গালাতীয়রাংনা 1:10 - Garo New Testament

¹⁰ ইনি গিম্মিন আংআ সাচাখো মিৎথেলা মা·ন্না হা·ম্মা, মান্দিচাখো বা ইসলচাখো? বা মান্দিখো খুসি দাকনা হা·ম্মামা? দা·আওবা আংআ মান্দিখো খুসি দাকনা হা·ম্মোদে আংআ খ্রীষ্টনি নকখল হং·জা।

গালাতীয়রাংনা 1:10 Iomraidhean Croise

মথিনি চকগিবা নাম্মা খাৎথা 22:16

বিসং হেরোদনি মিত্তাম মান্দিরাংমুং বিসংনি মিত্তাম জা·রিকগিবারাংখো যীশুচা ওয়াত্তেতজক। বিসং যীশুনা আগানজক, “স্খিগিবা, চিংআ হা·আইয়া না·আ সাকসা নামগিবা মান্দি। ইসলনি রামাখো না·আ বিবি দাক্কে স্খিয়ে হন·রংআ। মান্দিরাং মুয়াখো চানচিনুয়া বা চানচিজানুয়া উনা না·আ খেনজা, মুয়ানা না·আ দারাংনি মিকখাংখো নিএ মামুংখো দাকজা।

মথিনি চকগিবা নাম্মা খাৎথা 28:14

ইয়া খাৎথাখো দাল·বাৎগিবা শাসন দাকগিবা খিন্নানা মা·ন্নোদে চিংআ বিখো থম·থমেৎনুয়া আরো শাস্তিওনি না·সংখো জক্কেৎনুয়া।”

মথিনি চকগিবা নাম্মা খাৎথা 6:24

‘‘দারাংবা নকগিবা সাকগ্মিনি নকখল হং·না মান·জা, মুয়ানা বিয়া সাকসাখো মিৎচিনুয়া আরো সাকগিপ্পিনখো খা·সানুয়া। বিয়া সাকসাখো নামনিকনুয়া আরো সাকগিপ্পিনখো চন্নিকনুয়া। না·সং ইসলনি আরো গামজিননি নকখল হং·না মান·জা।

ওয়াত্তেতারাংনা 12:20

উয়া সময়ও হেরোদ সোর আরো সীদোন সংজিলমানি মান্দিরাংখো খা·আওনাংবিজক। উনো উয়া হা·দামনি মান্দিরাং আপসান হং·এ হেরোদমুং গ্রংনা রি·য়াংজক। রাজানি থুগিবা নকনি বিবিগিবা নকখল ব্লাস্ত মিংগিবাখো আন·থাংথাংওনা রা·বাএ বিসং রাজামুং নাংরিমনা হাম·জক, মুয়ানা রাজা হেরোদনি হা·সংওনিন বিসংনি হা·সংওনা চা·আরাং সকবানুয়ামিং।

ওয়াত্তেতারাংনা 5:29

উনোন পিতর আরো গিপ্পিন ওয়াত্তেতারাং আগানচাকজক, “মান্দিনি গি·য়েতাখো মানিয়ানা বাত্তে চিংআ ইসলনি গি·য়েতাখোন মানিনা নাংআ।

রোমানরাংনা 1:1

আংআ খ্রীষ্ট যীশুনি নকখল পৌল রোম সংজিলমানি বিবিরা·গিবারাংচা ইয়া চিঠিখো চক্কিংআ। ইসল আংখো বিনি ওয়াত্তেতা হং·না রিক্কামজক আরো বিনি হন·গিবা নাম্মা খাৎথাখো আগানফ্রাকনা বাচ্ছিয়ে রা·জক।

রোমানরাংনা 2:29

ইন্দিবা খা·থংও যিহূদী হং·গিবান খাকখেৎ যিহূদী হং·আ। খাকখেৎ বিগিল রাত্তানি কাম খা·থংওন হং·আ। উয়াদে গিসিকনি গিম্মিন হং·আ, চকগিবা নিয়াম মানিয়ানি হং·জা। ইন্দাকগিবা মান্দি মান্দিরাংচাখো মিৎথেলাখো মান·জা, ইন্দিবা ইসলচাখো মিৎথেলাখো মা·ন্না।

রোমানরাংনা 2:8

ইন্দিবা জেরাং আন·থাংনি হা·সিকা গিত্তা রি·য়া আরো বিবিখো মানিগিজা খ্রাগিজাখো মানিয়া ইসল বিসংনা বিল্লংএন শাস্তি হ·ন্নুয়া।

2য় করিন্থীয়রাংনা 12:19

ইয়া চিঠিরাংচা চিংআ না·সংচা আন·থাংনা চাক্কে খাৎথা আগানা ইন্নে না·সং চানচিয়ামা? খ্রীষ্টমুং নাংরিমে চিংআ ইসলনি মিকখাংও খাৎথা আগানিংআ। খা·সাগিবা রিপ্পেংরাং, না·সংখো থারিয়ে রা·না ইন্নেন চিংআ ইয়া খাৎথারাংখো আগানিংআ।

ইফিষীয়রাংনা 6:6

মান্দিখো খুসি দাক্কানি গিসিকখো রা·এ না·সংনি নকগিবারাংনি মিকখাংওসান বিসংখো দা·আ মানিয়াবো, উনা বাত্তে খ্রীষ্টনি নকখল হং·এ ইসলনি হা·সিকাখো মানিয়ে না·সং নকগিবারাংখো মানিবো।

ফিলিপীয়রাংনা 1:1

তীমথিয় আরো আংআ পৌল- চিংআ খ্রীষ্ট যীশুনি নকখল হং·আ। খ্রীষ্ট যীশুমুং নাংরিমগিবা ইসলনি জে মান্দিরাং ফিলিপী সংজিলমাচা দংআ চিংআ বিসংচা আরো বিসংখো নিরক্ষিগিবারাংচা আরো বিসংনা দাকচাকে রন·গিবারাংচা চক্কিংজক।

কলসীয়রাংনা 3:22

না·সং জেরাং নকখল, না·সং গিম্মিক কামও না·সংনি ইয়া হা·গিলসাকনি নকগিবারাংনি নিং·আও বাম্মে দংবো। জে সময়ও বিসং না·সংখো নিআ উনোসান বিসংখো খুসি দাকনা বিসংনি নিং·আও বাম্মে দংনুয়া ইন্দাকেদে হং·জা, বাত্তেসা খাকখেৎ খা·থংও গিত্তেলখো অলাখিয়ে বিসংনি নিং·আও বাম্মে দংবো।

1 থিষলনীকী 2:4

বাত্তেসা খ্রাগিবা চানচিয়ে নাম্মা খাৎথাখো হা·আইয়েতানি কামখো ইসল চিংনা হন·জক ইন্নেন চিংআ উগিত্তা আগানিংজক। মান্দিখো খুসি দাকনা চিংআ ইয়া খাৎথাখো আগানজাংআ, ইন্দিবা জেআন চিংনি খা·থংখো থিকখেলে নিআ উয়া ইসলখো খুসি দাকনা ইন্নেন আগানিংজক।

যাকোব 4:4

বিবিরা·গিজাগিবা মান্দিরাং! হা·গিলসাকনি রিপ্পেং হং·আদে ইসলনি বোবিল হং·আ, ইখো না·সং হা·আইজামা? উনি গিম্মিন জে মান্দি হা·গিলসাকনি রিপ্পেং হং·না হা·সিকা বিয়াদে আন·থাংখো ইসলনি বোবিল দাক্কে থারিয়ে রা·আ।

1 যোহন 3:9

ইসলওনি জেআন আৎচিজক বিয়া পাপও গা·আকজা, মুয়ানা ইসলনি গিসিক-বেওয়াল বিচা দংআ। ইসলওনি আৎচিজক ইন্নে বিয়া পাপও গা·আকে দংনা মান·জা।