ইফিষীয়রাংনা 6:12 - Garo New Testament

¹² আনচিংনি ইয়া দাকগ্রিকা মান্দিনি সাক্কাওদে হং·জা, বাত্তেসা উয়া আন্দালানি সংনকখো শাসন দাকগিবা আরো বিলখো মান·রিকগিবারাংনি সাক্কাও, আন্দালা হা·গিলসাকনি বিল্লাকগিবা গিসিকরাংনি সাক্কাও, আরো সিলগানি গিম্মিক গিসিক নামগিজাগিবারাংনি সাক্কাও।

ইফিষীয়রাংনা 6:12 Iomraidhean Croise

মথিনি চকগিবা নাম্মা খাৎথা 16:17

যীশু আগানচাকে বিনা ইনজক, “যোনানি দেফান্থি শিমোন, না·আ ফাত্তিয়া মান·গিবা হং·আ, মুয়ানা নাং·চা ইখো মান্দি সাকসাবা ফারাকজা; সালগিও দংগিবা আংনি ফাআন ইখো ফারাকজক।

মার্ক 4:19

ইন্দিবা নকদাংনা চানচিয়ারাং, গামজিননা খা·ফাকা আরো গিপ্পিন গিপ্পিন বস্তুরাংনা মাদ্দুুয়া ইরাং উয়া খাৎথাখো দিকফ্রিপা,

লূকনি চকগিবা নাম্মা খাৎথা 13:24

“আপচনা দ·গা গিত্তা নাপনা জাংগি গাল্লে খ্রেংবো। আংআ না·সংনা আগানিংআ, বাং·এন নাপনা খ্রেংনুয়া ইন্দিবা মান·জানুয়া।

লূকনি চকগিবা নাম্মা খাৎথা 22:53

সালাজ্রিং আংআ থরম নক্কো না·সংনি মিকখাংও দংআমিং, ইন্দিবা উনোদে না·সং আংখো রিম·জাজক। ইন্দিদে দা·আও না·সংনিন সাল হং·আ; আন্দালানি বিলখো দা·আও নিকনা মা·ন্নিংজক।”

যোহননা 12:31

ইয়া হা·গিলসাকনি মান্দিরাংখো বিচাল দাক্কানি সাল দা·আও সকবাজক, আরো হা·গিলসাকখো শাসন দাকগিবাখো দা·আও হা·রিকেতনুয়া।

যোহননা 14:30

আংআ না·সংমুং বাং·এ আগানগ্রিকজানাজক, মুয়ানা হা·গিলসাকনি নকগিবা রি·বাংজক। আংনি সাক্কাও বিনি বিল দংজা।

যোহননা 16:11

বিচালনি গিম্মিন সিমসাকেতনুয়া, মুয়ানা হা·গিলসাকনি নকগিবানি বিচাল হং·জক।

রোমানরাংনা 8:38

আংআ ইখো নাম্মেদাক্কেন হা·আইয়া, সিয়া বা জাংগি, সালগিনি সা·গ্রে বা শয়তাননি সা·গ্রে, দা·আওরোরোনি বা জা·মানোনি মামুং বা দিংথাং দাকগিবা বিল,

1ম করিন্থীয়রাংনা 15:50

জংআদারাং, আংআ জেখো আগানিংআ উয়া ইয়ান- মান্দি বিনি বে·এন-হান·চিখো রা·এ ইসলনি সংনকখো মান·রিকগিবা হং·না মান·জা। জেআন নাসিনুয়া উয়া ইন্দাকা মামুংনি মান·রিকগিবা হং·না মান·জা জেআন নাসিজানুয়া।

2য় করিন্থীয়রাংনা 11:14

ইনি গিম্মিন আইয়াও ইনমানানি মামুং দংজা, মুয়ানা শয়তানবা আন·থাংখো সেং·আও চু·সকগিবা সা·গ্রে হং·আ ইন্নে ফিন্নিকনা আন·থাংখো দিংথাং দাক্কে গাল্লা।

2য় করিন্থীয়রাংনা 4:4

বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

গালাতীয়রাংনা 1:16

জেদাক্কে আংআ গিপ্পিন জাতরাংচা খ্রীষ্টনি নাম্মা খাৎথাখো আগানফ্রাকা, ইনি গিম্মিন জেনসালো ইসল বিনি হা·সিকা গিত্তা বিনি দেফান্থিখো আংনা ফারাকজক উনো আংআ সাকসা মান্দিমুংবা খু·ফাত্তিজাজক।

ইফিষীয়রাংনা 1:21

সালগিসাকো জেরাংনি জাক্কো গিম্মিক শাসন আরো বিলরাং দংআ বিসংখো বিয়া খ্রীষ্টনি নিং·আও দনজক। আরো জেনা জে বিমুংখোন দনখানা, উয়া ইয়া চাসংওন হং·খানা বা রি·বাগিবা চাসংওন হং·খানা, গিম্মিক বিমুংনি সাক্কাও খ্রীষ্টনি বিমুং দংআ।

ইফিষীয়রাংনা 1:3

আনচিংনি গিত্তেল যীশু খ্রীষ্টনি ফাগিবা আরো ইসলনি রাসং হং·খানা। আনচিং খ্রীষ্টমুং নাংরিমজক ইন্নে সালগিনি গিসিকনি ফাত্তিয়াখো ইসল আনচিংনা রন·জক।

ইফিষীয়রাংনা 2:2

হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।

ইফিষীয়রাংনা 3:10

বিয়া উখো দাক্কামিং জেদাক্কে খ্রীষ্টনি মন্ডলীও সালগিনি গিম্মিক শাসন দাকগিবা আরো বিলখো মান·রিকগিবারাংচা ফারাকগিবা ইসলনি হা·আইয়া দা·আও ফারাকা।

কলসীয়রাংনা 1:13

মুয়ানা বিয়া আন্দালানি সংনকওনি আনচিংখো জক্কেতি বিনি খা·সাগিবা দেফান্থিনি সংনকো রা·বাজক।

কলসীয়রাংনা 2:15

বিয়া সিলগাসাকনি গিম্মিক নামগিজা শাসন দাকগিবা আরো বিলখো মান·রিকগিবারাংনি বিলখো নাসিয়েতজক। আরো ইন্দাকে বিয়া খ্রীষ্টনি চিসলচা বিসংনি সাক্কাও হামজক আরো গিম্মিকনি মিকখাংও বিসংখো খ্রাচা·এতজক।

2 তীমথিয় 2:5

উগিত্তান খা·ল্লাও দংএ সাবা নিয়াম গিত্তা খাল·জাওদে হাম্মানি মালাখো মান·জা।

ইব্রীয়রাংনা 12:1

ইন্দাকোদে নিকনা মা·ন্না, ইসলনা বিবিরা·না খ্রাগিবানি সাক্ষি গিত্তা বাং·আ মান্দিরাং আনচিংখো উইলউইলে দংআ। ইনি গিম্মিন হাই, আনচিং গিম্মিক চাংফেংআখো আরো জে পাপ আনচিংখো রিম·চিখাপা উখো চে·ল্লাচা জিত্তেতি মিকখাংনি খাতসুসাও চাকচিকে খাতনা।

ইব্রীয়রাংনা 12:4

পাপমুং দাকগ্রিকতে দাকগ্রিকতে না·সংনি দা·আওবা হান·চি গা·আকনা গিত্তা অবস্থা হং·খুজা।

পিতর 3:22

যীশু সালগিচা রি·য়াংজক আরো দা·আও ইসলনি জাক্রাচা আসংএ দংআ, আরো সালগিসাকনি সা·গ্রেরাং, বিলখো মান·রিকগিবারাং আরো শাসন দাকগিবারাং বিনি নিং·আও দংআ।