ইফিষীয়রাংনা 6:10 - Garo New Testament

¹⁰ বন·চতাও আগান্না, গিত্তেলমুং নাংরিমে বিনিন রন·গিবা বিলও বিল্লাকগিবা হং·বো।

ইফিষীয়রাংনা 6:10 Iomraidhean Croise

1ম করিন্থীয়রাংনা 16:13

না·সং সিমসাকবো, বিবিরা·আও খেম·খেম দংবো, খেনমানগিজাগিবা আরো বিল্লাকগিবা হং·বো।

2য় করিন্থীয়রাংনা 13:11

জংআদারাং, দা·আওদে রি·য়াংনাজক। না·সং না·সংনি গিম্মিকখো থারিয়ে চু·সকানি রামাও রি·য়াংবো। আংনি খাৎথাও গিসিক হন·বো। না·সংনি গিসিক আপসান হং·খানা, আরো না·সং থম·থমাও দংবো। ইন্দাকোদে খা·সা আরো থম·থমানি ইসল না·সংমুং দংনুয়া।

ইফিষীয়রাংনা 3:16

আংআ বি·না জেদাক্কে ইসলনি বন·চাংগিজা রাসং গিত্তা বিয়া না·সংনা ইন্দাকগিবা বিলখো র·ন্না জেদাক্কে গিসিক রংথালগিবাচা না·সংনি খা·থং বিল্লাকা,

ফিলিপীয়রাংনা 3:1

বন·চতাও আগান্না, আংনি জংআদারাং, না·সং গিত্তেলমুং নাংরিমে দংআ ইন্নে হান·সেংবো। না·সংচা দা·আবা ইয়া আপসান খাৎথাখোন চকনা আংনি মামুং নেং·আনি হং·জাংআ, আরো না·সংখো সিমসাকেতনা উখো দাক্কা নাম্মা।

ফিলিপীয়রাংনা 4:13

জেআন আংনা বিলখো র·ন্না বিচান আংআ গিম্মিকখো দাকনা মা·ন্না।

ফিলিপীয়রাংনা 4:8

বন·চতাও আগান্না, জংআদারাং, জেআন বিবি, জেআন খ্রাগিবা, জেআন নাম্মা, জেআন খাকখেৎ, জেআন নিথুয়া, জেআন মান্দিরা·আখো মা·ন্না খ্রাগিবা, জেআন নাম্মা আরো মিৎথেলনা খ্রাআ, উচা না·সং গিসিক রন·বো।

কলসীয়রাংনা 1:11

ইন্দাকে হং·না মা·ন্না, মুয়ানা ইসল বিনি বিল গিম্মিকচা না·সংখো বিল্লাকেতিংজক জেদাক্কে সালাজ্রিং না·সং হান·সেংএ চাকচিকে গিম্মিকখো চাক্কা আরো ফাগিবা ইসলখো মিৎথেলা। সেং·আনি সংনকো ইসলনি মান্দিরাং জে বিলখো মা·ন্নুয়া উখো মান·রিকনা বিয়া না·সংখো খ্রাগিবা দাকজক,

2 তীমথিয় 2:1

আংনি বি·সা, খ্রীষ্ট যীশুনি খা·সাচাক্কাও না·আ বিল্লাকবো।

2 তীমথিয় 4:17

ইন্দিবা গিত্তেল আংমুং দংআমিং আরো আংনা বিলখো হ·ন্নামিং। উনি গিম্মিন আংআ চু·গিম্মিক দাক্কে নাম্মা খাৎথাখো আগানফ্রাকনা মা·ন্নামিং আরো গিপ্পিন জাতরাং গিম্মিকান উখো খিন্নামিং। ইসল আংখো সিংহনি খু·সুকওনিখো জক্কেতামিং।

পিতর 3:8

বন·চতাও আগান্না, না·সংনি গিম্মিকনি গিসিক আপসান হং·খানা। না·সং সাকসা সাকগিপ্পিননি দুকও দুক মান·ফাবো, জংআদা গিত্তা খা·সানি গিসিকখো রা·রিকবো আরো খা·সাচাকবো আরো সনথল হং·বো।

পিতর 4:11

সাবা আগানফ্রাকোদে ইন্দাকে আগানফ্রাকখানা জেদাক্কে বিয়া ইসলনি আন·থাংনি খু·সুকখো আগানিংআ। সাবা দাকচাকে হ·ন্নোদে ইসলনি হন·গিবা বিলচা বিয়া দাকচাকে হন·খানা, জেদাক্কে যীশু খ্রীষ্টও গিম্মিক গিত্তা ইসলান রাসংখো মা·ন্না। রাসং আরো বিল ফাংনাজলনা বিনিন হং·আ। আমেন।

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

1 যোহন 2:14

বি·সারাং, আংআ না·সংচা চকজক, মুয়ানা না·সং ফাগিবা ইসলখো হা·আইয়া। ফাগিবারাং, আংআ না·সংচা চকজক, মুয়ানা উয়া স্খাংওনিন জেআন দংআ না·সং বিখো হা·আইজক। ফান্থিরাং, আংআ না·সংচা চকজক, মুয়ানা না·সং বিল্লাকগিবা হং·আ আরো ইসলনি খাৎথা না·সংনি খা·থংও দংআ, আরো না·সং শয়তাননি সাক্কাও হামজক।