ইফিষীয়রাংনা 6:9 - Garo New Testament

⁹ না·সং জেরাং নকগিবা, না·সংবা না·সংনি নকখলরাংমুং উয়ানদাক্কে দাকবো। বিসংখো খেন্নেতাখো ওয়াতবো, মুয়ানা না·সংদে হা·আইয়ান, বিসংনি আরো না·সংনি গিত্তেল আপসান আরো বিয়া সালগিচা দংআ; বিনি মিক্রোনও গিম্মিকান আপসান হং·আ।

ইফিষীয়রাংনা 6:9 Iomraidhean Croise

মথিনি চকগিবা নাম্মা খাৎথা 22:10

উনো উয়া নকখলরাং রামাচা রি·য়াংএ নাম্মা নামজা নিকগিবা খাকখেৎখো রিংগামে রা·বাজক। উনোন বিয়া হং·গিবা নক্কো সকগিবারাং গাপজক।

মথিনি চকগিবা নাম্মা খাৎথা 22:8

জা·মানো বিয়া আন·থাংনি নকখলরাংনা আগানজক, ‘চা·আনিখো থারিয়া হং·জক, ইন্দিবা জেরাংখো রিক্কামসোআমিং বিসং ইনা খ্রাজা।

মথিনি চকগিবা নাম্মা খাৎথা 24:48

ইন্দিবা চানচিচিপবো, উয়া নকখল নামজাওদে, আরো বিয়া গিসিকথাংও ইন্দাকে আগানোদে ‘আংনি নকগিবা রি·বানা হারিমিংজক।’

মথিনি চকগিবা নাম্মা খাৎথা 24:51

উনসালো বিয়া বিখো দেন·গ্নি দাক্কে বু·এ চা·গিবারাংনি গিসেপো বিনা হা·দাম দন্নুয়া। উয়োন মান্দিরাং গ্রাপনুয়া আরো সা·দিকানা ওয়াগাম চিকক্রতনুয়া।

মথিনি চকগিবা নাম্মা খাৎথা 7:12

গিপ্পিন মান্দিরাংচানিখো নাম্মা বেওয়ালখো মা·ন্না হা·ম্মোদে না·সংবা বিসংমুং উয়ানদাক্কে দাকবো। ইয়ান মোশিনি নিয়াম আরো আগানসোগিবারাংনি স্খিয়ানি মিংসংগিবা খাৎথা।

লূকনি চকগিবা নাম্মা খাৎথা 6:31

মান্দিরাংচানিখো না·সং জে বেওয়ালখো মা·ন্না হা·ম্মা না·সংবা বিসংমুং উয়ানদাক্কা বেওয়ালখো দাকবো।

যোহননা 13:13

না·সং আংখো স্খিগিবা আরো গিত্তেল ইন্না, আরো খাকখেৎখোন আগানা মুয়ানা আংআ ইন্দাকেন হং·আ।

ওয়াত্তেতারাংনা 10:34

উনোন পিতর ইন্না হা·বাচেংজক, “আংআ দা·আও বিবিন হা·আইনা মান·জক ইসলনি মিক্রোনও গিম্মিকান আপসান হং·আ।

রোমানরাংনা 2:11

ইনি হা·সেল ইখোন নিকনা মা·ন্না, ইসলনি মিক্রোনও গিম্মিকান আপসান হং·আ।

1ম করিন্থীয়রাংনা 7:22

নকখল দংমিত্তিংও গিত্তেল জেখো রিক্কামজক বিয়া গিত্তেলচা জাকগিত্তেল হং·জক। উয়ানদাক্কে জেখো জাকগিত্তেল অবস্থাও রিক্কামজক বিয়া খ্রীষ্টনি নকখল হং·জক।

কলসীয়রাংনা 3:25

অন্যায় দাকগিবা বিনি বিথিখো মা·ন্নুয়া। গিত্তেলনি মিক্রোনও গিম্মিকান আপসান হং·আ।

কলসীয়রাংনা 4:1

নকগিবারাং, সালগিও না·সংনিবা সাকসা নকগিবা দংআ ইখো হা·আইএ না·সং না·সংনি নকখলরাংমুং নাম্মা আরো খাকখেৎ বেওয়ালখো দাকবো।

যাকোব 2:13

মুয়ানা জে খা·সাচাকজা, বিচালনি সালো বিয়াবা খা·সাচাক্কাখো মান·জানুয়া। বিচালনি সাক্কাও খা·সাচাক্কা হাম্মা।

যাকোব 2:8

রংথালগিবা শাস্ত্রও চক্কা দংআ, “নাং·নি সংসুল নকসুলখো আন·থাং গিত্তা খা·সাবো।’’ না·সং বিবিন ইয়া নিয়াম গিত্তা রি·ওদে, না·সং নাম্মাখোন দাক্কিংজক।

যাকোব 5:4

না·সংনি হা·বাও জে গামগিবারাং মি রাত্তামিং না·সং বিসংনি বেতনখো রন·জা; আরো নিবো, উয়া গামগিবারাং চ্রিকে না·সংখো গ্রো নাংএতা। বিল্লাকস্রাংগিবা গিত্তেলনি নাচিলো গামগিবারাংনি চ্রিকা সক্কাংজক।