গালাতীয়রাংনা 1:4 - Garo New Testament

⁴ আনচিংনি ইসল আরো ফাগিবানি হা·সিকা গিত্তা খ্রীষ্ট আনচিংনি পাপনি গিম্মিন জাংগিথাংখো হন·চাকামিং, জেদাক্কে বিয়া দা·আওনি ইয়া নামগিজা হা·গিলসাকনি জাকনিখো আনচিংখো জক্কেৎনা মা·ন্না।

গালাতীয়রাংনা 1:4 Iomraidhean Croise

মথিনি চকগিবা নাম্মা খাৎথা 13:22

বুসুগ্রিমো গা·আকগিবা বিৎচ্রিচা বিসংখোন আগানজক জেরাং উয়া খাৎথাখো খিন্না, ইন্দিবা নকদাংনা চানচিয়ারাং আরো গামজিননা খা·ফাকারাং উয়া খাৎথাখো দিকফ্রিপে দন্না। উনি গিম্মিন উনো মামুং বিথি নাংজা।

মথিনি চকগিবা নাম্মা খাৎথা 20:28

গিসিক রা·বো, মান্দিনি দেফান্থি দাকচাকে হ·ন্নাখো মা·ন্না রি·বাজা ইন্দিবা দাকচাকে হ·ন্নাসা রি·বাআ আরো বাং·বিয়া মান্দিরাংখো পাপওনিখো জক্কেৎনা ইন্নে বিসংনি জাংগিনি ফাল আন·থাংনি জাংগিখো হন·চাকনা রি·বাজক, ইখো গিসিক রা·বো।”

মথিনি চকগিবা নাম্মা খাৎথা 26:28

মুয়ানা ইয়ান আংনি হান·চি জেখো পাপনিখো ক্ষেমা মান·খানা ইন্নে বাং·আনা হ·ন্নুয়া। মান্দিনি গিম্মিন ইসলনি গিত্তাল খু·রাচাক্কানি আংনি ইয়া হান·চিওন দংনুয়া।

মথিনি চকগিবা নাম্মা খাৎথা 26:42

বিয়া রি·য়াংফিল্লে রাং·গ্মিগিবাও বি·এ আগানজক, “আপফা, আংনি রা·চাকজানা ইয়া দুকনি রিংচাক্রা চে·ল্লাংজাওদে ইন্দাকোদে নাং·নি হা·সিকা গিত্তান হং·খানা।”

মথিনি চকগিবা নাম্মা খাৎথা 6:9

উনি গান্দা না·সং ইন্দাকে বি·বো: ও সালগিও দংগিবা চিংনি ফাগিবা, নাং·নি বিমুংখো রংথালা ইন্নে ইনথকনা।

মার্ক 10:45

ইখো গিসিক রা·বো, মান্দিনি দেফান্থি দাকচাকে হ·ন্নাখো মা·ন্না রি·বাজা ইন্দিবা দাকচাকে হ·ন্না রি·বাআ আরো বাং·আ মান্দিরাংনি জক্কানি গামচাতানি খ্রি বিসংনি জাংগিনি ফাল জাংগিথাংখো হন·চাকনা রি·বাআ।’’

লূকনি চকগিবা নাম্মা খাৎথা 22:19

জা·মানো বিয়া রুটিখো রা·এ ইসলখো মিৎথেলজক। জা·মানো উয়া রুটিখো ফি·থংথাংএ জা·রিকগিবারাংনা হ·ন্নে আগানজক, “ইয়া আংনি বে·এন জেখো না·সংনা হ·ন্নুয়া। আংখো গিসিক রা·না ইন্দাকে দাকবো।”

লূকনি চকগিবা নাম্মা খাৎথা 22:42

“আপফা, না·আ হা·সিকোদে দুকনি ইয়া রিংচাক্রাখো আংওনি রা·আংবো। ইন্দাকোবা আংনি হা·সিকা গিত্তা হং·জা, নাং·নি হা·সিকা গিত্তান হং·খানা।”

যোহননা 10:11

“আংআন নামগিবা রাক্ষুয়াল। নামগিবা রাক্ষুয়াল বিনি মেষরাংনা জাংগিথাংখো হন·চাক্কা।

যোহননা 12:31

ইয়া হা·গিলসাকনি মান্দিরাংখো বিচাল দাক্কানি সাল দা·আও সকবাজক, আরো হা·গিলসাকখো শাসন দাকগিবাখো দা·আও হা·রিকেতনুয়া।

যোহননা 5:30

আংআ আন·থাংওনি মামুংখোবা দাকনা মান·জা; জেদাক্কে খিন্না উগিত্তান বিচাল দাক্কা। আংআ খাকখেৎ দাক্কে বিচাল দাক্কা, মুয়ানা আংআ আংনি হা·সিকা গিত্তা কাম দাকনা হাম·জা ইন্দিবা আংখো ওয়াত্তেতগিবানি হা·সিকা গিত্তান কাম দাকনা হা·ম্মা।

যোহননা 6:38

মুয়ানা আংআ আংনি হা·সিকা গিত্তা কাম দাকনা রি·বাজা, ইন্দিবা আংখো ওয়াত্তেতগিবানি হা·সিকা গিত্তা কাম দাকনা সালগিওনি রি·বাজক।

রোমানরাংনা 1:7

রোম সংজিলমাও জে মান্দিরাংখো ইসল খা·সাজক আরো বিনি আন·থাংনি মান্দি হং·না রিক্কামজক বিসং গিম্মিকচান, আগানস্খাওদে না·সংচান আংআ ইয়া চিঠিখো চক্কিংজক। আনচিংনি ফা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

রোমানরাংনা 12:2

ইয়া নামগিজা হা·গিলসাকনি রি·য়া-দোআরাংও না·সং আন·থাংথাংখো দা·আ রিপ্পেতাবো, বাত্তেসা ইসলচা না·সংনি গিসিকখো গিত্তাল দাক্কে থারিনা হ·ন্নে চু·গিম্মিক দাক্কে গিত্তাল হং·বো, জেদাক্কে না·সং ইসলনি হা·সিকাখো হা·আইনা মা·ন্না। ইসলনি হা·সিকা নাম্মা, চু·সকগিবা আরো উয়া বিনা খুসি হং·বিয়ানি হং·আ।

রোমানরাংনা 4:25

আনচিংনি পাপনি হা·সেল যীশুখো সিয়ানি জাক্কো হ·ন্নামিং আরো আনচিংখো দোসগ্রি ইন্নে রা·চাকনা বিখো সিয়াওনি থাংচাএতামিং।

রোমানরাংনা 8:27

মান্দিনি খা·থংখো সান্দিয়ে নিগিবা গিসিক রংথালগিবানি খাৎথাখোবা হা·আইয়া, মুয়ানা গিসিক রংথালগিবা ইসলনি হা·সিকা গিত্তান ইসলনি মান্দিরাংনা মল·মলচাকা।

রোমানরাংনা 8:3

মান্দিনি পাপ-বেওয়ালনি হা·সেল নিয়াম বিলগ্রি হং·জকমিং, আরো উনি গিম্মিন নিয়াম জেখো দাকনা মান·জাজক ইসল আন·থাং উখো দাকজক। পাপখো হা·রিকেতনা বিয়া আন·থাংনি দোসগ্রি দেফান্থিখো মান্দিনি গিসিকখো হ·ন্নে ওয়াত্তেতজক আরো বিনি দেফান্থিনি সিয়াও পাপখো বিচাল দাক্কে উনি বিলখো হা·রিকজক।

রোমানরাংনা 8:32

ইসল আন·থাংনি দেফান্থিখোবা ওয়াতজাজক ইন্দিবা আনচিং গিম্মিকনা বিখো সিয়ানি জাক্কো হন·চাকজক। ইন্দাকোদে বিয়া দেফান্থিমুং আরোবা গিম্মিকখোবা হন·চাকজানুয়ামা?

1ম করিন্থীয়রাংনা 15:3

আংআ আন·থাং জেখো মান·জক উখো নাংবাতা গিত্তা না·সংনাবা হন·জক। উয়া বিদিং হং·জক ইয়ান-রংথালগিবা শাস্ত্রনি আগানা গিত্তা খ্রীষ্ট আনচিংনি পাপনি গিম্মিন সিয়ামিং,

2য় করিন্থীয়রাংনা 4:4

বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

গালাতীয়রাংনা 2:20

আংখো খ্রীষ্টমুং চিসলো দাৎখাপজক। উনি গিম্মিন দা·আওদে আংআ থাংএ দংজা, খ্রীষ্টআন আংও থাংএ দংআ। দা·আও ইয়া বে·এনো আংআ জে জাংগিখো মিৎথাংএতিংআ উখো ইসলনি দেফান্থিখো বিবিরা·আচান মিৎথাংএতিংজক। বিয়া আংনা খা·সাএ আংনি গিম্মিন আন·থাংখো হন·চাকামিং।

গালাতীয়রাংনা 6:14

গিত্তেল যীশু খ্রীষ্টনি চিসলনা আগ্রে আংআ জেদাক্কে দিংথাং মামুংওবা রাসং দাকজা। ইয়া চিসলোন হা·গিলসাক আংচা সিজক আরো আংআবা হা·গিলসাকচা সিজক।

ইফিষীয়রাংনা 1:11

ইসল বিনি বিচালচা আন·থাংনি হা·সিকা গিত্তান গিম্মিক কামখো দাক্কা। বিনি মিকসংআ গিত্তা বিয়া স্খাংআন জেখো থারিয়ে দনসোআমিং উগিত্তান খ্রীষ্টও বিনি আন·থাংনি মান্দি হং·না বিয়া আনচিংখো বাচ্ছিয়ে রা·জক।

ইফিষীয়রাংনা 2:2

হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।

ইফিষীয়রাংনা 5:16

না·সংনি জাক্কো নাম্মা কামখো দাক্কানি জে চল দংআ উখো চু·গিম্মিক দাক্কে দাকবো, মুয়ানা ইয়া চাসংদে নামজা।

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

ইফিষীয়রাংনা 6:12

আনচিংনি ইয়া দাকগ্রিকা মান্দিনি সাক্কাওদে হং·জা, বাত্তেসা উয়া আন্দালানি সংনকখো শাসন দাকগিবা আরো বিলখো মান·রিকগিবারাংনি সাক্কাও, আন্দালা হা·গিলসাকনি বিল্লাকগিবা গিসিকরাংনি সাক্কাও, আরো সিলগানি গিম্মিক গিসিক নামগিজাগিবারাংনি সাক্কাও।

ফিলিপীয়রাংনা 4:20

চাসংওনি চাসংওনা দিপ্পাৎ ফাংনাজলনা আনচিংনি ফাগিবা ইসলনি রাসং হং·খানা। আমেন।

1 থিষলনীকী 1:3

বিবিরা·আনি গিম্মিন না·সং জে কামখো দাক্কিংজক, খা·সানি গিম্মিন জেদাক্কে গাম্মিংজক আরো আনচিংনি গিত্তেল যীশু খ্রীষ্টনি সাক্কাও খা·দংআনি গিম্মিন জেদাক্কে চাকচিকিংজক, উখো চিংআ ফাংনান আনচিংনি ফাগিবা আরো ইসলনি মিকখাংও বি·আও গিসিক রা·আ।

1 থিষলনীকী 3:11

আনচিংনি ফাআ আরো ইসল আন·থাং আরো আনচিংনি গিত্তেল যীশু জেদাক্কে না·সংচা রি·য়াংআনি রামাখো থারিয়ে হ·ন্না।

1 থিষলনীকী 3:13

ইন্দাকোদে বিয়া না·সংনি খা·থংখো খেম·খেমেতনুয়া, জেদাক্কে আনচিংনি গিত্তেল যীশু জেনসালো বিনি গিম্মিক মান্দিরাংখো রিমবাফানুয়া উনো আনচিংনি ফাআ আরো ইসলনি মিকখাংও না·সং খাকখেৎ আরো রংথালবো।

2 থিষলনীকীয়রাংনা 2:16

আনচিংনি গিত্তেল যীশু খ্রীষ্ট আন·থাং আরো আনচিংনি ফাগিবা ইসল না·সংনি খা·থংও খা·দংএতখানা আরো গিম্মিক নাম্মা কামও আরো খাৎথাও না·সংখো খেম·খেম দনখানা। বিয়ান চিংনা খা·সাজক আরো খা·সাচাক্কে বন·চাংগিজা দিদিআখো আরো হান·সেংআ গাপ্পা খা·দংএতাখো হন·জক।

1 তীমথিয় 2:6

বিয়া দিমদাক মান্দিখো জক্কেৎনা জাংগিথাংখো হন·চাকামিং। ইসলনি থিক দাকসোগিবা সময়ও উনি গিম্মিনো সাক্ষি হন·জক,

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

ইব্রীয়রাংনা 2:5

রি·বাগিবা চাসংনি জে হা·গিলসাকনি খাৎথাখো চিংআ আগানিংজক, ইসল উখো সা·গ্রেরাংনি নিং·আও দনজা।

ইব্রীয়রাংনা 6:5

ইসলনি খিন্নাথোগিবা খাৎথানি থোআখো মান·জক আরো জে চাসং রি·বাংজক উনি বিলনি বিদিংও হা·আইজক,

ইব্রীয়রাংনা 9:14

ইন্দিবা জেআন ফাংনাজলনি গিসিক রংথালগিবা গিত্তা ইসলচা আন·থাংখো খাকখেৎ বলি গিত্তা হন·চাকজক উয়া যীশুনি হান·চি আনচিংনি গিসিকখো বিথিগ্রি কামওনি আরোবা বাসিক বাং·এ রংথালেতনুয়া, জেদাক্কে আনচিং থাংগিবা ইসলনা দাকচাকে হ·ন্না মা·ন্না!

যাকোব 4:4

বিবিরা·গিজাগিবা মান্দিরাং! হা·গিলসাকনি রিপ্পেং হং·আদে ইসলনি বোবিল হং·আ, ইখো না·সং হা·আইজামা? উনি গিম্মিন জে মান্দি হা·গিলসাকনি রিপ্পেং হং·না হা·সিকা বিয়াদে আন·থাংখো ইসলনি বোবিল দাক্কে থারিয়ে রা·আ।

পিতর 2:24

বিয়া চিসলনি সাক্কাও আন·থাংনি বে·এনো আনচিংনি পাপনি বোজাখো রিপ্পিএ রা·জক, জেদাক্কে আনচিং পাপনি দাবিরাংচা সিএ ইসলনি হা·সিকা গিত্তা রি·না ইন্নে থাংএ দংআ। বিনি বে·এননি মাত্তা না·সংখো নাম্মেতজক।

পিতর 3:18

খ্রীষ্টবা পাপনি গিম্মিনো রাং·সাসান সিয়ামিং। ইসলচা আনচিংখো রা·আংনা ইন্নে উয়া দোসগ্রি মান্দি পাপ দাকগিবারাংনি গিম্মিন, আগানস্খাওদে আনচিংনি গিম্মিন সিয়ামিং। বে·এনো বিখো দক্কে গাল্লামিং, ইন্দিবা গিসিকচা বিখো থাংচাএতামিং আরো বিয়া বন্দি দংগিবা গিসিকরাংচা রি·য়াংএ আগানফ্রাকামিং।

1 যোহন 2:2

আনচিংনি পাপখো হা·রিকনা ইন্নে খ্রীষ্ট বিনি আন·থাংনি জাংগিখো হন·চাকে ইসলখো খুসি দাকজক। আনচিংনি পাপসান হং·জা, ইন্দিবা গিম্মিক মান্দিনি পাপখো হা·রিকনা বিয়া উখো দাকজক।

1 যোহন 3:16

খ্রীষ্ট আনচিংনা আন·থাংনি জাংগিখো হন·চাকামিং, উনি গিম্মিন খা·সাআ মুয়া উখো আনচিং হা·আইনা মান·জক। ইন্দাকোদে আনচিংবা জংআদারাংনা আন·থাংনি জাংগিখো হন·চাকনা নাংআ।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।

ফারাকগিবা খাৎথা 7:9

উনি জা·মানো আংআ গিম্মিক জাত, মা·চং, হা·সং আরো খু·সুকওনি ইন্দাকফিল্লে মান্দি জিলমাখো নিকজক, দারাংবা বিসংখো চান্না মান·জাজক। গিব্বক চলাখো চিন্নে বিসং উয়া সিংহাসন আরো মেষ বি·সানি মিকখাংও খেজুর বিজাকখো জাক্কো রা·এ চাদেংএ দংআমিং।