাকে বিবিরা·আ, না·সং আরবা দিংথাং চানচিয়াখো রা·চাকজানুয়া। ইন্দিবা জেআন না·সংখো খেম·খেম দংনা রন·জাংআ, বিয়া জেআন হং·খানাবো, বিয়া বিনি শাস্তি মা·ন্নানিখো মা·ন্নুয়া।

গালাতীয়রাংনা 5:12

জেরাং না·সংখো গোলমালও গাল্লিংআ, বিসং আন·থাংথাংখো খাসি দাক্কে গালখানা ইখো আংআ হা·ম্মা।

গালাতীয়রাংনা 6:17

বন·চতাচা আগান্না, দারাংবা আংখো নেং·এতজাখানা, মুয়ানা যীশুখো দক্কানি চিনখো আংআ আন·থাংনি বে·এনো রা·বিতে রি·ইংজক।

2 তীমথিয় 2:18

বিসং ইসলনি বিবিওনি চে·ল্লাংজক। বিসং আগানা, বিবিরা·গিবারাংনি সিয়াওনি থাংচাফিল্লা স্খাংআন হং·জক। ইরাং সানি সানি বিবিরা·আখো নাসিয়েতজক।

1 যোহন 2:26

জেরাং না·সংখো ব্রাংগিবা রামাচানা রা·আংনা হা·ম্মিংআ বিসংনি গিম্মিনো আংআ না·সংচা ইরাংখো চকজক।

1 যোহন 4:1

খা·সাগিবা বি·সারাং, না·সং গিম্মিক গিসিকখো দা·আ বিবিরা·আ; বাত্তেসা বিসং ইসলওনি রি·বামা রি·বাজা উখো থিকখেলে নিবো, মুয়ানা হা·গিলসাকো বু·এ চা·গিবা আগানসোগিবারাং বাং·এ হং·খাতজক।

2 যোহন 1:10

দারাংবা না·সংচা রি·বাএ উখো স্খিএতজাওদে ইন্দিদে না·সংনি নক্কো বিখো দা·আ নকচাকাবো আরো দা·আ সালামবা হ·ন্নাবো।

2 যোহন 1:7

হা·গিলসাকো ইন্দাকা বাং·আ মান্দি হং·খাতজক জেরাং দাক্কামব্রুএ রওমিংআ। যীশু খ্রীষ্ট মান্দি হং·এ রি·বামিং বিসং উখো খু·রাচাকজা। ইন্দাকা মান্দিরাংআন দাক্কামব্রুগিবা আরো খ্রীষ্টনি বোবিল হং·আ।

যিহূদা 1:4

ইয়াদে নাংআসা, মুয়ানা জে মান্দিরাংনি শাস্তিনি গিম্মিনো স্খাংআন শাস্ত্রও চক্কামিং বিসং না·সংনি গিসেপো স্রক স্রক দাক্কে নাপজক। ইসলনা ইয়া মান্দিরাংনি খা·ফাকা দংজা; আনচিংনি ইসলনি খা·সাচাক্কাখো বিসং নামজাস্রাংনি মিংসা ফা·সিকা ইন্নে চানচিয়া আরো জেআন আনচিংনি সাকসা খাম·খাম নকগিবা আরো গিত্তেল হং·আ উয়া যীশু খ্রীষ্টখো বিসং জিচাকা।

ফারাকগিবা খাৎথা 12:9

উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।

ফারাকগিবা খাৎথা 13:14

উয়া স্খাংগিবা মাৎবুরুংনি হং·এ জে আইয়াও ইনমানগিবা কামরাংখো দাকনা বিনা বিলখো হন·নামিং বিয়া উরাংখো দাক্কে মান্দিরাংখো ব্রাংগিবা রামাচানা রা·আংনা হা·বাচেংজক। স্খাংগিবা মাৎবুরুং জেআন মিল্লামচা মাত্তাখো মান·নেবা থাংএ দংআমিং, গ্মিগিবা মাৎবুরুং মান্দিরাংনা আগানজক জেদাক্কে বিসং বিনি গি·সা বিমাংখো থারিয়া।

ফারাকগিবা খাৎথা 19:20

উয়া মাৎবুরুংখো রিম·জক আরো জে দাকমিকগিবা আগানসোগিবা বিনি হং·এ আইয়াও ইনমানগিবা কামখো দাকনুয়ামিং বিখোবা রিম·জক। জেরাং উয়া মাৎবুরুংনি চিনখো রা·আমিং আরো বিনি বিমাংখো অলাখিয়ামিং উয়া দাকমিকগিবা আগানসোগিবা উয়া আইয়াও ইনমানানি কামরাংচা বিসংখো ব্রাংএতে দন্নামিং। চিং·গিবা গন্ধকনি ওয়া·আলনি চিও থাংআ অবস্থাও ইয়া সাকগ্মিখো গাল্লেতজক।

ফারাকগিবা খাৎথা 2:2

আংআ নাং·নি কাম, গাম্মা আরো চাকচিকানি খাৎথাখো হা·আইয়া। আংআ হা·আইয়া না·আ নামগিজা মান্দিরাংখো চাকনা মান·জা, আরো জেরাং ওয়াত্তেতা হং·জাওবা আন·থাংখো ওয়াত্তেতা ইন্নে দাবি দাক্কা বিসংখো রুরাএ নিজক আরো বিসং বু·এ চা·গিবা হং·আ ইখোবা নিকনা মান·জক।

ফারাকগিবা খাৎথা 2:20

ইন্দাকোবা নাং·নি সাক্কাও আংনি ইয়া খাৎথাখো আগানানি দংআ, না·আ ঈষেবল মিংগিবা উয়া মিচিকনি খ্রাগিজা দাক্কাখো চাক্কিংজক। ইয়া ঈষেবল আন·থাংখো আগানসোগিবা ইন্নে আগানা। বিনি স্খিএতাচা বিয়া আংনি নকখলরাংখো ব্রাংএতা জেদাক্কে বিসং থি·ল্লেকা আরো মিত্তে বিমাংনা চিন·গিবা চা·আখো চা·আ।

ফারাকগিবা খাৎথা 2:6

ইন্দিদে নাং·নি ইয়া মিংসা গুণ দংআ, নীকলায়তীয়েরাং জেখো দাক্কা উনা না·আ মিৎচিয়া, আরো আংআবা উনা মিৎচিয়া।